آپ کی ڈیٹ آف برتھہ اور اسٹار؟
مذکر ہونے کا فائدہ
بنا کسی حیل و حجت کے اپنی تاریخ پیدائش بتانے کی ہمت موجود ہے
۔ میری تاریخ پیدائش 18 ستمبر 1988 ہے۔ اِس حساب سے اسٹار Virgo بنتا ہے جبکہ کاغذات میں 25 ستمبر درج ہے تو اُس حساب سے اسٹار Libra بنتا ہے۔
آپ کی ایجوکیشن اور انسٹیوٹ؟
میری آخری کوالی فکیشن "ایم کام" ہے۔ جس کا مطلب ماسٹر آف کامرس ہے۔ اس ڈگری کو میں نے پنجاب یونیورسٹی سے حاصل کیا ہے۔ چونکہ پنجاب یونیورسٹی برٹش نے بنائی تھی اسی لئے یہ اب تک "ایم کام" کرواتی ہے جبکہ دیگر یونیورسٹیز زیادہ تر "ایم بی اے" کرواتی ہیں۔
آپ کا کلوز فرینڈ کون ہے؟
فرینڈز تو ڈھیر سارے ہیں لیکن کلوز فرینڈز کم تھے، تھے اس لیئے کہ اب ساتھ نہیں ہیں
۔ فکر معاش کسی کو دبئی لے گئی، کسی کو سعودیہ، کسی کو بحرین، کسی کو انگلستان۔ تو اب تک کسی سے ویسی یاری نہیں پڑ سکی جیسی ان سے تھی۔
کون سی ہستی ہے جس کےلئیے آپ کچھہ بھی کرسکتے ہیں؟
وہ میں خود ہوں۔
آپ اپنا وقت کیسے گزارتے ہیں؟
سب سے بہترین آپشن دوستوں کے ساتھ آوارہ گردی کا ہے۔ دوسرا آپشن موویز اینڈ سیریز دیکھنے کا ہے۔ تیسرا کتب و رسائل پڑھنے کا ہے۔ اور اگر یہ تینوں ہی مہیا نہ ہوں تو تخیل لڑانا بھی ایک مزیدار آپشن ہے، یعنی کسی خود ساختہ سکرپٹ میں خود کوکسی اہم کردار میں فِٹ کر کے سکرپٹ کو من چاہا اختتام دینا
۔ مثال کے طور پر ابھی کچھ دن پہلے میں نے بطور ایک طاقت ور وطن پرست تنظیم کے سربراہ، ملک پاکستان سے کرپشن کا مکمل خاتمہ کر دیا تھا۔
آپ کے فیوچر کے پلان کیا ہیں؟
بہت سے ہیں۔ ان میں کچھ ممکن ہیں کچھ مشکل ہیں، کچھ ناممکن ہیں۔ مثال کے طور پر جاب سے جان چھڑا کر بزنس کرنا (آئیڈیاز ہیں ذہن میں)، اتنے پیسے اکٹھے کر پانا کہ دنیا کے بہترین مقامات کی بار بار سیر کی جا سکے (سیر و سیاحت کا مجھے بے حد شوق ہے)۔
آپ کا موڈ کس بات پر آف ہوجاتا ہے؟
کسی بھی بات پر ہو سکتا ہے۔ میرا مطلب ہے کہ میرے دوست اور فیملی والے کہتے ہیں کہ اِس کی سمجھ نہیں آتی کہ یہ کِس مزاج کا بندہ ہے۔ سخت مزاج، نرم مزاج، شرارتی مزاج، شوخ مزاج ان سب کا مکسچر سمجھ لیں۔
کون سا تہوار پسند ہے؟
کوئی سا بھی جس پر دوست مِل بیٹھیں۔
کون سا شاعر پسندہے ؟
شاعری سے مجھے کچھ خاص لگاؤ نہیں ہے۔ میں نے خصوصی طور پر نہ کبھی سنی نہ کبھی پڑھی۔ لیکن جب بھی اچھے اشعار سننے کو ملیں تو بہت پسند آتے ہیں۔ ایک شاعر کا نام لیا جائے تو میں علامہ اقبال کا نام لوں گا اس لیئے نہیں کہ مجھے آتا ہی صرف ان کا نام ہے
بلکہ اس لیے کہ علامہ اقبال کی شاعری سے میں واقعی بہت متاثر ہوں۔ دوسرے الفاظ میں یہ کہا سکے ہے کہ مجھے دکھڑوں والی، غمگین یا عشقیہ شاعری نہیں پسند بلکہ خوشی والی، تعمیری اور جوشیلی شاعری پسند ہے۔
