کاش ایک افسانہ

محمد نعمان

محفلین
تم ۔۔۔۔۔۔۔۔۔۔۔۔۔۔۔۔۔۔۔۔۔۔ یہی وہ لفظ تھا جس نے میری تنہا مگر پرسکون زندگی میں ہلچل مچا دی۔
تمہارے آنے سے پہلے میں اپنی ذات کی گہرائیوں میں ڈوبا اپنی ہی سوچوں کا غلام بنا رہتا آیا تھا۔ مجھے کسی کی پرواہ نہیں ہوتی تھی ۔۔۔۔۔۔۔۔۔ حتٰی کہ اپنی بھی نہیں۔
تم نے آ کر نہ صرف مجھے اپنی ذات سے باہر نکلنا سکھایا بلکہ اس دنیا کو ایک نئے زاویے سے دیکھنا بھی سکھایا۔
تم نے مجھے بدل ڈالا ۔۔۔۔۔۔۔۔ میری پرانی عادات کو نئے سانچوں میں ڈھال دیا اور آہستہ آہستہ مجھے اپنا عادی بنا ڈالا ۔۔۔۔۔۔۔۔ ایک غیر محسوس انداز میں ۔۔۔۔۔۔۔۔۔۔۔۔۔ مجھے پتہ بھی نہ لگنے دیا ۔۔۔۔۔۔۔۔۔۔۔۔۔۔۔ اور میں تمہارا ہوتا گیا ۔۔۔۔۔۔۔۔۔ پہلے جو کسی کا نہ تھا وہ تمہارا ہو گیا ۔۔۔۔۔۔۔۔۔۔۔۔۔۔۔
پھر ایسا بھی وقت آیا کہ میں تمہارے بغیر بالکل ایک بچے کی مانند تھا ۔۔۔۔۔۔۔۔۔۔۔ جسے بھوک تو لگتی ہو مگر وہ خود کچھ کھا پی نہ سکتا ہو ۔۔۔۔۔۔۔۔۔۔۔۔۔۔ جسے ٹھنڈ تو لگتی ہو مگر وہ خود کو گرم نہ رکھ سکتا ہو ۔۔۔۔۔۔۔۔۔۔۔۔۔۔۔۔۔۔ جسے اکیلے پن سے گھبراہٹ تو ہوتی ہو مگر وہ محفل کا بندوبست نہ کر سکتا ہو ۔۔۔۔۔۔۔۔۔۔۔۔۔۔۔۔۔۔
میں ایک ایسے ہی بچے کی مانند تھا مکمل طور پر تمہارا ۔۔۔۔۔۔۔۔ جو کسی غیر کی طرف نگاہ بھی نہ کرتا ہو ۔۔۔۔۔۔۔۔۔۔۔ اک ایسا بچہ ۔۔۔۔۔۔۔۔۔۔۔۔ صرف ایک لمس کا پیاسا ۔۔۔۔۔۔۔۔۔۔۔۔۔۔۔۔۔۔ اور اس کا محتاج بھی۔
میں تمہارے ہی خیالوں میں کھویا رہتا تھا۔ صبح جاگتے ہی پہلا خیال تمہارا ہی ہوتا تھا، اور رات تمہیں ہی سوچتے سوچتے نہ جانے کب میں نیند کے کالے دریا میں غوطے کھانے لگتا تھا جہاں تم ایک روشن ستارے کی طرح آسمان پر جگمگ جگمگ کررہے ہوتے تھے ۔۔۔۔۔۔۔۔۔۔۔۔۔۔۔۔ مگر اسے چھونا میرے بس میں نہ تھا۔
اور آج یہ احساس اپنی پوری قوت سے اپنے آپ کو سچ منوا چکا ہے ، کہ تمہیں حاصل کرنا ، کسی ستارے کو اپنے ہاتھوں سے چھونے کے مترادف ہے ۔۔۔۔۔۔۔۔۔۔۔۔۔۔۔۔۔۔ اور غلطی میری ہی تھی کہ میں تمہارا عادی ہوا تھا ۔۔۔۔۔۔۔۔۔۔۔۔۔۔۔۔۔ تم نہیں ۔۔۔۔۔۔۔۔۔۔۔۔۔۔ میں تمہارا محتاج بنا تھا ۔۔۔۔۔۔۔۔۔۔۔۔۔۔۔۔۔۔۔۔۔۔ تم نہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم نے تو مجھے بدلنے کی کوشش کی تھی ۔۔۔۔۔۔۔۔۔۔۔۔۔ تاکہ میں جی سکوں ۔۔۔۔۔۔۔۔۔۔۔۔۔۔۔۔ تم نےمجھے یہ متو نہیں کہا تھا کہ میں تمہارے سہارے پہ جیوں ، یہ تو میری سوچ تھی ۔۔۔۔۔۔۔۔۔۔۔۔۔۔۔۔۔۔۔ یہ تو میرا فیصلہ تھا ۔۔۔۔۔۔۔۔۔۔۔۔۔۔۔۔۔۔ اور اس فیصلے میں تم نے میرا بس اتنا ہی ساتھ دیا تھا کہ تم نے میری انگلی پکڑ کر ایک سڑک پار کرائی تھی ۔۔۔۔۔۔۔۔۔۔۔۔۔۔ اس پار میری پرانی زندگی اور اس پار یہ نئی جیتی جاگتی زندگی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مگر میں کہاں بدلا ۔۔۔۔۔۔۔۔۔۔۔۔۔ انسان اپنی فطرت کب بدل سکتا ہے ۔۔۔۔۔۔۔۔۔۔۔۔۔۔۔۔۔۔۔۔ مجھے تو کبھی جینا آیا ہی نہیں پھر میں کیسے زندہ رہ سکتا تھا ۔۔۔۔۔۔۔۔۔۔۔۔۔۔۔۔۔۔۔ اب بھی دیکھو وہی ہوا نا ۔۔۔۔۔۔۔۔۔۔۔۔۔۔۔۔۔۔ تم نے خوامخواہ میرے لیے اپنا وقت برباد کیا ۔۔۔۔۔۔۔۔۔۔۔۔۔۔۔۔۔۔۔۔ میں کچھ نہ بدل پایا ۔۔۔۔۔۔۔۔۔۔۔۔ وہی تھا ۔۔۔۔۔۔۔۔۔۔۔وہی ہوں ۔۔۔۔۔۔۔۔۔۔۔ یہی رہوں گا ۔۔۔۔۔۔۔۔۔۔۔۔۔۔ میں کچھ نہ سیکھ پایا ۔۔۔۔۔۔۔۔۔۔۔۔۔۔۔۔ ہاں مگر فقط ایک لفظ کا میری زندگی مین اضافہ ہوا ہے۔
کاش ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاش کہ تم میری زندگی میں آئے ہی نہ ہوتے ۔۔۔۔۔۔۔۔۔۔۔۔۔۔۔۔۔۔۔
کاش کہ آ کے تم گئے ہی نہ ہوتے ۔۔۔۔۔۔۔۔۔۔۔۔۔۔۔۔۔۔۔
کاش کہ میں خود کو تمہارے حوالے نہ کرتا ۔۔۔۔۔۔۔۔۔۔۔۔۔۔۔۔۔۔۔۔۔
کاش کہ میں تمہاری انگلی تھامنے سے انکار کر دیتا ۔۔۔۔۔۔۔۔۔۔۔۔۔۔۔۔۔۔
کاش میں اب بھی واپس پلٹ سکتا ۔۔۔۔۔۔۔۔۔۔۔۔۔۔۔۔
کاش ۔۔۔۔۔۔۔۔۔۔۔۔۔۔۔۔۔۔۔۔۔۔۔
یہی وہ لفظ ہے جو میں کبھی کہنا نہیں چاہتا تھا ۔۔۔۔۔۔۔۔۔۔۔۔۔۔۔
یہی وہ لفظ ہے جسے میں نے تمہارا سکھایا ہوا ایک لفظ سمجھ کر اپنے پاس رکھ لیا ہے ۔۔۔۔۔۔۔۔۔۔۔۔۔۔۔۔
یہی وہ لفظ ہے جو شاید اب میری زندگی کا حاصل بھی ہے ۔۔۔۔۔۔۔۔۔۔۔۔۔۔۔۔۔۔۔
 

