La Alma
لائبریرین
گر خدائی تری یگانہ ہے
بندگی عشقِ جاودانہ ہے
طور واعظ کا غافلانہ ہے
فکر کافر کی عارفانہ ہے
خوئے رہبر مسافرانہ ہے
شوقِ منزل تو اک بہانہ ہے
داستانِ عدم میں لکھا تھا
عالمِ رنگ و بُو فسانہ ہے
تیر الفاظ کے بھی ہیں کاری
ضربِ خامہ بھی قاتلانہ ہے
آج عنقا ہوا گزشتہ کل
روزِ فردا نیا زمانہ ہے
اپنی پہچان بن گیا المٰیؔ
اک تعارف جو غائبانہ ہے
بندگی عشقِ جاودانہ ہے
طور واعظ کا غافلانہ ہے
فکر کافر کی عارفانہ ہے
خوئے رہبر مسافرانہ ہے
شوقِ منزل تو اک بہانہ ہے
داستانِ عدم میں لکھا تھا
عالمِ رنگ و بُو فسانہ ہے
تیر الفاظ کے بھی ہیں کاری
ضربِ خامہ بھی قاتلانہ ہے
آج عنقا ہوا گزشتہ کل
روزِ فردا نیا زمانہ ہے
اپنی پہچان بن گیا المٰیؔ
اک تعارف جو غائبانہ ہے
