کسی عمل میں تو ہوتا اُترا پورا - برائے اصلاح

[محمود قادری]

یہ کس بحر میں ہے
آپ کے لطف میں توشک ہی نہیں
دل کو کس بات کی شکایت ہے
نظام رامپوری

 

[محمود قادری]

مجھے دوسرا مصرا پہلے سے ملتا نہیں دکھتا، دوسرے مصرے کی تقتطع
2221212222
جو کہ کسی بحر کا حصہ نہیں لگتی۔
الف عین صاحب ، کیا کچھ اور بھی اصول ہیں جو میں نے نہیں پڑہے یا سمجھنے میں غلطی کر رہا ہوں؟

 

[الف عین]

حروف کے سقوط کے کچھ اصول ہوتے ہیں۔ میرے خیال میں کافی کچھ عزیزی بسمل نے اپنی پوسٹس میں کور کر دئے ہیں۔
یہ شعر فاعلاتن مفاعلن ۔فعلن افاعیل پر ہے
آپ کِ لط۔ ف مے تُ شک۔ ہِ نہی
دل کُ کس با۔ت کی شکا۔ یت ہے

 

[محمود قادری]

بسمل کی پوسٹس کا لنک بتا سکتے ہیں ۔ میں نے نہیں پڑھا

 

[محمود قادری]

کسی عمل میں تو ہوتا پورا
بندگی نہی گفتار تھا پورا

اس کے بارے میں کیا خیال ہے

 

[محمود قادری]

اساتذہ کے جواب کا منتطر ہوں

 

[محمود قادری]

الف عین صاحب
آپ کی راے چاہیے

 

[الف عین]

کسی عمل میں تو ہوتا پورا
بندگی نہی گفتار تھا پورا

اس کے بارے میں کیا خیال ہے

دوسرا مصرع وزن میں نہیں۔

 

[محمود قادری]

بندگی نہی گفتار ہی پورا
کیا یہ ٹھیک ہے۔
اس میں :ہی: کہیں شامل کریں گے؟

 

[الف عین]

مفاعلاتن مفاعلاتن میں یہ کس طرح آ سکتا ہے، تقطیع کر کے دیکھ لو۔ بندگی ہی مفاعلن ہے۔ اور نہ گفتار آ سکتا ہے، ’ہی‘ تو مناسب جگہ آ سکتا ہے۔

 

[محمود قادری]

شکریہ،
میں سقطیع کرنے میں ہی غلطی کر رہا تھا۔
امید ہے آپ میری اس کوشش در کوشش سے بےزار نہیں ہوں گے۔ اس میں مجھے بہت چھوٹی چھوٹی باتوں کا پتا چل رہا ہے۔
وقت کی کمی کی وجہ سے میری کوشش میں دیر ہو جاتی ہے۔ پر میں اسے چھوڑنا نہیں چاہتا-

 

[ابن رضا]

شکریہ،
میں سقطیع کرنے میں ہی غلطی کر رہا تھا۔
امید ہے آپ میری اس کوشش در کوشش سے بےزار نہیں ہوں گے۔ اس میں مجھے بہت چھوٹی چھوٹی باتوں کا پتا چل رہا ہے۔
وقت کی کمی کی وجہ سے میری کوشش میں دیر ہو جاتی ہے۔ پر میں اسے چھوڑنا نہیں چاہتا-

قادری بھائی آپ شاعری کے بنیادی قواعد بھی ضرور دیکھیں پہلے ۔ جن میں بحر و اوزان کے علاوہ، قافیہ، ردیف، صنعت، املا، لغت کا صحیح استعمال اور دیگر باریکیاں شامل ہیں۔ پھر دوبارہ خیال آرائی کر کے آگے بڑھیں تو کوئی راستہ مل ہی جائے گا۔ انشااللہ ۔ویسے یہ کتاب بھی بہت مفید ہے۔یہاں سے حاصل کریں

 

[محمود قادری]

شکریہ
آپ کی راے پر عمل کرتا ہوں۔

 

[محمود قادری]

اللہ کی تقطیع کیا ہو گی
21
یا
12

 

[ابن رضا]

ا ل لا ہ = 122
یا
ال لا = 22
یا
ال لٰ = 12
پہلا لام مشدد ہے اس لیے پہلے بہرصورت ہجائے بلند آئے گا

 

[محمود قادری]

شکریہ
آپ کی بتائی ہوئی کتاب پڑ رہا ہوں۔
پہلے آسی صاحب کی کتاب ُپڑہی ہے، خاصی عام فہم کتاب ہے
یہ والی میں تفصیل زیادہ ہے۔ امید ہے کچھ اور سیکھوں گا۔

 

[ابن رضا]

شکریہ
آپ کی بتائی ہوئی کتاب پڑ رہا ہوں۔
پہلے آسی صاحب کی کتاب ُپڑہی ہے، خاصی عام فہم کتاب ہے
یہ والی میں تفصیل زیادہ ہے۔ امید ہے کچھ اور سیکھوں گا۔

دوسری والی زیادہ مفصل ہے اور پہلی والی صرف عروض کے متعلق تھی۔ اگر آپ ذوقِ سلیم کے حامل ہیں تو جلد باریکیوں سے آشنا ہو جائیں گے کہ صاحب علم سے اصلاح لینے سے پہلے اپنے اندر موجود اصلاح جو سے کانٹ چھانٹ کرا کے آگے بڑھیں گے تو بہت مفید سفر ہو گا

 

[محمود قادری]

وہ تیرے بہانے ترا بلانا اچھا لگتا ہے
بہانےبہانے وہ توجہ سمیٹنا اچھا لگتا ہے

فعلن فعلن فعلن فعلن

 

[ابن رضا]

وہ تیرے بہانے ترا بلانا اچھا لگتا ہے
بہانےبہانے وہ توجہ سمیٹنا اچھا لگتا ہے

فعلن فعلن فعلن فعلن

اس میں فوری گزارش یہ ہے کہ قافیہ درست نہیں بلانا کے ساتھ جانا، کھانا بتانا، مٹانا وغیرہ آ سکتا ہے اور سمیٹ کے ساتھ شائد ہی کچھ اور آ سکے۔ اور تقطیع بھی درست نہیں

 

[محمود قادری]

دوسرا مصرا ایسے کر لیتا ہوں
بہانےبہانے وہ ترا لٹانا اچھا لگتا ہے

کیا وفا اور جیو اور جیا ہم وزن ہیں؟