لیاقت علی عاصم کوئی دھوپ دوپہر کی، کوئی شام کی اُداسی ------------- لیا قت علی عاصم

[مغزل]

لیاقت علی عاصم کی ایک غزل

پھرے دشت دشت شاید در و بام کی اُداسی
مرے بعد کیا کرے گی مرے نام کی اُداسی

مرے ہم سفر تھے کیا کیا، میں کسی کو اب کہوں کیا
کوئی دھوپ دوپہر کی، کوئی شام کی اُداسی

کہیں اور کا ستارہ مری آنکھ پر اُتارا
مجھے آسماں نے دی ہے بڑے کام کی اُداسی

مجھے یاد آرہی ہے وہ سفر کی خوش گواری
مرا دل دکھا رہی ہے یہ قیام کی اُداسی

وہ غزال رنگ آنکھیں جو پلٹ گئیں تو دیکھا
ہوئی اک نظر میں اوجھل کئی گام کی اُداسی

یہ شفق شراب منظر مری آنکھ کا تخیل
مری بیکسی کی کاوش سرِ شام کی اُداسی

وہی میکدہ ہے عاصم وہی انتظارِ ساقی
وہی گوشہ ء تمنا وہی جام کی اُداسی

لیاقت علی عاصم
​

 

[محمد نعمان]

واہ واہ واہ واہ۔۔۔۔۔۔
بہت بہت اچھے۔۔۔۔۔۔۔

پھرے دشت دشت شاید در و بام کی اُداسی
مرے بعد کیا کرے گی مرے نام کی اُداسی

خوب

 

[مغزل]

شکریہ نعمان بھائی ، سدا سلامت رہیں۔
والسلام

 

[محمد وارث]

لا جواب غزل ہے، بہت خوب۔ واہ واہ واہ

 

[مغزل]

بہت شکریہ وارث بھائی

 

[محمداحمد]

حیرت ہے کہ اس خوبصورت غزل پر ہمارا تبصرہ نہیں ہے۔

 

[جاسمن]

بہت خوبصورت
میرے بعد کیا کرے گی میرے نام کی اداسی
واہ