میر گُل کو ہوتا صبا قرار اے کاش

لاریب مرزا

محفلین
گُل کو ہوتا صبا قرار اے کاش
رہتی ایک آدھ دن بہار اے کاش

یہ جو دو آنکھیں مند گئیں میری
اس پہ وا ہوتیں ایک بار اے کاش

کن نے اپنی مصیبتیں نہ گنیں
رکھتے میرے بھی غم شمار اے کاش

جان آخر تو جانے والی تھی
اس پہ کی ہوتی میں نثار اے کاش

اس میں راہ سخن نکلتی تھی
شعر ہوتا ترا شعار اے کاش

خاک بھی وہ تو دیوے گا برباد
نہ بناویں مرا مزار اے کاش

شش جہت اب تو تنگ ہے ہم پر
اس سے ہوتے نہ ہم دوچار اے کا

مرتے بھی تو ترے ہی کوچے میں
ملتی یاں جاے گوردار اے کاش

ان لبوں کے گلے سے دل ہے بھرا
چل پڑے بات پیش یار اے کاش

بے اجل میر اب پڑا مرنا
عشق کرتے نہ اختیار اے کاش

(میر تقی میر)
 

طارق شاہ

محفلین
یہ جو دو آنکھ مُند گئیں میری
اُس پہ وا ہوتیں ایک بار اے کاش

خاک بھی وہ تُو دیوے گا برباد
نہ بناویں مِری مزار اے کاش

شش جہت اب تو تنگ ہے ہم پر
اِس سے ہوتے نہ ہم دوچار اے کاش

اِن لبوں کے کلی سے دِل ہے بھرا
چل پڑے بات پیشِ یار اے کاش

بے اجل میؔر! اب پڑا مرنا
عِشق کرتے نہ اِختیار اے کاش

:):)
 

لاریب مرزا

محفلین
یہ جو دو آنکھ مُند گئیں میری
اُس پہ وا ہوتیں ایک بار اے کاش

خاک بھی وہ تُو دیوے گا برباد
نہ بناویں مِری مزار اے کاش

شش جہت اب تو تنگ ہے ہم پر
اِس سے ہوتے نہ ہم دوچار اے کاش

اِن لبوں کے کلی سے دِل ہے بھرا
چل پڑے بات پیشِ یار اے کاش

بے اجل میؔر! اب پڑا مرنا
عِشق کرتے نہ اِختیار اے کاش

:):)
محترم طارق شاہ صاحب!! اصلاح کے لیے ہم آپ کے شکرگزار ہیں۔ سلامت رہیے۔

ایک جگہ پر ہمیں مصرعے کا مفہوم سمجھنے میں دقت ہو رہی ہے۔ شفقت عنایت فرمائیں اور مصرعے کا مفہوم واضح کر دیں۔
اِن لبوں کے کلی سے دِل ہے بھرا
 
Top