کون کون محفلین اپنی سوانح عمری (آپ بیتی) لکھنے کا ارادہ رکھتے ہیں؟

[محمداحمد]

آج محترم روؤف پاریکھ صاحب کا ایک کالم بعنوان خواتین کی لکھی ہوئی اردو کی خودنوشت سوانح عمریاں دیکھ رہا تھا۔ تو خیال آیا کہ اہلِ محفل سے پوچھا جائے کہ آپ میں سے کون کون محفلین اپنی سوانح عمری (آپ بیتی وغیرہ) لکھنے کا ارادہ رکھتے ہیں؟

اور اگر ارادہ رکھتے ہیں تو کیا ابھی تک صرف ارادہ ہی ہے یا کسی اگلے درجے میں پہنچ گئے ہیں؟

اور اگر ارادہ نہیں ہے تو کیوں نہیں ہے؟

 

[سید عاطف علی]

میری طرح بے شمار پاکستانیوں کی سوانح عمری تو اکبر الہ آبادی ایک مصرع میں ہی لکھ گئے ہیں ۔ بس اے اور ای کا فرق ہے ۔ اور یہ کہ کسی کو پینشن ملتی ہے کسی کو نہیں ہم کیوں کہ غیر سرکاری بیگار میں قید ہیں سے اس میں ہمارا کوئی حصہ نہیں ۔
BA کیا نو کر ہوئے پنشن ملی اور مر گئے
ہمارے لیے BE کہہ لیں اور پینشن نکال دیں ۔ بس ۔

 

[محمداحمد]

میری طرح بے شمار پاکستانیوں کی سوانح عمری تو اکبر الہ آبادی ایک مصرع میں ہی لکھ گئے ہیں ۔ بس اے اور ای کا فرق ہے ۔ اور یہ کہ کسی کو پینشن ملتی ہے کسی کو نہیں ہم کیوں کہ غیر سرکاری بیگار میں قید ہیں سے اس میں ہمارا کوئی حصہ نہیں ۔
BA کیا نو کر ہوئے پنشن ملی اور مر گئے
ہمارے لیے BE کہہ لیں اور پینشن نکال دیں ۔ بس ۔

دراصل مختصر کہانی تو سب کی ایک ہی سطر میں سمیٹی جا سکتی ہے، حد میں حد ایک ٖصفحہ۔ باقی کے چار سو اُنیس صفحات زیبِ داستان اور ادھر اُدھر کے قصوں کے لئے ہوتے ہیں۔

 

[محمداحمد]

رائے شماری بھی منسلک ہے اس دھاگے کے ساتھ۔ جب تک الیکشن نہیں ہو رہے، آپ یہاں ووٹ ڈالنے کا شوق پورا کر سکتے ہیں۔

 

[محمد خلیل الرحمٰن]

آئیڈیا تو خوب ہے۔ ادھرہم والد صاحب کی سوانح عمری لکھ کر شایع بھی کرواچکے ہیں۔ کچھ سفر نامے بھی لکھے ہیں۔

 

[محمد وارث]

میری نظر میں، ناقص، ادھورا، چالو، فیشن ٹائپ کام کرنے کا فائدہ کوئی نہیں، اس سے بہتر ہے نہ کیا جائے اور معیاری، مکمل، منفرد کام کے لیے محنت، لگن، جذبے کے ساتھ ساتھ فراغت بھی درکار ہوتی ہے۔ اور غریب کو یہی میسر نہیں۔ یا توکسی کا پیشہ ہی لکھنا پڑھنا ہو یا وہ فارغ البال ہو۔ میں کبھی سوچا کرتا تھا کچھ بھی لکھنے کے بارے میں، اب بالکل بھی نہیں!

 

[محمداحمد]

ادھرہم والد صاحب کی سوانح عمری لکھ کر شایع بھی کرواچکے ہیں۔

ماشاء اللہ! یہ تو اچھی خبر ہے۔

آئیڈیا تو خوب ہے۔

خوب ہے تو پھر آج سے ہی اس پر کام کریں۔

 

[محمداحمد]

میری نظر میں، ناقص، ادھورا، چالو، فیشن ٹائپ کام کرنے کا فائدہ کوئی نہیں، اس سے بہتر ہے نہ کیا جائے

یہ بات بالکل ٹھیک ہے۔ کوئی فرض تو ہے نہیں۔ اگر لکھنا ہی ہے تو دل سے لکھا جائے۔

اور معیاری، مکمل، منفرد کام کے لیے محنت، لگن، جذبے کے ساتھ ساتھ فراغت بھی درکار ہوتی ہے۔

درست!