زین

لائبریرین
بہت خوب نعمان بھائی۔

یہ سلسلہ جاری رکھے اور مزید اچھی تحریریں شیئر کریں۔
شکریہ
 

شمشاد

لائبریرین
واہ واہ آپ تو چھپے سہراب نکلے، او ہو، سہراب نہیں بھئی رستم لکھنا تھا۔

بہت خوب بہت اچھا لکھا ہے۔ دو چار اور ایسی ہی تحریریں آئیں تو آپ کے لیے ایک گوشہ مخصوص کرتے ہیں۔
 

ارشد خان

محفلین
نعمان صاحب ۔ کہانی کا ایک موضوع ہوتا ہے اس افسانے سے موضوع ظاہر نہیں ہوتا ۔
جس طرح ہر نظم کا ایک عنوان ہوتا ہے ۔ مبہم تخلیق سے نکلیئے ۔ خوش رہو
 

زین

لائبریرین
نہیں ۔ میری نظر بھی آپ کی طرح بڑی تیز میرا مطلب کمزور ہے ۔
اس بات کے ثبوت شمشاد بھائی اور سارہ بہن کے پاس بھی محفوظ ہیں
:)
 

محمد نعمان

محفلین
واہ واہ آپ تو چھپے سہراب نکلے، او ہو، سہراب نہیں بھئی رستم لکھنا تھا۔

بہت خوب بہت اچھا لکھا ہے۔ دو چار اور ایسی ہی تحریریں آئیں تو آپ کے لیے ایک گوشہ مخصوص کرتے ہیں۔

سہراب سائیکل یا ۔۔۔۔۔۔۔۔۔۔۔۔۔۔۔۔۔۔۔۔۔۔ ویسے رستم و سہراب میں کیا فرق ہے
بھئی یہ خاص مہربانی ہم پر ہی کیوں اور بھی اتنے اچھے اچھے لکھاری پڑے ہیں راہوں میں :lovestruck:
ویسے ایک لمباااااااااااااااااا افسانہ یا ناولٹ کہہ لیں حاضر کرنے والا ہوں۔۔۔اکٹھے ٹائپ نہیں ہو گا :noxxx:
اس لیےقسط وار بھیجنے کا ارادہ ہے۔۔۔۔:grin:
حوصلہ افزائی کا بہت شکریہ شمشاد بھیا۔۔۔
خوش رہیں۔
 
بہت شکریہ سارہ پاکستان۔۔۔۔۔
بھئی اچانک لکھاری بننے کی تحریک کس کی طرف سے تھی یہ بھی تو بتایئے :grin:
مطلب کے کل کو کوئی خود کو آگ لگا رہا ہوگا تو آپ اسے بھی تحر یک ہی سمجھیں‌ گے۔۔۔۔اوہ ہو پھر کیا بنے گا آپ کا:shameonyou:
 

زین

لائبریرین
ارےےےےےےےے آپ تو واقعی چھپے رستم نکلے ۔ تو ""ایک لمبا افسانہ یا ناولٹ"" کب شیئر کرینگے ؟
:)
 
Top