کراچی

[فلک شیر]

کراچی....جسے عروس البلاد بھی کہتے ہیں........مدّت سے لہو لہو ہے......ان دیکھے حملہ آور.....بوری بند لاشیں....مستقل خوف....اور ہمہ دم بر سر پیکار مقامی اور عالمی غنڈے...........کرچی کرچی اِس شہر پہ ایک نثری نظم:

کراچی​

​

یہ کیا معمّہ ہے​

کہ بساط بچھی ہے​

مہرے موجود ہیں​

چالیں چلی جارہی ہیں​

مگر شاطر غائب..​

​

اک چیستاں ہے​

کہ پٹ رہے ہیں پیادے​

اور گر رہے ہیں سوار​

وزیر بھی معتوب ​

اور شاہ بھی محسوب​

اور شاطر ہیں ​

کہ دکھائی نہیں پڑتے​

​

ایسا تو کبھی نہیں دیکھا​

کہیں نہیں دیکھا​

کہ شاطر غائب ہوں​

اور بازی جاری ہو​

کسی نے جیتی ہو​

کسی نے ہاری ہو​

​

کیا عجب بازی ہے​

کہ مات دینے والا ہی مات کھاتا ہے​

اور مات کھانے والا بھی مات کھاتا ہے​

​

اس جاری بازی میں ​

اب، بس یہ دیکھنا ہے کہ​

شہ مات کس کو ہوگی​

مات دینے والے کو​

یا مات کھانے والے کو​

یا خود اِس شہر کو​

اِس شہرِ ہزار داستاں کو​

(فلک شیر چیمہ)​

​

​

​

​

​

 

[فلک شیر]

ٹیگ نامہ:
زبیر مرزا الف نظامی الف عین محب علوی حسیب نذیر گِل نیرنگ خیال حسان خان مقدس ناعمہ عزیز قیصرانی شمشاد قرۃالعین اعوان انیس الرحمن سویداعاطف بٹ........ طارق شاہ محمداحمد مدیحہ گیلانی عائشہ عزیز ساجد تلمیذ باباجی عسکری نایاب

 

[عسکری]

یہ تو سب جانتے ہیں کہ مسئلہ کیا ہے اور کون کرا رہا ہے

 

[فلک شیر]

یہ تو سب جانتے ہیں کہ مسئلہ کیا ہے اور کون کرا رہا ہے

عسکری بھائی..........بولتا کوئی بھی نہیں

 

[زبیر مرزا]

آپ نے کراچی کے المیے کو الفاظ میں ڈھال دیا

 

[فلک شیر]

آپ نے کراچی کے المیے کو الفاظ میں ڈھال دیا

آپ کے الفاظ سرمایہ ہیں..........میرے لیے.....

 

[نایاب]

لاجواب شراکت
صدائے عروس البلاد ۔۔۔۔۔۔۔۔۔۔۔۔
شاید کوئی درد مند سن لے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[سیدہ شگفتہ]

اللہ تعالٰی حفاظت فرمائے اور لوگوں کو شعور اور ہدایت ملے، آمین

 

[فلک شیر]

لاجواب شراکت
صدائے عروس البلاد ۔۔۔ ۔۔۔ ۔۔۔ ۔۔۔
شاید کوئی درد مند سن لے ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔۔ ۔۔

شاید و باید نایاب بھائی...........
تحسین و محبت کے لیے بے پناہ تشکر.......

 

[فلک شیر]

اللہ تعالٰی حفاظت فرمائے اور لوگوں کو شعور اور ہدایت ملے، آمین

آمین........

 

[فلک شیر]