کیا یہ اردو کرکٹ کمنٹری ہے؟

جاسم محمد نے 'کھیل اور کھلاڑی' کی ذیل میں اس موضوع کا آغاز کیا، ‏فروری 29, 2020

  1. جاسم محمد

    جاسم محمد محفلین

    مراسلے:
    18,447
    فروری ، 2020
    سید یحییٰ حسینی
    کیا یہ اردو کرکٹ کمنٹری ہے؟
    [​IMG]
    — فوٹو بشکریہ پی ایس ایل

    پاکستان سوپر لیگ کے پانچویں ایڈیشن کے لیے پی سی بی نے اردو زبان میں کھیل پر آنکھوں دیکھا حال بیان کرنے کا جو فیصلہ کیا، اسے ہر سطح پر سراہا گیا،البتہ دوران ٹورنامنٹ جس انداز میں اردو کمنٹری ہو رہی ہے، اس پر سب ہی کو اعتراض ہے۔

    آسان الفاظ میں اگر اس تناظر میں تبصرہ کیا جائے، تو مجھے یہ لکھنے میں کوئی عار محسوس نہیں ہو رہی ہے کہ اردو کمنٹری کرانے کا احسن اقدام ناقص تلفظ، بناء منصوبہ بندی اور غلط الفاظ کے چناؤ کی وجہ سے پاکستان کرکٹ بورڈ کے لیے دوسری بہت ساری کوتاہیوں کی طرح ایک اور بڑا مسئلہ بن کر سامنے آیا ہے۔

    میں یہ نہیں کہتا کہ اردو زبان پر مکمل عبور اور مکمل طور پر درست تلفظ کے حامل کمنٹررز ہی اس تنقید سے بچا سکتے ہیں، مگر یہ کتنا ظلم ہے کہ جس ملک کی زبان “ اردو” ہے، وہاں اس زبان میں اردو کمنٹری شرمندگی اور ماسوائے ہزیمت کے سوائے کچھ نہیں۔

    میں تمام لوگوں کی کمنٹری کو برا نہیں کہہ رہا مگر جب اردو کمنٹری کرنے والے کچھ نام نہاد کمنٹیٹرز دوران گفتگو انگلش میں الفاظ کی ادائیگی کرکے ساتھی کمنٹیٹرز سے اس کا مطلب دریافت کریں گے، دوران گفتگو اردو کے بجائے انگریزی الفاظ کا کثرت سے استعمال کرینگے، تو ہم کیسے اس اقدام کو احسن قرار دیں گے؟

    مثلاً جب خاتون کمنٹیٹر بیٹسمین کی جانب سے چوکا لگانے پر یہ فرمائیں گی، یہ لیجیے باونڈری کے اندر ایک اور چوکا، تو پھر اس زبان سے واقفیت رکھنے والے دانتوں میں زبان کو دبانے کے سواء کیا کرسکتے ہیں؟

    دلچسپ امر یہ ہے کہ بیرون ملک سے آئے ہوئے کمنٹیٹرز دوران گفتگو جس خوب صورت انداز میں اردو کے الفاظ کی ادائیگی سیکھ کر اور پوچھ کر کرتے ہیں، وہ ہمارے اپنوں کے لیے کسی شرمندگی سے کم نہیں ہے۔

    بات تلفظ تک محدود نہیں ، اب کیا ایسے کرکٹ کمنیٹررز بوجھ نہیں لگیں گے ، جن کو چھکا، چوکا بولنے کی ادائیگی کرنا نہیں آرہی؟ اگر ہمارے کمنٹیٹرز اردو گنتی سے ہی ناواقف ہوں گے تو یہ تو سرا سر شرمندگی کا مقام ہے۔

    ایک ایسے ملک میں جہاں جرمن سفیر سے لے کر امریکی سوشل میڈیا اردو میں ٹوئیٹ کررہا ہے، وہاں اردو کرکٹ کمنیٹرری میں اپنایا گیا بھونڈا انداز دل جلا رہا ہے۔ اب تو آئی سی سی نے بھی اردو میں ٹوئیٹ شروع کردیا ہے، تو پاکستان کرکٹ بورڈ اس سارے معاملے پر کیوں اتنا غیر سنجیدہ ہے؟

    ہم ایک جمہوری معاشرے میں رہتے ہیں اس لیے ہمیں اس معاملے تنقید بھی دیکھنے کو مل رہی ہے اس لیے پاکستان کرکٹ بورڈ کے ارباب اختیار کو اختیارات کا درست استعمال کرتے ہوئے، بجائے اس تنقید اور حقائق پر غصہ کرنے کے اردو کمنٹری کو بہتر کرنے کے اقدامات کرنے چاہییں۔
     
    • پسندیدہ پسندیدہ × 1
    • زبردست زبردست × 1
  2. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    اس کمنٹری کو تو نہیں سنا۔ لیکن کسی زمانے میں ریڈیو پر حسن جلیل کی کمنٹری سننے کا اپنا ہی لطف تھا۔
     
    • متفق متفق × 4
    • پسندیدہ پسندیدہ × 1
  3. جاسم محمد

    جاسم محمد محفلین

    مراسلے:
    18,447
    ریڈیو پر تو بہت معیاری اردو کمنٹری ہوتی تھی اور شاید اب بھی ہوتی ہے۔ البتہ ٹی وی کا معاملہ کافی خراب ہو چکا ہے۔
     
    • متفق متفق × 1
  4. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    کوئی اب بھی ریڈیو پر کمنٹری سنتا ہے؟
     
    • غمناک غمناک × 1
  5. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    اتنا بھی کیا غم جاسم محمد
    :)
     
