نوید صادق
محفلین
غزل
ہر نخلِ چمن بچائیں گے ہم
اب ایک ہی دھن میں گائیں گے ہم
بجھتی ہوئی شمعوں کی لووں کو
خورشید صفت بنائیں گے ہم
زرخیز ہوئی ہے خاکِ صحرا
گُن ابر وہوا کے گائیں گے ہم
ہے باغ میں خوشگوار موسم
اب اور کہیں نہ جائیں گے ہم
اے خاکِ وطن ملول مت ہو
ہر قرضِ وطن چکائیں گے ہم
جنت ہو کہ قریہء جہنم
اے دل! ترے ساتھ جائیں گے ہم
سب غم زدگانِ شب کو محسن
اک صبحِ طرب دکھائیں گے ہم
(23 مارچ کے حوالے سے)
-----------------
(محسن احسان)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ: ماہنامہ "تخلیق" فروری 2009ء
ہر نخلِ چمن بچائیں گے ہم
اب ایک ہی دھن میں گائیں گے ہم
بجھتی ہوئی شمعوں کی لووں کو
خورشید صفت بنائیں گے ہم
زرخیز ہوئی ہے خاکِ صحرا
گُن ابر وہوا کے گائیں گے ہم
ہے باغ میں خوشگوار موسم
اب اور کہیں نہ جائیں گے ہم
اے خاکِ وطن ملول مت ہو
ہر قرضِ وطن چکائیں گے ہم
جنت ہو کہ قریہء جہنم
اے دل! ترے ساتھ جائیں گے ہم
سب غم زدگانِ شب کو محسن
اک صبحِ طرب دکھائیں گے ہم
(23 مارچ کے حوالے سے)
-----------------
(محسن احسان)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شکریہ: ماہنامہ "تخلیق" فروری 2009ء
