کیسے دکھائے دن دلِ خانہ خراب نے ۔۔۔

الشفاء نے 'اِصلاحِ سخن' کی ذیل میں اس موضوع کا آغاز کیا، ‏جولائی 13, 2016

  1. شاہد شاہنواز

    شاہد شاہنواز لائبریرین

    مراسلے:
    1,836
    جھنڈا:
    Pakistan
    حیراں ہیں ساری اُمتیں محشر میں دیکھ کر
    رتبے جو پائے اُمّتِ عالیجناب ﷺ نے
    ۔۔۔متنازعہ شاید آپ کو منفی لفظ محسوس ہوا ہو، لیکن ایسے اشعار نعت کے ہوتے ہیں۔ ان بعض میں، مجھے بھی شامل کرلیجئے جو غزل میں ان اشعار کی شمولیت پر یہ سوچنے پر مجبور ہوجاتے ہیں کہ ان اشعار کا مقام یہ نہیں تھا کہ ان کو غزل میں شامل کیا جاتا۔ ان کے لیے بہترین مقام نعت کا ہے۔۔۔ یہی بات بہت سے دیگر شعراء سوچتے ہیں جن کی تعداد بے شمار ہے۔۔۔ ہم ان سب کو جان سکتے ہیں نہ تعداد بتا سکتے ہیں
     
    • معلوماتی معلوماتی × 1
  2. راحیل فاروق

    راحیل فاروق محفلین

    مراسلے:
    1,323
    جھنڈا:
    Pakistan
    موڈ:
    Psychedelic
    بہت عمدہ، لالہ۔ ہمیں تو پتا ہی نہیں تھا کہ آپ بھی شعر کہتے ہیں۔ اور اتنے اچھے کہتے ہیں۔
    کلام کی پختگی تو خیر مشق و ممارست کی دین ہے جو خدا معلوم آپ کتنی کرتے ہوں گے۔ مگر طبیعت کی پختگی اظہر من الشمس ہے۔
    میں نے اوپر مندرج تبصرے اور آرا بغور پڑھی ہیں۔ مندرجہ بالا اشعار پر ہونے والے کسی اعتراض میں مجھے صواب کا عنصر نظر نہیں آیا۔ نہایت پاکیزہ خیالات کافی صفائی اور عمدگی سے بیان ہو گئے ہیں۔
    اس شعر پر اعتراض وہی وارد ہوتا ہے جو جناب شاہد شاہنواز نے کیا ہے۔ اور جواب بھی وہی ہے جو انھوں نے خود دیا ہے۔
    اتنا بہرحال ہے کہ یہ معانی کسی قدر تامل کے بعد معلوم ہوتے ہیں اور اول اول شعر کچھ خاص نہیں لگتا۔ لیکن جب معانی کو پہنچ جائیں تو لطف بھی خاصا آتا ہے۔ میری رائے میں اس شعر کی ظاہری پیچیدگی کو اسی بنا پر معاف کر دینا چاہیے۔
    اس میں 'اک' صریح حشو ہے۔ دوسری بات یہ ہے کہ جنابِ امیرؓ کی بابت کوئی ایسی معنیٰ خیز بات بھی اس میں نہیں کی گئی جس سے یہ شعر انوکھا ہو جائے۔ بیان میں بھی کچھ ایسی خوبی نظر نہیں آتی۔ میری ناقص رائے میں اسے حذف کر دینا بہتر ہے۔
    اِنس کا لفظ تراکیب سے باہر ہماری روزمرہ میں اجنبی ہے۔ نیز پچھلے شعر والا اعتراض اس پر بھی وارد ہو سکتا ہے کہ نہ اس میں کوئی الفاظ کی خوبی ہے نہ خیال کی ندرت۔ یہ دونوں اشعار معلوم ہوتا ہے کہ عقیدت یا قافیہ (یا دونوں) نبھانے کی غرض سے لکھے گئے ہیں۔
    ---
    ہم اس تجزیے کے اختتام تک اس حیرت سے باہر نہیں آ سکے کہ آپ بھی شاعر ہیں۔ اور وہ بھی ایسے اچھے۔ شاد باشید! :):)
     
