"یاد" کے موضوع پر اشعار!

[شمشاد]

تعاقب
مجھ سے پہلے کے دن
اب بہت یاد آنے لگے ہیں تمہیں
خواب و تعبیر کے گم شدہ سلسلے
بار بار اب ستانے لگے ہیں تمہیں
دکھ جو پہنچے تھے تم سے کسی کو کبھی
دیر تک اب جگانے لگے ہیں تمہیں
(جون ایلیا)

 

[نوید صادق]

یادوں کے دریچوں کو ذرا کھول کے دیکھو
ہم لوگ وہی ہیں کہ نہیں بول کے دیکھو

شاعر: رام ریاض

 

[شمشاد]

کب مجھے کوئے یار میں رہنے کی وضع یاد تھی
آئینہ دار بن گئی حیرتِ نقشِ پا کہ یُوں
(چچا)

 

[عمر سیف]

اپنی یادوں کو سمیٹیں گے بچھڑنے والے
کس کو معلوم ہے کے کون کدھر جائے گا

 

[شمشاد]

بچھڑ کے تجھ سے چلے ہم اب کے یوں بھی ہوا
کہ تیری یاد کہیں راستوں میں چھوڑ آئی

 

[نوید صادق]

دل کا دروازہ کھلا مت رکھو
یاد آنکھوں میں پرو جاتا ہوں

شاعر: سید آلِ احمد

 

[شمشاد]

یادوں کی آگ میں میری آنکھیں سلگ اٹھیں
راتوں کو سوچنے کی عادت نہ تھی مجھے

 

[نوید صادق]

میں ہوں بے کس اور بے کس پر ترحم ہے ضرور
حسنِ روز افزوں دلا دینا مری حالت کی یاد

شاعر: شیفتہ

 

[شمشاد]

یادوں کی آگ میں میری آنکھیں سلگ اٹھیں
راتوں کو سوچنے کی عادت نہ تھی مجھے
شاید وہ میرے عشق کی اک انتہا ہی تھی
کہ تیرے ہمسفر سے رقابت نہ تھی مجھے

 

[نوید صادق]

یاد نے جس کی بھلایا سب کچھ
اس کی میں یاد بھلاؤں کیوں کر

شاعر: شیفتہ

 

[شمشاد]

اصغر ہجومِ دردِ غریبی میں اس کی یاد
آئی ہے اک طلسمی تمنا لیئے ہوئے
(اصغر گوندوی)

 

[نوید صادق]

یاد کا موسم جب سے بادل چال ہوا
اجڑ گئے سپنے، جیون جنجال ہوا


شاعر: رام ریاض

 

[شمشاد]

یادوں کے دریچوں کو ذرا کھول کے دیکھو
ہم لوگ وہی ہیں کہ نہیں، بول کے دیکھو
(رام ریاض)

 

[عیشل]

کسی خبر کہ ہمیں اب بھی یاد ہیں محسن
وہ کروٹیں غم کی،وہ حوصلے تیرے

 

[بلال]

ان کی یاد اتنی آئی کہ خود کی یاداشت کا پتہ نہیں
وہ جنازہ لے کر گھومتے رہے میری لاش کا پتہ نہیں

 

[شمشاد]

گومتے نہیں گھومتے ہوتا ہے۔

 

[شمشاد]

یاد کا موسم جب سے بادل چال ہوا
اجڑ گئے سپنے، جیون جنجال ہوا
(رام ریاض)

 

[بلال]

گومتے نہیں گھومتے ہوتا ہے۔

غلطی بتانے کا بہت شکریہ۔ آئندہ بھی کوئی غلطی ہو تو ضرور بتانا تاکہ میری اصلاح ہو سکے۔

 

[شمشاد]

بھائی جی میں تو خود طفلِ مکتب ہوں میں کیا کسی کی اصلاح کروں گا۔

 

[شمشاد]

شام دلہن مسکائی جب یادوں کے پنگھٹ پر
میں نے دن کا بوجھ اتارا دونوں وقت ملے
(رام ریاض)