تعارف کہ آپ اپنا تعارف ہوا بہار کی ہے

[قیصرانی]

ویسے یاد پڑتا ہے کہ ون اردو یا اس سے ملتا جلتا ڈومین نیم شمیل بھیا نے بھی رجسٹر کرایا تھا

 

[محمد وارث]

دائیں جانب قتیل غالب لکھا تھا کلک کیا تعارف کھلا
ویب سائٹ نظر آئی کیا ہی عمدہ ویب سائٹ ہے اور کیا ہی بات ہوجائے اگر اسے اردو میں کردیں جیسے یہاں محفل پر ہے خیر بکرے کی ماں کب تک خیر منائے گی آخر ۔ ۔ ۔
واقعی اب ہماری اردو بھی اچھی ہوجائے گی ورنہ اب تک تو لگتا تھا انگریزی کا تلفظ اردو میں ادا کرتے ہیں
اور سوال کے جواب میں شعر مزا ہی آگیا اگرچہ سمجھ کچھ نہیں آیا
میری اردو کی غلطیاں بے باکی سے نکالیے گا بالکل برا نہیں مانوں گا بلکہ خوشی ہوگی
اور کیا آپ جملہ فورم کے بھی رکن ہیں؟
اور کچھ مبہم سا تعارف ہی ہوجائے

بہت شکریہ بھائی صاحب۔

نا چیز آپکی بزمِ یاراں کی طرح اس محفلِ بادہ گساراں کا بھی ادنٰی سا رکن ہے۔

وہ آیا بزم میں، دیکھو، نہ کہیو پھر کہ، غافل تھے
شکیب و صبرِ اہلِ انجمن کی آزمائش ہے

 

[محمد وارث]

خوش آمدید جناب ۔۔۔ میں اس محفل کے دیگر اراکین کی طرح آپ کی آمد کو اس محفل پر قدر کی نگاہ سے دیکھتا ہوں ۔ اور امید کرتا ہوں کہ آپ سے کچھ سیکھنے کا موقع ملے گا ۔

آپکے پرخلوص کلمات کیلیے بہت شکریہ۔

حضور میں تو خود طفلِ مکتب ہوں، اس بزمِ سخن شناساں سے بہت کچھ سیکھ رہا ہوں۔

 

[محمد وارث]

ویسے یاد پڑتا ہے کہ ون اردو یا اس سے ملتا جلتا ڈومین نیم شمیل بھیا نے بھی رجسٹر کرایا تھا

بہت شکریہ آپ کا، در اصل یہ ڈومین نیم میں نے رجسڑ نہی کروایا، بلکہ اس فورم کی طرح، وہاں کی بھی ایک ممبر ہی ہوں۔

 

[الف عین]

خوش آمدید قتیلِ غالب۔ کون ہے جو نہیں ہے۔۔۔ قتیلِ غالب۔۔ لیکن ایک جگہ لکھا ہے ’دیکھ رہا ہوں‘۔ اور دوسری جگہ ’فورم کی ممبر ہوں‘۔ ذرا واضح تو ،معلوم ہو کہ قتیل ہیں کہ قتیلہ؟؟

 

[محمد وارث]

قبلہ محترم، قتیل ہی ہوں۔

وہ کیا ہے کہ ابھی اردو کی بوڑد پر عبور نہیں ہے، بہت شکریہ آپ کا۔

اور یہ آپ نے بالکل بجا ارشاد فرمایا کہ کون صاحبِ "ذوق" ہے جو غالب کا قتیل نہیں ہے۔

 

[عمر سیف]

خوش آمدید۔

 

[محمد وارث]

خوش آمدید۔

بہت شکریہ آپ کا

 

[شمشاد]

جناب قتیل غالب صاحب میں آپ کو اردو محفل میں خوش آمدید کہتا ہوں۔ امید ہے آپ کا وقت یہاں بہت اچھا گزرے گا۔
آج ہی آپ کی شمولیت اور آج ہی ڈھیر سارے خطوط، بھئی واہ، مزہ آ گیا، بس یہ رفتار قائم رکھیئے گا۔

آج کل میں ہی آپ کا ہلکا پھلکا انٹرویو کرتا ہوں کہ بات چیت میں سہولت رہے۔

 

[محمد وارث]