    • پسندیدہ پسندیدہ × 4
    • زبردست زبردست × 2
    • دوستانہ دوستانہ × 2
  3. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    پسند کرنے پر شکر گزار ہوں سید صاحب۔۔۔ :)
    آپ کا ارشاد سر آنکھوں پر۔ ۔۔ اس کو مزید بہتر کرنے کی کوشش کرتے ہیں ان شاءاللہ عزوجل۔۔۔

    نوازش ، کرم ۔۔۔:)
    بجا ہے شکیب بھائی۔۔۔ مزید چست کرنے کی کوشش کرتے ہیں۔۔۔
    توجہ کے لئے شکر گزار ہوں۔۔۔:)
     
    • دوستانہ دوستانہ × 2
    • زبردست زبردست × 1
  4. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    بہت بہت شکریہ راحیل بھائی۔ آپ کی طرف سے حوصلہ افزائی نہایت فرحت افزا ہے۔۔۔
    آپ کی ذرہ نوازی ہے۔۔۔
    دراصل اس شعر میں وہی معانی ہیں جن کا ذکر شاہد بھائی نے اپنے دوسرے مراسلے میں کیا۔ یعنی کہ جب منکر نکیر نے آ کر محبوب کے متعلق استفسار کیا تو سوالات و جوابات کے اس سلسلے نے ایک بزم سخن کا روپ دھار لیا۔۔۔ اب بزم سخن کو ہم نے نثر و نظم دونوں پر محیط سمجھا ہے۔ شاید غلط سمجھا ہو۔۔۔
    اگر یوں کر دیا جائے کہ "محفل سجائی اُن کے سوال و جواب نے"؟
    جی بہتر ۔ یہ دونوں اشعار حذف کر دیتے ہیں۔۔۔
    یہ تو آپ کی بندہ پروری ہے صاحب۔ بہر حال ہم شاعر نہیں ۔۔۔ تُک بندی کہنے کی بھی جسارت نہیں کہ یہ اصطلاح بھی محفل پر " ٹریڈ مارک رجسٹرڈ" ہے۔۔۔ آپ جیسے احباب کا کلام اور تبصرے دیکھ کر کبھی کبھار کچھ الفاظ نظم ہو جائیں تو سیکھنے کی غرض سے اس زمرے میں رکھ چھوڑتے ہیں۔۔۔ جیسے کہ یہ۔۔۔
    آپ نے توجہ فرمائی۔ اللہ عزوجل آپ کو شاد و آباد رکھے۔۔۔:)
     
    • پسندیدہ پسندیدہ × 2
    • زبردست زبردست × 1
    • دوستانہ دوستانہ × 1
  5. ظہیراحمدظہیر

    ظہیراحمدظہیر محفلین

    مراسلے:
    3,668
    جھنڈا:
    Pakistan
    موڈ:
    Busy
    واہ واہ!! کیا خوبصورت اشعار ہیں ! بہت بہت داد آپ کیلئے !!

    کیسے دکھائے دن دلِ خانہ خراب نے
    آنکھوں کو گھر بنا لیا اِک جُوئے آب نے

    مستی نگاہِ یار کی دیکھی تو شرم سے
    بوتل میں منہ چھپا لیا اپنا شراب نے

    ان دو اشعار کی کیا بات ہے !!! اللہ کرے زورِقلم اور زیادہ!

