کھیلوں کے قوانین سے متعلق دلچسپ معلومات ۔

کئی سال قبل کی بات ہے ، پاکستان میں میری چھٹیوں کے دوران گھر میں کرکٹ سے متعلق عام گفتگو ہوئی۔ اس میں ہمارے براد ربزرگ نے ایک بات یہ بتائی کہ کسی میچ میں مین آف دی میچ کے لیے جو نقد انعام انتظامیہ کی طرف سے منتخب کھلاڑی کے نام سے دی جاتی ہے وہ تمام کھلاڑیوں میں یکساں تقسیم کی جاتی ہے ۔ مجھے یہ بات بہت عجیب ، غیر منطقی اور ناقابل قبول لگی اور ماننے میں تامل ہوا جس کا اظہار میں نے برملا کیا تو انہوں نے فوراََ کہا کہ چھوٹے بھائی سے پوچھ لو ! ان کے چھوٹے بھائی جو ہمارے بڑے بھائی ہی ہیں سندھ میں نہ تھے سو میں نے انہیں فوراََ فون کیا ۔ انہوں نے نہ صرف اس بات کی تصدیق کی بلکہ یہ حاشیہ بھی مضاف فرمایا کہ ایسا ہی ہوتا ہے اور اس میں بارہویں کھلاڑی کا وہی حصہ ہوتا ہے ۔
کیوں کہ ہمارے یہ بھائی کرکٹ کے میدان میں اتھارٹی کی حیثیت رکھتے تھے اور جدید و قدیم کرکٹ کے رسالوں کا انبار اور کافی وزنی ذخیرہ رکھتے تھے سو یہ ماننے کے سوا چارہ نہ رہا اور تحقیق کی ضرورت بھی محسوس نہ ہوئی۔بہر حال مجھے یہ بات انتہائی دلچسپ لگی اور یوں یہ چھوٹا سا مقدمہ فیصل ہوا۔
یہ تمہید ایک سوال کے ضمن میں پیش کی کہ کیا فٹبال اور ہاکی وغیر ہ میں بھی اسی طرح ہو تا ہے ؟
 
آخری تدوین:

اکمل زیدی

محفلین
واقعی ہمیں بھی کرکٹ سے لگاؤ ہے مگر ہمیں بھی یہ نہیں پتہ تھا ۔۔۔ویسے بات ہمیں بھی ہضم نہیں ہوئی ایک بندہ پرفارمنس دے اور نا اہلوں کو بھی حصہ دیا جائے ۔۔۔کیا یہ کھلا تضاد نہیں۔۔
 
کئی سال قبل کی بات ہے ، پاکستان میں میری چھٹیوں کے دوران گھر میں کرکٹ سے متعلق عام گفتگو ہوئی۔ اس میں ہمارے براد ربزرگ نے ایک بات یہ بتائی کہ کسی میچ میں مین آف دی میچ کے لیے جو نقد انعام انتظامیہ کی طرف سے منتخب کھلاڑی کے نام سے دی جاتی ہے وہ تمام کھلاڑیوں میں یکساں تقسیم کی جاتی ہے ۔ مجھے یہ بات بہت عجیب ، غیر منطقی اور ناقابل قبول لگی اور ماننے میں تامل ہوا جس کا اظہار میں نے برملا کیا تو انہوں نے فوراََ کہا کہ چھوٹے بھائی سے پوچھ لو ! ان کے چھوٹے بھائی جو ہمارے بڑے بھائی ہی ہیں سندھ میں نہ تھے سو میں نے انہیں فوراََ فون کیا ۔ انہوں نے نہ صرف اس بات کی تصدیق کی بلکہ یہ حاشیہ بھی مضاف فرمایا کہ ایسا ہی ہوتا ہے اور اس میں بارہویں کھلاڑی کا وہی حصہ ہوتا ہے ۔
کیوں کہ ہمارے یہ بھائی کرکٹ کے میدان میں اتھارٹی کی حیثیت رکھتے تھے اور جدید و قدیم کرکٹ کے رسالوں کا انبار اور کافی وزنی ذخیرہ رکھتے تھے سو یہ ماننے کے سوا چارہ نہ رہا اور تحقیق کی ضرورت بھی محسوس نہ ہوئی۔بہر حال مجھے یہ بات انتہائی دلچسپ لگیاور یوں یہ چھوٹا سا مقدمہ فیصل ہوا۔
یہ تمہید ایک سوال کے ضمن میں پیش کی کہ کیا فٹبال اور ہاکی وغیر ہ میں بھی اسی طرح ہو تا ہے ؟
کچھ سنی سنائی اور کچھ پڑھی ہوئی معلومات مکس ہو گئی ہیں، اس لیے اپنی بات کو ثابت کرنے کے لیے کوئی ٹھوس ثبوت نا دے پاؤں گا۔

80 اور 90 کی دہائی تک مین آف دی میچ کی پرائز منی تمام کھلاڑیوں میں تقسیم ہوتی تھی، اب کا پتہ نہیں۔
تحائف (بصورت بائیک، گاڑی یا کچھ اور) کھلاڑی کے پاس ہی رہتے ہیں۔

