کبھی جب اجنبی تھے ہم

[حسن محمود جماعتی]

عمدہ. نظم بہت خوب ہے لیکن اختتام تھوڑا توجہ طلب ہے .

"دعا ہے پھر خدایا کہ
بہاریں لوٹ آئیں گر،
بہاریں لوٹ آئیں گر۔۔۔۔۔۔"

" گر'' کے استمعال سے انداز دعائیہ نہیں بلکہ استفہامیہ محسوس ہو رہا ہے .
"کہ" کو بھی عام طور پر یک حرفی باندھا جاتا ہے .

ایک تجویز ہے اگر مناسب لگے تو ...

خدا سے یہ دعا ہے اب
بہاریں پھر سے لوٹ آئیں
بہاریں پھر سے لوٹ آئیں

نظر عنایت پر آپکا بہت بہت شکریہ! دوبارہ عنایت فرمائیں۔۔۔

چلو مل بیٹھ کے پھرسے​

انہی لمحوں،​

انہی اوقات کو دہراتے ہیں پھر سے​

کہ جب "تم، تم تھے"​

ابھی تک بیچ میں دیوار سی​

اک حد سی قائم تھی​

ابھی تک اجنبی تھے ہم​

ابھی تکرار سے،​

اقرارکی باتیں نہیں کی تھیں​

چلی ایسی ہوا کہ پھر​

گھٹا اک چھا گئی دل پہ​

دلوں کے موسموں میں اک تغیر آگیا پھر جب​

بہاریں ہر طرف محسوس ہوتی تھیں​

پرندے چہچہاتے تھے​

شجر پھر لہلہاتے تھے​

یہاں پھولوں کے ڈیرے تھے​

یہاں بلبل کے پھیرے تھے​

نجانے کیا ہوا پھر کہ​

کہیں سے سرد موسم کی​

ہوائیں گھوم کے آئیں​

کہ لہجوں کی تمازت میں​

پھر اک احساس ٹھنڈک کا​

بہت سرسبز، سایہ دار پیڑوں کے​

سبھی ٹہنوں، سبھی پتوں کی رنگت میں​

تغیر تھا خزائوں کا​

پتا دینے لگے تھے وہ​

کہ اب پتوں کا پیڑوں سے​

بچھڑنے کا​

یہ موسم ہی پرانا ہے​

انا کی دھوپ پڑتی ہے​

کبھی جو سرد موسم میں​

تو پتے زرد ہوتے ہیں​

جدائی کے پیامبر ہیں​

ہجر کا راگ بجتا ہے​

یہاں بھولے سےبھی پھر تو​

کبھی وہ پھول نہ مہکے​

نہ بلبل پھر کبھی بہکے​

کبھی ہم اجنبی سے تھے​

تکلف کی ابھی دیوار قائم تھی​

جہاں پہ "آپ" اور "ہم" کا تصور تھا​

چلو مل بیٹھ کے پھر سے​

انہی لمحوں،​

انہی اوقات کو دہراتے ہیں پھر سے​

خدا سے یہ دعا ہے اب​

بہاریں پھر سے لوٹ آئیں​

بہاریں پھر سے لوٹ آئیں​

 

[حسن محمود جماعتی]

"دعا ہے پھر خدایا کہ
بہاریں لوٹ آئیں گر،
بہاریں لوٹ آئیں گر۔۔۔۔۔۔"

" گر'' کے استمعال سے انداز دعائیہ نہیں بلکہ استفہامیہ محسوس ہو رہا ہے .
"کہ" کو بھی عام طور پر یک حرفی باندھا جاتا ہے .

اس کے اس طرح لکھنے کی تھوڑی سی وضاحت کر دوں پھر آاس کے مطابق اصلاح فرما دیجیے گا۔
یہ چونکہ ایک گزرے وقت کو یاد کیا جا رہا ہے تو آخر میں شدید آرزو کا اظہار کیا جا رہا ہے کہ " خدایا کاش کہ ایسا پھر ہو جائے" جبکہ وہ وقت گزر چکا ہے اور اب ایسا ہونا ممکن نہیں۔ اس پر آپ ارشاد فرما دیں کہ جو آپ صلاح آپ نے دی ہے وہ اس کے مطابق ہے یا جو مناسب ہے لگے۔

 

[La Alma]

اس کے اس طرح لکھنے کی تھوڑی سی وضاحت کر دوں پھر آاس کے مطابق اصلاح فرما دیجیے گا۔
یہ چونکہ ایک گزرے وقت کو یاد کیا جا رہا ہے تو آخر میں شدید آرزو کا اظہار کیا جا رہا ہے کہ " خدایا کاش کہ ایسا پھر ہو جائے" جبکہ وہ وقت گزر چکا ہے اور اب ایسا ہونا ممکن نہیں۔ اس پر آپ ارشاد فرما دیں کہ جو آپ صلاح آپ نے دی ہے وہ اس کے مطابق ہے یا جو مناسب ہے لگے۔

المعانی فی البطن شاعر ...

