1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

جون ایلیا گِلے سے باز آیا جا رہا ہے

لاریب مرزا نے 'پسندیدہ کلام' کی ذیل میں اس موضوع کا آغاز کیا، ‏اکتوبر 18, 2016

  1. لاریب مرزا

    لاریب مرزا محفلین

    مراسلے:
    5,643
    گِلے سے باز آیا جا رہا ہے
    سو پیہم گنگنایا جا رہا ہے

    نہیں مطلب کسی پہ طنز کرنا
    ہنسی میں مسکرایا جا رہا ہے

    وہاں اب میں کہاں! اب تو وہاں سے
    مرا سامان لایا جا رہا ہے

    عجب ہے ایک حالت سی ہوا میں
    ہمیں جیسے گنوایا جا رہا ہے

    اب اس کا نام بھی کب یاد ہو گا
    جسے ہر دَم بُھلایا جا رہا ہے

    چراغ اس طرح روشن کر رہا ہوں
    کہ جیسے گھر جلایا جا رہا ہے

    بَھلا تم کب چلے تھے یوں سنبھل کر
    کہاں سے اُٹھ کے جایا جا رہا ہے

    تو کیا اب نیند بھی آنے لگی ہے
    تو بستر کیوں بِچھایا جا رہا ہے
     
    • پسندیدہ پسندیدہ × 3
  2. اے خان

    اے خان محفلین

    مراسلے:
    4,399
    جھنڈا:
    Pakistan
    موڈ:
    Innocent
    عمدہ انتخاب، لا جواب اشعار
     
    • دوستانہ دوستانہ × 1
  3. لاریب مرزا

    لاریب مرزا محفلین

    مراسلے:
    5,643
    بہت شکریہ!! :)
     
    • دوستانہ دوستانہ × 1

اس صفحے کی تشہیر