فراغت تو واقعی آج کے دور کا مسئلہ ہے۔ آج کل زندگی کے جھمیلے ہی سب وقت لے لیتے ہیں۔

اور غریب کو یہی میسر نہیں۔

اُمید پر دنیا قائم ہے۔ شاید کبھی فرصت مل جائے۔

میں کبھی سوچا کرتا تھا کچھ بھی لکھنے کے بارے میں، اب بالکل بھی نہیں!

آپ کا فارسی شاعری کے تراجم کا کام کہاں تک پہنچا؟ کیا اُس کی کتاب بن سکتی ہے؟

 

[محمد وارث]

آپ کا فارسی شاعری کے تراجم کا کام کہاں تک پہنچا؟ کیا اُس کی کتاب بن سکتی ہے؟

میں کوئی ڈیڑھ ہزار کے قریب فارسی اشعار کے ترجمے کر چکا ہوں اور انکی کتاب بھی بن سکتی ہے۔ یہ سارامواد فیس بُک، اردو محفل اور کسی حد تک میرے بلاگ پر افادۂ عام کے لیے پڑا ہوا ہے اور خوب کاپی بھی ہوتا ہے لیکن اسی طرح کاغذ پر کتاب چھاپ دینے کا کیا فائدہ جب کہ اس کا خرچہ بھی مجھے خود ہی اٹھانا پڑے گا۔ بیسیوں شاعر ہیں سوچا تھا ساتھ میں ان کا تعارف اور حالات زندگی وغیرہ بھی لکھ دوں، کچھ اشاریے وغیرہ مرتب کرنے کا بھی خیال تھا لیکن اب یہی کام مشکل لگ رہا ہے کہ سینکڑوں کتابیں اور دواوین کھنگالنے کی ہمت مجھ میں رہی نہیں اور فرصت میسر نہیں۔

 

[اکمل زیدی]

میں کوئی ڈیڑھ ہزار کے قریب فارسی اشعار کے ترجمے کر چکا ہوں اور انکی کتاب بھی بن سکتی ہے۔ یہ سارامواد فیس بُک، اردو محفل اور کسی حد تک میرے بلاگ پر افادۂ عام کے لیے پڑا ہوا ہے اور خوب کاپی بھی ہوتا ہے لیکن اسی طرح کاغذ پر کتاب چھاپ دینے کا کیا فائدہ جب کہ اس کا خرچہ بھی مجھے خود ہی اٹھانا پڑے گا۔ بیسیوں شاعر ہیں سوچا تھا ساتھ میں ان کا تعارف اور حالات زندگی وغیرہ بھی لکھ دوں، کچھ اشاریے وغیرہ مرتب کرنے کا بھی خیال تھا لیکن اب یہی کام مشکل لگ رہا ہے کہ سینکڑوں کتابیں اور دواوین کھنگالنے کی ہمت مجھ میں رہی نہیں اور فرصت میسر نہیں۔

وارث بھائی السلام و علیکم ۔۔۔بڑے دنوں بعد آپ سے شرف گفتگو حاصل کرنے کی سعادت حاصل کر رہا ہوں۔۔۔ قبلہ یہ بتائیے فارسی سیکھنے کا آسان راستہ کوئی آن لائن کے علاوہ ۔۔مجھے عربی اور فارسی سیکھنے کا بہت شوق ہے ۔۔عربی تو خیر اس ایم - اے کے طفیل کچھ آہی جائے گی مگر فارسی کا کیا کریں ؟

 

[محمداحمد]

میں کوئی ڈیڑھ ہزار کے قریب فارسی اشعار کے ترجمے کر چکا ہوں اور انکی کتاب بھی بن سکتی ہے۔

ماشاء اللہ !