 

[فاخر رضا]

واہ بھئی واہ. ایک ہزار مراسلے کیا ہوئے آپ کے تو ٹیلینٹ سامنے آنے لگے. اب سارے مراسلے پڑھنے پڑیں گے. ماشاءاللہ، اور بھی اچھا لکھیں. بہت سی دعائیں

 

[حسن محمود جماعتی]

المعانی فی البطن شاعر ...

المعانی فی بطن الشاعر۔۔۔۔صحیح جملہ ہے۔۔۔۔ مضاف الیہ ہمیشہ معرفہ ہوتا ہےمضاف پر کبھی ال نہیں آتا۔۔۔۔

 

[فاخر رضا]

المعانی فی بطن الشاعر۔۔۔۔صحیح جملہ ہے۔۔۔۔ مضاف الیہ ہمیشہ معرفہ ہوتا ہےمضاف پر کبھی ال نہیں آتا۔۔۔۔

تو آپ مشکل باتیں بھی کرتے ہیں. مان گئے

 

[حسن محمود جماعتی]

واہ بھئی واہ. ایک ہزار مراسلے کیا ہوئے آپ کے تو ٹیلینٹ سامنے آنے لگے. اب سارے مراسلے پڑھنے پڑیں گے. ماشاءاللہ، اور بھی اچھا لکھیں. بہت سی دعائیں

نہیں قبلہ ایسی بات نہیں ہے۔۔۔۔ یہ تو پرانی باتیں ہیں جو پتا نہیں کیسے سر زد ہوگئیں۔۔۔۔ پزیرائی پر بہت بہت شکریہ!!

 

[حسن محمود جماعتی]

تو آپ مشکل باتیں بھی کرتے ہیں. مان گئے

سر یہ تو ایک سادہ سا کلیہ ہے۔۔۔ اس میں کیا مشکل ہے۔۔۔

 

[حسن محمود جماعتی]

تو آپ مشکل باتیں بھی کرتے ہیں. مان گئے

سر یہ تو ایک سادہ سا کلیہ ہے۔۔۔ اس میں کیا مشکل ہے۔۔۔

 

[La Alma]

المعانی فی بطن الشاعر۔۔۔۔صحیح جملہ ہے۔۔۔۔ مضاف الیہ ہمیشہ معرفہ ہوتا ہےمضاف پر کبھی ال نہیں آتا۔۔۔۔

التصحیح کا شکریہ .

 

[محمد خرم یاسین]

عمدہ کاوش ہے بھائی

 

[محمدابوعبداللہ]

پزیرائی پہ شکریہ راحیل بھائي۔
بھائی اساتذہ سے ڈر لگتا ہے۔ اونچے ذوق کے لوگ ایسا کلام وہاں دیکھ کر غصہ نہ فرما جائیں۔ اور معلومات تو نل بٹا زیرہ ہیں کہ یہ پابند بحور ہے کہ نہیں۔۔۔
رہنمائی فرما دیں آپ۔

کچھ جملے وزن میں نہیں ہیں۔
واقعی بچ گئے ہو ادھر پیش کر کے

 

[محمدابوعبداللہ]

المعانی فی بطن الشاعر۔۔۔۔صحیح جملہ ہے۔۔۔۔ مضاف الیہ ہمیشہ معرفہ ہوتا ہےمضاف پر کبھی ال نہیں آتا۔۔۔۔

یہ کس زبان کا اصول ہے۔
عربی میں تو ایسا ضروری نہیں ہے شاید

 

[حسن محمود جماعتی]

یہ کس زبان کا اصول ہے۔
عربی میں تو ایسا ضروری نہیں ہے شاید

یہ نحو کا اصول ہے بے شک کنفرم کر لیں۔

 

[محمدابوعبداللہ]

یہ نحو کا اصول ہے بے شک کنفرم کر لیں۔

غلام رجلٍ
نکرہ آ گیا ادھر
یہ مضاف مضاف الیہ ہو کر معرفہ ہے اور اسے نکرہ معینہ کہیں گئے۔
واللہ اعلم

 

[حسن محمود جماعتی]

جی میں نے گہرائی میں جا کر سارے اصول بیان نہیں کیے. فقط اس جملے کی جرح کی ہے.

 

[محمدابوعبداللہ]

جی میں نے گہرائی میں جا کر سارے اصول بیان نہیں کیے. فقط اس جملے کی جرح کی ہے.