فارقلیط رحمانی
لائبریرین
گل رنگيں
تو شناسائے خراش عقدہ مشکل نہيں
اَےگل رنگيں ترے پہلو ميں شايد دل نہيں
زيب محفل ہے ، شريک شورش محفل نہيں
يہ فراغت بزم ہستی ميں مجھے حاصل نہيں
اس چمن ميں ميں سراپا سوز و ساز آرزو
اور تيری زندگانی بے گداز آرزو
توڑلينا شاخ سے تجھ کو مرا آئيں نہيں
يہ نظر غير از نگاہ چشم صورت بيں نہيں
آہ! يہ دست جفاجو اَے گل رنگيں نہيں
کس طرح تجھ کو يہ سمجھاؤں کہ ميں گل چيں نہيں
کام مجھ کو ديدہ حکمت کے الجھيڑوں سے کيا
ديدہ بلبل سے ميں کرتا ہوں نظارہ ترا
سو زبانوں پر بھی خاموشی تجھے منظور ہے
راز وہ کيا ہے ترے سينے ميں جو مستور ہے
ميری صورت تو بھی اک برگِ رياض طور ہے
ميں چمن سے دور ہوں تو بھی چمن سے دور ہے
مطمئن ہے تو ، پريشاں مثل بو رہتا ہوں ميں
زخمی شمشير ذوق جستجو رہتا ہوں ميں
يہ پريشاني مری سامان جمعيت نہ ہو
يہ جگر سوزی چراغ خانہ حکمت نہ ہو
ناتوانی ہی مری سرمايہ قوت نہ ہو
رشک جام جم مرا آ ينہ حيرت نہ ہو
يہ تلاش متصل شمع جہاں افروز ہے
توسن ادراک انساں کو خرام آموز ہے
از: علامہ اقبال
تو شناسائے خراش عقدہ مشکل نہيں
اَےگل رنگيں ترے پہلو ميں شايد دل نہيں
زيب محفل ہے ، شريک شورش محفل نہيں
يہ فراغت بزم ہستی ميں مجھے حاصل نہيں
اس چمن ميں ميں سراپا سوز و ساز آرزو
اور تيری زندگانی بے گداز آرزو
توڑلينا شاخ سے تجھ کو مرا آئيں نہيں
يہ نظر غير از نگاہ چشم صورت بيں نہيں
آہ! يہ دست جفاجو اَے گل رنگيں نہيں
کس طرح تجھ کو يہ سمجھاؤں کہ ميں گل چيں نہيں
کام مجھ کو ديدہ حکمت کے الجھيڑوں سے کيا
ديدہ بلبل سے ميں کرتا ہوں نظارہ ترا
سو زبانوں پر بھی خاموشی تجھے منظور ہے
راز وہ کيا ہے ترے سينے ميں جو مستور ہے
ميری صورت تو بھی اک برگِ رياض طور ہے
ميں چمن سے دور ہوں تو بھی چمن سے دور ہے
مطمئن ہے تو ، پريشاں مثل بو رہتا ہوں ميں
زخمی شمشير ذوق جستجو رہتا ہوں ميں
يہ پريشاني مری سامان جمعيت نہ ہو
يہ جگر سوزی چراغ خانہ حکمت نہ ہو
ناتوانی ہی مری سرمايہ قوت نہ ہو
رشک جام جم مرا آ ينہ حيرت نہ ہو
يہ تلاش متصل شمع جہاں افروز ہے
توسن ادراک انساں کو خرام آموز ہے
از: علامہ اقبال