یہ سارامواد فیس بُک، اردو محفل اور کسی حد تک میرے بلاگ پر افادۂ عام کے لیے پڑا ہوا ہے اور خوب کاپی بھی ہوتا ہے

فیس بک سے مواد اکھٹا کرنا کچھ مشکل کام ہے۔ محفل اور بلاگ سے تو پھر بھی اُٹھایا جا سکتا ہے۔

لیکن اسی طرح کاغذ پر کتاب چھاپ دینے کا کیا فائدہ جب کہ اس کا خرچہ بھی مجھے خود ہی اٹھانا پڑے گا۔

یہ بات بھی بالکل درست ہے۔ اگر افادہء عام کی ہی نیت ہے تو مواد پہلے ہی عوام کی دسترس میں ہے۔
ہاں کتابی شکل میں سب چیزیں ایک ساتھ جمع ہو جائیں تو یہ بھی اچھی بات ہے۔ تاہم یہ کام کوئی ناشر کر سکتا ہے کہ مواد جمع کرکے کتابی شکل میں چھاپے اور خود بھی کمائے اور آپ کو بھی رائلٹی دے۔

بیسیوں شاعر ہیں سوچا تھا ساتھ میں ان کا تعارف اور حالات زندگی وغیرہ بھی لکھ دوں، کچھ اشاریے وغیرہ مرتب کرنے کا بھی خیال تھا لیکن اب یہی کام مشکل لگ رہا ہے کہ سینکڑوں کتابیں اور دواوین کھنگالنے کی ہمت مجھ میں رہی نہیں اور فرصت میسر نہیں۔

شاعروں کے تفصیلی حالاتِ زندگی کی ضرورت نہیں ہوگی (قارئین کے پاس بھی وقت کم ہی ہوتا ہے آج کل)۔ لوگ صرف شاعری پڑھنے میں ہی دلچسپی رکھتے ہیں۔ بہت ہی ہوا تو شاعر کا نام پتہ پوچھ لیا۔

 

[اکمل زیدی]

باقی معذرت احمد بھائی اس دھاگے پر بھی تو کچھ کہنا ہے یہ تو آپ کی ملکیت ہے تو عرض کچھ یوں ہے کے ہم یہاں وقتا فوقتا (دو زبر پتہ نہیں کیسے لگیں گے) یہاں سانحہ حیات لکھتے رہتے ہیں بس وہی جوڑ کے سوانح بن جائے گی ایک دن۔۔۔

 

[محمداحمد]

مجھے عربی اور فارسی سیکھنے کا بہت شوق ہے ۔

شوق تو ہمیں بھی کافی ہے لیکن سوچتے ہیں کہ کوئی گھول کر پلا دے۔

 

[محمداحمد]

ہم یہاں وقتا فوقتا (دو زبر پتہ نہیں کیسے لگیں گے) یہاں سانحہ حیات لکھتے رہتے ہیں بس وہی جوڑ کے سوانح بن جائے گی ایک دن۔۔۔

آج سے ایک نئی لڑی میں لکھنا شروع کریں۔ ضرور بن جائے گی سوانحِ حیات ۔

 

[اکمل زیدی]

شوق تو ہمیں بھی کافی ہے لیکن سوچتے ہیں کہ کوئی گھول کر پلا دے۔

کہیں سے ایسا کوئی جام ہاتھ آئے تو دو چار گھونٹ بچا کر ہمیں دے دیجیے گا ۔۔

 

[اکمل زیدی]

آج سے ایک نئی لڑی میں لکھنا شروع کریں۔ ضرور بن جائے گی سوانحِ حیات ۔

یہ سوانح کا مصدر کیا بنے گا احمد بھائی سانحہ ؟

 

[محمداحمد]

یہ سوانح کا مصدر کیا بنے گا احمد بھائی سانحہ ؟

ایسا ہی کچھ ہوگا بھائی۔ اس کے لئے ہمیں کسی ماہرِ اشتقاقیات کو تلاش کرنا پڑے گا۔

 

[اکمل زیدی]

ایسا ہی کچھ ہوگا بھائی۔ اس کے لئے ہمیں کسی ماہرِ اشتقاقیات کو تلاش کرنا پڑے گا۔

یہ لو بھئی یہ اچھی کہی ہم تو سمجھے تھے آپ پر ہماری تلاش ختم ہو گئی۔۔۔

 

[محمداحمد]

یہ لو بھئی یہ اچھی کہی ہم تو سمجھے تھے آپ پر ہماری تلاش ختم ہو گئی۔۔۔

سوانح غالباً سانحہ کی جمع ہے۔

 

[اکمل زیدی]

سوانح غالباً سانحہ کی جمع ہے۔

واہ واہ احمد بھائی ایک حسنِ بے خبر کا تو سُنا تھا مگر میں ذہینِ بے خبر نکلا۔۔۔