    نقد و نظر تو بہت ہوچکی اس غزل پر اور تقریباً ہر پہلو پر بات ہو ہی چکی ہے ۔ قبلہ و کعبہ حضرت راحیل فاروق صاحب علیہ ما علیہ کے ارشادات سے متفق ہوں ۔

    ایک بات جو اس ویب سائٹ پر دیکھنے میں آئی وہ یہ کہ نثر کی طرح شعر میں بھی لوگ محمد رسول اللہ کے نام کے بعد صلی اللہ علی وسلم لکھتے ہیں ۔ بھائی شعر مین ایسا لکھنا ضروری نہیں ۔ اس سے مصرع پڑھنے میں دقت ہوتی ہے ۔ جہاں بھی آپ کا نام ِ مبارک بولا یا پڑھا جائے احتراماً سننے یا پڑھنے والے کو صلی اللہ علی وسلم خود بخود کہنا چاہیئے ۔ اورصلی اللہ علی وسلم نام کے فوراً بعد ہی کہنا ضروری نہیں ۔ جملہ یا مصرع پورا کرنے کے بعد بھی کہا جاسکتا ہے ۔ مقصد یہ ہےکہ جہاں آپ رسول اللہ کا ذکر آئے ان پر سلام بھیجا جائے ۔ اکثر یت کی رائے یہی ہے کہ ایک گفتگو یا ایک مجلس میں اگر بار بار محمد کا نام یا ذکر آرہا ہو تو صرف ایک بار سلام بھیجنا بھی کافی ہے ۔ اگر متعدد بار یا ہربار سلام بھیجا جائے تو بھی حرج نہیں کہ محبت کی کوئی حدود و قیود نہیں ۔ لیکن اگر ایسا کرنے سے خطابت کی روانی یا تاثر متاثر ہورہا ہو تو حکمت استعمال کرنی چاہیئے ۔ صلی اللہ علیہ وآلہ واصحابہ وسلم ۔
    اگر میرے اس تبصرے پر اختلافی گفتگو لازمی ہوجائے تو براہِ کرم حضرت راحیل فاروق کی کسی لڑی میں شروع کردیں کہ ان کا سینہ اقوامِ متحدہ کی طرح کشادہ ہے ۔ بھائی الشفاء کی غزل کو داد بیداد تک محدود رکھا جائے تو بہتر ہے ۔ :):):)
     
    • پسندیدہ پسندیدہ × 4
    • متفق متفق × 2
  6. شکیب

    شکیب محفلین

    مراسلے:
    1,805
    جھنڈا:
    India
    موڈ:
    Breezy
    لیکن آپ کے پہلی بات کا مطلب کچھ یوں نکل رہا تھا کہ غزل میں یہ شعر مس فٹ ہے۔ نعت میں آئے تو اچھا ہونے سے کوئی انکار نہیں، لیکن غزل میں آنے پر کوئی اعتراض بھی نہیں بنتا۔ یو نو، غزل صرف عورتاں دی باتاں دا نام نئیں۔۔۔۔:)
     
    • متفق متفق × 1
  7. شکیب

    شکیب محفلین

    مراسلے:
    1,805
    جھنڈا:
    India
    موڈ:
    Breezy
    ایک مرتبہ فائنل غزل پوسٹ کر دیجیے گا الشفاء
     
    • متفق متفق × 2
  8. ابن رضا

    ابن رضا لائبریرین

    مراسلے:
    4,255
    جھنڈا:
    Pakistan
    موڈ:
    Brooding
    بہت عمدہ ہے جناب. داد قبولیے
     
    • دوستانہ دوستانہ × 1
    • متفق متفق × 1
  9. وقار علی ذگر

    وقار علی ذگر محفلین

    مراسلے:
    311
    جھنڈا:
    Pakistan
    موڈ:
    Brooding
    بہت عمدہ کاوش ہے ۔۔۔
     
    • دوستانہ دوستانہ × 1
  10. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    آداب عرض ہے سر۔۔۔:)

