1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $418.00
    اعلان ختم کریں

نصیر الدین نصیر ہم سا بھی ہوگا جہاں میں کوئی ناداں جاناں - پیر سید نصیر الدین نصیرؔ گیلانی

فرحان محمد خان نے 'پسندیدہ کلام' کی ذیل میں اس موضوع کا آغاز کیا، ‏جولائی 8, 2018

  1. فرحان محمد خان

    فرحان محمد خان محفلین

    مراسلے:
    2,058
    جھنڈا:
    Pakistan
    موڈ:
    Cheeky
    ہم سا بھی ہوگا جہاں میں کوئی ناداں جاناں
    بے رُخی کو بھی جو سمجھے ترا احساں جاناں

    جب بھی کرتی ہے مرے دل کو پریشاں دُنیا
    یاد آتی ہے تری زُلفِ پریشاں جاناں

    میں تری پہلی نظر کو نہیں بھولا اب تک
    آج بھی دل میں ہے پیوست وہ پیکاں جاناں

    ہمسُخَن ہو کبھی آئنیے سے باہر آ کر
    اے مری روح ! مرے عکسِ گریزاں جاناں

    دشتِ گلرنگ ہے کس آبلہ پا کے خوں سے
    کر گیا کون بیاباں کو گلستاں جاناں

    مجھ سے باندھے تھے بنا کر جو ستاروں کو گواہ
    کر دئیے تُو نے فراموش وہ پیماں جاناں

    کبھی آتے ہوئے دیکھوں تجھے اپنے گھر میں
    کاش پورا ہو مرے دل کا یہ ارماں جاناں

    اک مسافر کو ترے شہر میں موت آئی ہے
    شہر سے دور نہیں گورِ غریباں جاناں

    یہ ترا حُسن ، یہ کافر سی ادائیں تیری
    کون رہ سکتا ہے ایسے میں مسلماں جاناں

    کیوں تجھے ٹوٹ کے چاہے نہ خُدائی ساری
    کون ہے تیرے سوا یوسفِ دوراں جاناں

    نغمہ و شعر مرے ذوق کا حصّہ تو نہ تھے
    تیری آنکھوں نے بنایا ہے غزلخواں جاناں

    جاں بہ لب، خاک بسر،آہ بہ دل خانہ بدوش
    مجھ سا بھی کوئی نہ ہو بے سرو ساماں جاناں

    یہ تو پوچھ اس سے کہ جس پر یہ بلا گُزری ہے
    کیا خبر تجھ کو کہ کیا ہے شبِ ہجراں جاناں

    وہ تو اک نام تمہارا تھا کہ آڑے آیا
    ورنہ دھر لیتی مجھے گردشِ دوراں جاناں

    یہ وہ نسبت ہے جو ٹوٹی ہے نہ ٹوٹے گی کبھی
    میں ترا خاکِ نشیں تو میرا سلطاں جاناں

    کیا تماشہ ہو کہ خاموش کھڑی ہو دنیا
    میں چلوں حشر میں کہتے ہوا جاناں جاناں

    در پہ حاضر ہے ترے آج نصیرِؔ عاصی
    تیرا مجرم، ترا شرمندہِ احساں جاناں
    پیر سید نصیر الدین نصیرؔ گیلانی
     
    • زبردست زبردست × 2
  2. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,205
    جھنڈا:
    Pakistan
    موڈ:
    Cheerful
    زبردست مولانا ,بہت عمدہ
     
  3. الف نظامی

    الف نظامی لائبریرین

    مراسلے:
    13,895
    جھنڈا:
    Pakistan
    موڈ:
    Cool
    دشت گلرنگ ہے کس آبلہ پا کے خوں سے
    کر گیا کون بیاباں کو گلستاں جاناں​
     
  4. الف نظامی

    الف نظامی لائبریرین

    مراسلے:
    13,895
    جھنڈا:
    Pakistan
    موڈ:
    Cool
    یہ وہ نسبت ہے جو ٹوٹی ہے نہ ٹوٹے گی کبھی
    میں ترا خاکِ نشیں تو میرا سلطاں جاناں​
     

اس صفحے کی تشہیر