مصنف کون سا پسندہے ؟
نہیں کوئی ایک نہیں ہے بلکہ بہت سے ہیں، میں ویسا کچھ فین یا پنکھا قسم کا بندہ نہیں ہوں جو کسی ایک شخص کے دیوانے مستانے اور پروانے ہوتے ہیں۔ مستنصر حسین تارڑ، ممتاز مفتی، نسیم حجازی، اشفاق احمد، نذیر احمد، قراۃ عین حیدر جسے بڑے نام بھی ہیں اور اے حمید، شمیم نوید، ایم اے راحت، مقبول جہانگیر، اثر نعمانی، طارق اسمائیل ساغر، احمد یار خان جیسے نسبتاً چھوٹے نام بھی ہیں۔
کوئی کتاب جس نے آپ کی زندگی پر اثرات مرتب کیے
بلکل ہیں ایسی کتب لیکن اثر مستقل نہیں رہا اور مجھے نام بھی یاد نہیں اب تو۔
پسندیدہ گیم کون سا ہے؟
حقیقی گیمز میں ریسلنگ اور باڈی بلڈنگ۔ اور کمپیوٹر گیمز تو میں نہیں کھیلتا ہی نہیں۔ کبھی بچپن میں کھیلتا تھا، اور اُن گیمز کو میں نے کہیں نہ کہیں سے اکٹھا کر کے ایک سی ڈی میں رائیٹ کر رکھا ہے کہ چلو یادیں ہی سہی۔
فیورٹ اداکاراوراداکارہ( ایکٹر/ ایکٹریس) کون سے ہیں ؟
ادکاروں میں Huge Jackman اور Brad Pitt اور Ryan Gosling اور Tom Hanks اور Christian Bale اور رنبیر کپور۔ جبکہ اداکاراؤں میں Rachel McAdams اور Angelina Jolie اور Kate Winslet
پھول کون سا پسندہے ؟
کِھلا ہوا۔
رنگ کون سا پسندہے ؟
ڈارک ایند شوخ کلرز۔
آل ٹائم فیورٹ فلم کون سی ہے ؟
یہاں بھی کوئی ایک نہیں بہت سی ہیں۔ The Notebook, The Prestige, Saving Private Ryan, Titanic, Swades, Andaz Apna Apna۔ اور بھی ہیں۔
آپ لباس کے معاملے میں لاپرواہ یا کئیرفل اور ویل ڈریس؟
گھر میں تو بہت ہی لاپرواہ یعنی گرمیوں میں گھر پر میں ایک بنیان اور ٹراؤزر میں ہی پایا جاتا ہوں۔ لیکن آؤٹ ڈور میں آئی ایم فُلی ویل ڈریسڈ۔
آپ کی سب سے بڑی خواہش کیا ہے؟
فکر معاش سے آزاد ہو کر دنیا گھومنا، آوارہ گردی کرنا۔
اگر آپ کو ایک ملین ڈالر مل جائیں تو کیا کریں گے؟
وہی۔ دنیا گھوموں گا اور کیا۔
اپنا کوئ فیورٹ سونگ ( یوٹیوب لنک) شئیر کریں
اوہ اوہ نہیں وہ میں یہاں شئیر نہیں کر سکتا۔
انگریزی گانا جات ہیں وہ
کڑک چائے اور کڑک سوالات کاراؤنڈ
اگرآپ لڑکی ہوتے تو کس سے شادی کرناپسند کرتے؟
(1) زرداری (2) عمران خان (3) باراک اوباما
ہاہاہا۔ میں لڑکی ہوتا تو کافی مشہور لڑکی ہوتا۔ لوگ میری طرف اشارہ کر کے کہتے کہ اس سے بچ کے رہنا پھر کون شادی کرتا مجھ سے۔ ہاہاہاہاہا مذاق کر رہا ہوں۔
اگرآپ کو کسی فلم کے ری میک میں ہیروکارول آفرہو توکون سی فلم کرناپسندکریں گے؟
وہی وہی جو اوپر بتائی ہیں۔
اگرکوئی آپ کوغلطی سے شیخ رشید سمجھہ کرآٹوگراف مانگے توکیالکھیں گے؟
میں لکھوں گا کہ آآآآآآآآآآ اےےےےےےےےےے دیکھے جی کہ آآآآآآآآآآآآآ
اگرشمشاد آپ سے ملنے اچانک آجائیں تو آپ کاردعمل کیاہوگا؟
کچھ نہیں۔ کیوں کہ مجھے پتہ ہی نہیں ہو گا کہ یہ شمشاد ہیں۔