    جی۔ آپ کی توجہ کے لئے بندہ شکر گزار ہے۔۔۔ اگر علیہ ما علیہ کی وضاحت بھی ہو جاتی تو آئندہ ہمیں راحیل فاروق بھائی کے گُن گانے میں آسانی ہوتی۔۔۔:)

    جی۔ یہاں ان شاءاللہ کوئی اختلافی گفتگو نہیں ہو گی۔۔۔اقوام متحدہ کی خدمات کسی اور کام کے لئے اٹھا رکھتے ہیں۔۔۔
    آپ کی نوازش کے لئے بہت شکریہ سر ۔ اللہ عزوجل آپ کو خوش رکھے۔۔۔:)
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  11. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    جی۔ ضرور ان شاءاللہ عزوجل۔۔۔:)
    نوازش ابن رضا بھائی۔۔۔ آپ سے تو داد کے علاوہ کچھ نقد و نظر کی بھی توقع رکھتے تھے۔۔۔:)
    جزاک اللہ خیر وقار بھائی۔۔۔:)
     
    • دوستانہ دوستانہ × 1
  12. محمد تابش صدیقی

    محمد تابش صدیقی منتظم

    مراسلے:
    25,870
    جھنڈا:
    Pakistan
    موڈ:
    Breezy
    واہ، آج ظہیراحمدظہیر بھائی نے رونق بخشی ہے محفل کو۔
    امید ہے کہ اب دوبارہ وقت دینا شروع کریں گے محفل کو۔ :)
     
    • متفق متفق × 3
    • دوستانہ دوستانہ × 1
  13. شاہد شاہنواز

    شاہد شاہنواز لائبریرین

    مراسلے:
    1,836
    جھنڈا:
    Pakistan
    غزل صرف خواتین کے ساتھ بات کا نام نہیں۔۔یہ درست ہے، لیکن غزل میں اپنی بات بھی کی جاتی ہے، کچھ دنیا کے حسن کا تذکرہ بھی ہوتا ہے، مستی کا ذکر بھی چھڑتا ہے۔ شراب و شباب کا تذکرہ بھی آتا ہے، ایسے میں کوئی نعتیہ شعر اس میں شامل کردیا جائے تو کیا وہ بہتر ہوگا یا یہ بات کہ ایسے شعر کا درست مقام نعت ہے، نہ کہ غزل؟مثلا یہ دو اشعار دیکھئے جن کا مطلب مجازی بھی لیا جاسکتا ہے، حقیقی بھی ۔۔۔

    کیسے دکھائے دن دلِ خانہ خراب نے
    آنکھوں کو گھر بنا لیا اِک جُوئے آب نے

    مستی نگاہِ یار کی دیکھی تو شرم سے
    بوتل میں منہ چھپا لیا اپنا شراب نے
    ۔۔۔۔

    ایسے میں نعتیہ شعر آجائے تو جس شخص نے ان اشعار کا مطلب مجازی لیا ہوگا، وہ اس تخلیق کے بارے میں کیا سوچے گا؟ ۔۔۔ لیکن یہ محض رائے ہے، کوئی حتمی فیصلہ نہیں۔ حتمی فیصلہ تو شاعر ہی کرسکتا ہے، نہ ہم کرسکتے ہیں، نہ آپ ۔۔۔
     
    • دوستانہ دوستانہ × 1
    • متفق متفق × 1
  14. ابن رضا

    ابن رضا لائبریرین

    مراسلے:
    4,255
    جھنڈا:
    Pakistan
    موڈ:
    Brooding
    ہاہاہا قبلہ اتنے سارے چاہے ان چاہے پوسٹ مارٹم کے بعد بھی آپ مزید کے خواہاں ہیں آپ کے حوصلے کی بھی داد بنتی ہے.
     
