1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

افتخار عارف کیسے کیسے خواب سجے ہیں دیکھو تو

فہد اشرف نے 'پسندیدہ کلام' کی ذیل میں اس موضوع کا آغاز کیا، ‏ستمبر 3, 2017

  1. فہد اشرف

    فہد اشرف محفلین

    مراسلے:
    6,543
    جھنڈا:
    India
    موڈ:
    Relaxed
    غزل

    کیسے کیسے خواب سجے ہیں دیکھو تو
    آنکھوں میں کُچھ رنگ نئے ہیں دیکھو تو

    دھنک کُنج سے آنے والے رنگ سفیر
    ڈالی ڈالی جھول رہے ہیں دیکھو تو

    پونم رات، اونچی پہاڑیاں اور چکور
    کِس کا رستہ دیکھ رہے ہیں دیکھو تو

    دُھول نہائے تھکن سمیٹے کُل سپنے
    سورج بن کر جاگ پڑے ہیں دیکھو تو

    نرم نرم شاخوں پر ننھے ننھے پھول
    کیسے تم کو دیکھ رہے ہیں دیکھو تو

    گئی رُتوں کی بارش میں بھیگے پنچھی
    اُڑنے کو پَر تول رہے ہیں دیکھو تو

    اِس باری تو چاند کے اُجلے ماتھے پر
    ہم دونوں کے نام لکھے ہیں دیکھو تو

    مَیں نے تمھاری قربت کی سرشاری میں
    کیسے اچھے شعر لکھے ہیں دیکھو تو

    (”مہرِ دو نیم“ سے انتخاب)
     
    مدیر کی آخری تدوین: ‏ستمبر 4, 2017
    • پسندیدہ پسندیدہ × 2

اس صفحے کی تشہیر