چیونگم چبانے سے ریاضی میں کارکردگی بہتر ہوسکتی ہے

[نبیل]

حوالہ: وائس آف امریکہ اردو

ویب ایم ڈی پر شائع ہونے والی ایک تحقیق میں بتایا گیا ہے کہ چیونگم چبانے سے انسان کی ریاضی سے متعلق کارکردگی بڑھ جاتی ہے۔ ماہرین کا کہنا ہے کہ اگرچہ استاد کو یہ اچھا نہیں لگے گا کہ کلاس میں بچے چیونگم چبانے میں مصروف ہوں مگر اس سے ان کی تعلیمی کارکردگی بہتر ہوسکتی ہے اور وہ بالخصوص ریاضی میں بہتر گریڈ حاصل کرسکتے ہیں۔

ماہرین کا کہنا ہے کہ چیونگم چبانے سے ذہنی دباؤ میں کمی واقع ہوتی ہے جس کے نتیجے میں بچے اپنی توجہ بہتر طورپر اپنے مضمون پر مرکوز رکھ سکتے ہیں اور اس سے ان کی تعلیمی کارکردگی بڑھ سکتی ہے۔


بائیلر کالج آف میڈیسن کے بچوں کی غذائیت کے ایک ماہر ڈاکٹر کریگ جانسٹن اور ان کی ٹیم نے اپنی ریسرچ کے نتائج امریکن سوسائٹی فار نیوٹریشن کے سائنسی کانفرنسوں اور 2009 کی ایکپیریمنٹل بیالوجی کے سالانہ اجلاس میں پیش کیے۔


مزید پڑھیں۔۔

 

[مغزل]

بہت بہت شکریہ نبیل صاحب ، شاید یہی وجہ ہے کہ (میرے مشاہدے کے مطابق) اکاؤٹنٹ حضرات چیونگم چباتے ہیں ۔

 

[فہیم]

سوچ رہا ہوں میں بھی اپنا پرانا شوق پھر سے پال لوں‌۔
چیونگم چبانے کا

 

[تعبیر]

یہ تو کسی چونگم فیکٹری کا پلان لگتا ہے اپنا کاروبار چمکانے کو

اچھاااااااااااا تو استادوں کی دشمنی چونگم سے شاید اسی لیے ہوتی ہے نہیں تو پھر وہ اپنی بھڑاس کیسے نکالیں گے طالبعلموں پر

 

[ماوراء]

ماہرین کو اب پتہ چلا ہے۔۔میں بہت پہلے سے اس بات کی تحقیق کر چکی تھی۔ میری ایک ہفتے کی خوراک میں 14 عدد چیونگم بھی شامل ہیں۔ جس دن نہ چباؤں ۔۔ اس دن سر میں درد اور نیند ہی آتی رہتی ہے۔ لیکن چیونگم چبانے سے میرا دماغ صحیح کام کرتا رہتا ہے۔ البتہ ریاضی کے بارے میں میں کچھ نہیں کہہ سکتی۔۔

 

[arifkarim]

آج کام پر تھکن کے وقت چیونگم چباتے ہی سارے اعصاب بحال ہو گئے۔ واقعی اس تحقیق میں حقیقت ہے۔

 

[تیشہ]

اچھا ادھر چیونگم کا سنتے ہی سب کو لگنے لگا ہے کہ تھکاوٹ شکاؤٹ دور ۔ ۔۔ اعصاب بحال ۔۔۔ دماغ صیح کام کرنے لگا
یہ نفسیاتی اثر ہے کہ چیونگم کا پڑھ سن کے سب کو لگنے لگا ہے یا پھر ۔۔ اب اللہ ہی جانے کہ چیونگم چبانے سے سب تھکاوٹ سے دور ہوتے ہیں ۔۔اعصاب بحال ۔۔دماغ فاسٹ ۔۔۔۔ بھلے اندر سے چیونگم چبا چبا کر جبڑے زخمی اور سوجے ہوئے ہوں

 

[شاہ حسین]

کیا یہ کام پان کھا کر بھی ہو سکتا ہے ؟

 

[محمدصابر]

شکریہ نبیل بھائی۔ ایک استاد کے نقطہ نظر سے بات کروں تو پھر میرا خیال یہ ہے کہ اگر طالبعلم اس طرح کریں تو استاد کے ارتکاز میں خلل پڑتا ہے۔ طالبعلم چست اور استاد سست

 

[مغزل]

واہ صاحب یہ خوب کہا کہ طالب علم چست استاد سست ۔۔ ہاہاہہاہ