    • پر مزاح پر مزاح × 2
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  15. سید لبید غزنوی

    سید لبید غزنوی محفلین

    مراسلے:
    3,536
    جھنڈا:
    Pakistan
    موڈ:
    Breezy
    احبابِ علم و ذوق کے فیضان سے شفا
    کیا خوب ہیں جو لفظ پروئے جناب نے

    آپ اپنا جواب ہیں حضور آپ تو ہم کیا کہیں آپ کے لکھے پہ..
    بہت خوب کیا کہنے
     
    • دوستانہ دوستانہ × 1
    • متفق متفق × 1
  16. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    یہ تو جان چھڑانے والی بات ہوئی حضرت۔۔۔
    تو تیر آزما ہم جگر آزمائیں۔۔۔:)

    آپ بھی لاجواب ہیں شاہ صاحب۔۔۔
    بہت شکریہ۔۔۔:)
     
    • دوستانہ دوستانہ × 1
  17. سید لبید غزنوی

    سید لبید غزنوی محفلین

    مراسلے:
    3,536
    جھنڈا:
    Pakistan
    موڈ:
    Breezy
    اللہ آپ کی محبت ۔۔۔۔جزاک اللہ خیرا
     
    • دوستانہ دوستانہ × 1
  18. ظہیراحمدظہیر

    ظہیراحمدظہیر محفلین

    مراسلے:
    3,668
    جھنڈا:
    Pakistan
    موڈ:
    Busy
    بھائی اس کا کوئی غلط مطلب نہ لیجئے ۔ یہ راحیل فاروق بھائی کے ساتھ میرا ایک چھوٹا سا مذاق تھا ۔ وہ بڑے کشادہ دل آدمی ہیں اور ایسے مذاق کا برا نہیں مانتے ۔
    ان کی خوبیوں کے گن تو تمام اہلِ علم وفن گاتے ہیں ۔ بیشک ان کا ہنرنظم و نثر دونوں میں لاجواب ہے ۔ اللہ تعالیٰ نظرِ بد سے بچائے رکھے ۔ آمین ۔
    جہاں تک بات علیہ ما علیہ کی ہے تو قصہ یہ ہے کہ جب عرب حضرات کو کسی مرحوم کے بارے میں گول مول بات کرنی ہو تو ایسے کہتے ہیں اور اس میں قدرے منفی پہلو نکلتا ہے ۔ اردو میں تو معلوم نہین لیکن اس کا قریب ترین انگریزی مترادف whatever کو سمجھ لیجئے ۔
     
    • پسندیدہ پسندیدہ × 1
    • متفق متفق × 1
  19. ظہیراحمدظہیر

    ظہیراحمدظہیر محفلین

    مراسلے:
    3,668
    جھنڈا:
    Pakistan
    موڈ:
    Busy
    تابش بھائی ۔ رمضان میں تمام مشاغل سے دور تھا ۔ اب کوشش ہوگی کہ جتنی جلد ممکن ہوسکے آپ دوستوں کی خدمت میں حاضری ہوتی رہے۔ اکثر اوقات کام کے دوران اوپر ہی اوپر سے مراسلات پر نظر ڈالتا ہواگزرجاتا ہوں ۔ لکھنے کا وقت کم ہی ملتا ہے ۔ دعاؤں میں یاد رکھئے ۔
     
    • پسندیدہ پسندیدہ × 1
    • دوستانہ دوستانہ × 1
  20. الشفاء

    الشفاء لائبریرین

    مراسلے:
    2,855
    جھنڈا:
    Pakistan
    موڈ:
    Amazed
    نہیں ظہیر بھائی۔غلط مطلب کیسے لے سکتے ہیں۔ ہم آپ کے پیار کا انداز سمجھ گئے تھے ۔۔۔ دراصل ہم تو (اپنے زعم میں) راحیل بھائی کو چھیڑ رہے تھے۔ لیکن وہ چھڑے نہیں۔۔۔ کچھ اور سوچتے ہیں۔۔۔:)
     
    • دوستانہ دوستانہ × 1
    • پر مزاح پر مزاح × 1

اس صفحے کی تشہیر