بہت شکریہ شمشاد صاحب آپ کا۔

انٹرویو کی خوب کہی صاحب، اپنا تو یہ حال ہے، بقولِ مرشدی

سایہ میرا مجھ سے مثلِ دور بھاگے ہے اسد
پاس مجھ آتش بجاں کے کس سے ٹھرا جائے ہے

آپ کا فورم بہت اچھا ہے، خوش رہئے۔

 

[شمشاد]

صاحب یہ سب آپ جیسے قدر دانوں کی وجہ سے ہے کہ یہ محفل دن دوگنی اور رات چوگنی ترقی کر رہی ہے۔

 

[محمد وارث]

اللہ کرے زورِ "بزم" اور زیادہ

وزن سے گر گیا ہے، لیکن خیر ۔۔۔۔

 

[شمشاد]

آپ کے ہوتے ہوئے کیسے وزن سے گر سکتا ہے؟

اتنا تو ہم بھی جانتے ہیں کہ اگر ایسا ہوا تو آپ بڑھ کے تھام لیں گے۔

 

[محمد وارث]

آپ کے ہوتے ہوئے کیسے وزن سے گر سکتا ہے؟

اتنا تو ہم بھی جانتے ہیں کہ اگر ایسا ہوا تو آپ بڑھ کے تھام لیں گے۔

اجی کہاں صاحب، ہم تو خود گرتے پڑتے آپ کی بزم تک پہنچے ہیں۔

 

[شمشاد]

چلیں پہنچ تو گئے، اب گرنے نہیں دیں گے۔
یہاں سہارا دینے والے بہت مل جائیں گے۔

 

[سید عمران]

امیدِ‌واثق و یقینِ کامل نہ بھی ہو تو ایک موہوم سی امید ضرور ہے کہ اس محفلِ سخنواراں و بزمِ سخن شناساں میں ہم جیسے مبتدیوں کو بھی خوش آمدید کہا جائے گا۔

کہ بقولِ‌خلد آشیانی نجم الدولہ دبیر الملک خان بہادر یار جنگ التیموری الافرسیابی الثمرقندی ثم دہلوی خدائے سخن قبلہ و کعبہ مرشدی:

زمانہ سخت کم آزار ہے بہ جانِ اسد
وگرنہ ہم تو توقّع زیادہ رکھتے ہیں

بہت شکریہ محترم۔ لیکن کہاں‌ خلد آشیانی اور کہاں‌ آپ کا عنایت کردہ سلسہء جنبانی۔

ویسے یہ سارا کمال تو محلہ بَلی ماروں‌ والوں‌ کا ہے کہ خلد آشیانی سمیت انکے بردار زادیوں‌ و خواہر زادوں‌ کو بھی جمع کر دیا۔

شکر ہے محفل پر آنے کے بعد وارث بھائی کی اردو اتنی آسان ہوگئی کہ ہم جیسے ناسمجھوں کو سمجھ میں آنے لگی ہے!!!

 

[مقدس]

شکر ہے محفل پر آنے کے بعد وارث بھائی کی اردو اتنی آسان ہوگئی کہ ہم جیسے ناسمجھوں کو سمجھ میں آنے لگی ہے!!!

میں نے بھی یہی سوچا ابھی

 

[فہیم]

شاید وارث بھائی کی اردو کا ہی اثر ہے کہ 2 صفحات کے بعد ہی لوگوں نے ڈر کے مارے سوالات پوچھنے ہی چھوڑ دیئے

 

[سید عاطف علی]

شکر ہے محفل پر آنے کے بعد وارث بھائی کی اردو اتنی آسان ہوگئی کہ ہم جیسے ناسمجھوں کو سمجھ میں آنے لگی ہے!!!

اردو محفل تو اچھی اچھی چیزیں چھڑا دیتی ہے ، وہ بھی اچھے اچھوں کی ۔ مثلاً چھکّے ۔
اردو زبان بھلا کیا چیز ہے اس اردو محفل کے آگے ۔
ویسے وارث بھائی کو " تھوڑا سا" بیلیٹڈ مرحبا ۔

 

[محمد وارث]

شکریہ آپ سب دوستوں کا، بس اس وقت نام کی بجائے "قتیلِ غالب" کے نک سے حاضر ہوا تھا اس لیے خواہ مخواہ مرشد کے اشعار لکھتا چلا گیا۔