حسان خان
لائبریرین
میں آپ کی بات سے متفق ہوں کہ فصاحت و بلاغت اور شیرینی کے لحاظ سے آپ کسی زبان کو دوسرے پر ترجیح دے سکتے ہیں۔ جیسے میں فارسی کو اپنی اردو سے بھی زیادہ عظیم اور فصیح و بلیغ، اور ترکی کو اپنی اردو سے بھی زیادہ شیریں مانتا ہوں۔ لیکن یہ نہ تو اردو کے کسی لحاظ سے کمتر ہونے پر دال ہے نہ ہی اِس کا یہ مطلب ہے کہ اردو میں وہ لسانی ضروریات پوری کرنے کی قابلیت نہیں جو بطور مثال فارسی سے پوری کی جا سکتی ہیں۔
ویسے یہ تو کچھ کچھ ذاتی پسند ناپسند کی بات بھی ہوتی ہے۔ ہو سکتا ہے جو زبان میرے نزدیک شیریں اور عظیم ہے وہی دوسرے کے نزدیک بھدی اور گھسی پٹی ہو۔
اصل میں آپ اسے وہ زبان سمجھ لی جیے جس زبا ن میں دستوری طور پر یا قانونی طور پر "قوانین" بنتے ہیں، بعد میں ان قوانین کا دس اور زبانوں میں بھی ترجمہ کیا جاتا ہے تاکہ اگر کسی کو وہ "سرکاری" زبان نہ آتی ہو تو بھی وہ سمجھ سکے ، تو یہ تو قانونی مجبوری ہوگئی۔ سرکاری زبان کونسی زبان ہونی چاہیے ؟ عام طور ہر کثیر القومی ریاستوں میں سرکاری زبان اس زبان کو بنایا جاتا ہے جو بین الاقوام رابطہ کی زبان ہو ، لیکن جہاں آمریت ہو یا اکثریتی زبان بولنے والے اقتدار پر مکمل قابض ہوں یا اتنی بڑی اکثریت میں ہو ں کہ دوسری زبانوں کی حثیت ثانوی ہوجاے اور اکثریتی زبان ہی رابطہ کی زبان بن جاے تو وہ زبان ہی سرکاری زبان بنا دی جاتی ہے۔ نوآبادیات سے ظاہری آزاد لیکن غلام قوموں میں عام طور پر پرانے آقاوں کی زبان ہی سرکاری زبان قائم رکھی جاتی ہے تاکہ ان کے قائم مقام آقاوں کو اقتدار میں مشکل نہ ہو۔ جیسا کہ پاکستان اور انڈیا میں بھی ہے۔ 