    • دوستانہ دوستانہ × 1
  6. سید عاطف علی

    سید عاطف علی محفلین

    مراسلے:
    8,522
    جھنڈا:
    SaudiArabia
    موڈ:
    Cheerful
    شاید دو ہزار پانچ کی بات ہے جب حسن جلیل صاحب پاکستان اور بھارت کے درمیاں ایک میچ میں کمنٹری فرمارہے تھے کہ میچ بہت زیادہ سنسنی خیز ہو گیا۔میں کراچی میں یہ کمنٹری ریڈیو ہی پر سن رہا تھا ۔ ایسے میں کمنٹری کرتے ہوئے دل کے مریضوں اور کمزور دل والے سامعین کو مشورہ دے رہے تھے کہ تھوڑی دیر کے لیے وہ حضرات ریڈیو بند کردیں۔ :)
     
    • پسندیدہ پسندیدہ × 2
    • متفق متفق × 2
    • پر مزاح پر مزاح × 1
  7. جاسم محمد

    جاسم محمد محفلین

    مراسلے:
    18,447
    یہ بات کافی حد تک سچ ہے کہ اب ریڈیو کا استعمال زیادہ تر دوران سفر ہی کیا جاتا ہے۔ اس کے علاوہ ہر جگہ ٹی وی ، ٹیبلٹ وغیرہ نے لے لی ہے۔
     
  8. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    1992 کے ورلڈ کپ سیمی فائنل میں منیر حسین بھی میچ کے آخر میں یہ تنبیہ کرتے رہے۔
     
    • پر مزاح پر مزاح × 2
    • پسندیدہ پسندیدہ × 1
    • معلوماتی معلوماتی × 1
  9. جاسم محمد

    جاسم محمد محفلین

    مراسلے:
    18,447
    منیر حسین غالبا پارٹ ٹائم ڈاکٹری بھی کرتے رہے ہیں :)
     
  10. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    یہاں ایک افسوس ناک واقعہ یاد آگیا۔
    پاکستان ویسٹ انڈیز کا ایک سنسی خیز میچ جاری تھا۔ میچ آخری بال پر برابری پر ختم ہوا۔
    ہمارے محلے کے ایک گھر میں میچ دیکھتے ہوئے آخری بال پر ایک بارہ سالہ لڑکے کی حرکتِ قلب بند ہو گئی اور اس کا انتقال ہو گیا۔
    غالبا 90 کی دہائی کی بات ہے۔
     
    • غمناک غمناک × 3
  11. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    جیسے آپ محفل پر فل ٹائم کمنٹری کرتے ہیں۔
    :)
     
    • پر مزاح پر مزاح × 1
  12. جاسم محمد

    جاسم محمد محفلین

    مراسلے:
    18,447
    عموما anxiety سے ہارٹ اٹیک نہیں ہوتا۔ عین ممکن ہے لڑکے کے دل میں پیدائشی کوئی نقص ہو جو anxiety شدید حد تک بڑھنے پر جواب دے گیا۔
     
  13. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    کافی حیران کن واقعہ تھا۔ سب ششدر تھے کہ ایسا کیسے ہو گیا۔
     
    • معلوماتی معلوماتی × 1
    • متفق متفق × 1
  14. محمد تابش صدیقی

    محمد تابش صدیقی منتظم

    مراسلے:
    24,847
    جھنڈا:
    Pakistan
    موڈ:
    Breezy
    حسن جلیل اور منیر حسین کی تو کیا ہی بات تھی۔
    خاص طور پر حسن جلیل، اور انگریزی میں افتخار احمد کی کمنٹری تو بندے کو اپنے ساتھ اٹھاتی بٹھاتی تھی۔
    افتخار احمد کا تو سنا ہے کہ ساؤنڈ پروف کمرے کا بھی دروازہ کھلوا دیا کرتے تھے کہ کمنٹری کے ساتھ کراؤڈ کا شور جانا ضروری ہے۔ :)

    بڑی یادیں ہیں، چھپ چھپ کر ریڈیو کمنٹری سننے کی بھی۔ :)
     
    • پسندیدہ پسندیدہ × 2
    • معلوماتی معلوماتی × 1
    • متفق متفق × 1
  15. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    حسن جلیل دوبارہ ایکشن میں

     
    • زبردست زبردست × 6
  16. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    منیر حسین کا انٹرویو کلپ

     
    • زبردست زبردست × 3
    • پسندیدہ پسندیدہ × 1
  17. فرقان احمد

    فرقان احمد محفلین

    مراسلے:
    9,981
    ورلڈ کپ 1992 سے پہلے کا واقعہ ہے شاید۔ بہت افسوس ہوا یہ سُن کر۔ اس وقت کرکٹ کا نشہ آج سے کہیں بڑھ کر تھا۔
     
    • متفق متفق × 1
  18. جاسم محمد

    جاسم محمد محفلین

    مراسلے:
    18,447
    ہمارا شہزادہ وزیر اعظم عمران خان کتنا شرمیلا ہوا کرتا تھا۔
     
    • متفق متفق × 2
  19. عرفان سعید

    عرفان سعید محفلین

    مراسلے:
    6,387
    جھنڈا:
    Finland
    موڈ:
    Mellow
    تو اب کیا بے شرم ہو گیا ہے؟
    :)
     
    • پر مزاح پر مزاح × 1
    • متفق متفق × 1
  20. جاسم محمد

    جاسم محمد محفلین

    مراسلے:
    18,447
    جی جب سے کنٹینر پر چڑھا ہے نیچے اترنے کا نام نہیں لے رہا :)
     
    • پر مزاح پر مزاح × 2

اس صفحے کی تشہیر