اضافی :مشہور بھارتی بلے باز مہندرامرناتھ کے بارے میں پڑھا تھا کہ وہ اپنی پرائز منی( بطور مین آف دی میچ )میں دوسرے کھلاڑیوں کو حصہ نہیں دیتے تھے اور ناہی اور کھلاڑیوں کی پرائز منی میں سے حصہ لیا کرتے تھے۔
 
اضافی :مشہور بھارتی بلے باز مہندرامرناتھ کے بارے میں پڑھا تھا کہ وہ اپنی پرائز منی( بطور مین آف دی میچ )میں دوسرے کھلاڑیوں کو حصہ نہیں دیتے تھے اور ناہی اور کھلاڑیوں کی پرائز منی میں سے حصہ لیا کرتے تھے۔
ارے ہاں بالکل یہی بات بھائی صاحب کے بیان کردہ حاشیے میں بھی شامل تھی مہندر امر ناتھ کے بارے میں ۔ اب یاد آئی ۔ :LOL:
 

اکمل زیدی

محفلین
:LOL: یہ والا ایموجی قہقہ یا زور دار ہنسی کے لیے نہیں بلکہ مضحکہ خیز ریٹنگ کے لیے ہے ابھی ملاحظہ کیا ۔۔۔
باقی شاید کچھ لوگ پہلے سے جانتے ہوں اب چاہے جتنے بھی سینیئر ہو ں یہاں ۔۔مگر شاید ذہنی طور پر ابھی بھی وہ جونیئر کے زمرے میں ہی آتے ہیں۔۔۔:unsure:
 
میں نے جو نہیں کھیلتے بلکے ٹیم کو ہار کے جانب دھکیلنے میں اپنا کردار ادا کرتے ہیں ان کی بابت کہا۔۔۔سر جی۔۔۔
بھئی اکمل بھائی حسن ظن کا تقاضا تو یہ ہے کہ آپ ان کی جدو جہد پر بھی اعتبار کریں ۔ اگر وہ کارکردگی بہترین نہ دکھا سکے تو ایسا تو سب کے ساتھ ہوتا ہے ۔ مین آف دی میچ تو جیت (یا کھیل) میں نمایاں حصے والے کو دیا جاتا ہے ۔
اور ہاں ! یہاں بات پورے کرکٹ نظام کی نہیں بلکہ صرف مین آف دی میچ والی رقم کی تھی ۔
باقی ٹیم کو نا اہل کہا جانا بھی کچھ دل شکنی کا سا اثر رکھتا ہے ۔
 

اکمل زیدی

محفلین
بھئی اکمل بھائی حسن ظن کا تقاضا تو یہ ہے کہ آپ ان کی جدو جہد پر بھی اعتبار کریں ۔ اگر وہ کارکردگی بہترین نہ دکھا سکے تو ایسا تو سب کے ساتھ ہوتا ہے ۔ مین آف دی میچ تو جیت (یا کھیل) میں نمایاں حصے والے کو دیا جاتا ہے ۔
اور ہاں ! یہاں بات پورے کرکٹ نظام کی نہیں بلکہ صرف مین آف دی میچ والی رقم کی تھی ۔
باقی ٹیم کو نا اہل کہا جانا بھی کچھ دل شکنی کا سا اثر رکھتا ہے ۔
قبلہ بجا فرمایا آپ نے ۔۔۔باقی بھی کوشش جیت ہی کی کرتے ہیں۔۔مگر ایک بات پھر بھی رہ جاتی ہے جسے اوپر چوہدری صاحب نے بھی ڈسکس کیا کے مین آف دی میچ تو سولو پرفارمنس پرہوتا ہے تو اس میں سے دینا سمجھ نہیں آتا۔۔۔
 
قبلہ بجا فرمایا آپ نے ۔۔۔باقی بھی کوشش جیت ہی کی کرتے ہیں۔۔مگر ایک بات پھر بھی رہ جاتی ہے جسے اوپر چوہدری صاحب نے بھی ڈسکس کیا کے مین آف دی میچ تو سولو پرفارمنس پرہوتا ہے تو اس میں سے دینا سمجھ نہیں آتا۔۔۔
جی بالکل درست، اور یہی بات میرے بھی پلے نہیں پڑی تھی سو اسی کی تصدیق یا تردید کے لیے بھئی صاحب سے رجوع کیا تھا ۔
البتہ ٹیم پلے میں سولو پرفارمنس کا تصور نہیں نمایاں پر فارمنس کا تصور کارفرما ہے ۔
 
آخری تدوین:
کسی جگہ یہ بات بھی پتہ چلی تھی کہ بیس پچیس برس قبل ایک مرتبہ کسی میچ میں (شاید نیوزیلینڈ) ایک پوری ٹیم کو مشترکہ مین آف دی میچ ملا تھا ۔
ہے نا عجیب بات۔
 
بعض اوقات وکٹ کیپر یا شارٹ لیگ کی پوزیشنز وغیرہ پر فیلڈ کر نے والے بھی ہیلمیٹ پہنتے ہیں ۔ اور ایسے میں کبھی کبھی وہ ہیلمیٹ اتار کر وکٹ کیپر کے پیچھے گراؤنڈ میں رکھ دیتے ہیں ۔
ایسے میں اگر گیند ہیلمیٹ سے اتفاقاََ ٹکرا جائے تو پانچ رنز ملتے ہیں ۔
 
Top