پیشہ کےدوران جب آپ نے کٹھنائیوں کے باوجود ایمان داری سے کام کیا

جاسمن نے 'پیشہ ورانہ زندگی' کی ذیل میں اس موضوع کا آغاز کیا، ‏مئی 26, 2014

  1. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    میرا تعلق اصلآ اس طبقے سے ہے جس میں بچپن کے بعد بڑھایا آتا ہے۔ اور اس میں کوئی مبالغہ نہیں۔
    میں اپنے والدین آخری اولاد ہوں، سب سے چھوٹا اور لاڈلا۔ مگر مجھ پر جیسی کڑی گزری شاید میرے سارے بہن بھائیوں پر نہیں گزری ہو گی۔ ابا اپنے ایک قریبی رشتے دار کی سات یا نو ایکڑ زمین بٹائی پر کاشت کرتے تھے۔ جیب چھوٹی مگر دل بڑا پایا تھا۔ ’’گھر چل رہا ہے، بس ٹھیک ہے، بندہ خود کو گرنے کیوں دے!‘‘ ان کی زندگی کا فلسفہ ہی یہ تھا۔ میں نے غریبوں والے ٹاٹ سکول میں پرائمری کا امتحان پاس کیا۔ اور پھر خستہ چوبی بنچوں والے ایک سکول سے دسویں کا امتحان دیا۔ سکول کے آدھے بچے بنچوں پر بیٹھتے تھے اور آدھے ٹاہلی اور کیکر کی گھنی چھاؤں میں کھلی زمین پر یا پھر سردیوں کی دلربا دھوپ کا مزہ شور زدہ گراؤند میں بیٹھ کر لیتے اور ساتھ ساتھ پڑھائی بھی چلتی رہتی۔
    گاؤں سے سکول تک یہی کوئی پانچ کلومیٹر کا فاصلہ ہو گا۔ روزانہ پیدل آنے جانے سے اس کے ایسے عادی ہوئے کہ وہ فاصلہ فاصلہ لگتا ہی نہیں تھا۔
    مشکلیں اتنی پڑین مجھ پر کہ آساں ہو گئیں​
     
    • زبردست زبردست × 3
  2. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    ابھی اور مشکلیں بھی راستے میں منتظر تھیں۔ اللہ کریم نے انسان کو مستقبل بینی کا علم نہ دے کر اس پر اتنا بڑا احسان کیا ہے کہ صرف اس ایک احسان کی قدر پوری زندگی پر حاوی ہے۔ انہ کان علیما خبیرا
    ۔۔۔
    میں ساتویں میں تھا کہ ابا کا بلاوا آ گیا۔ اس کا احوال ’’لفظ کھو جائیں گے‘‘ کے دیباچے میں پیش کر چکا ہوں۔ ماں نے لوگوں کا سوت کات کر یا جیسے بھی بن پڑا میرا دسوین جماعت تک کا خرچہ اٹھایا۔ میں خود بھی چھٹی کے دن یا گرمیوں کی چھٹیوں میں گاؤں میں کوئی مزدوری مل جاتی تو کر لیتا۔ ایک آدھی کتاب کی قیمت نکل آتی تھی۔ میرے میٹرک کے امتحانات ہو گئے تو ماں نے کہہ دیا: ’’بیٹا بس! میں تھک گئی ہوں، اب تیری باری ہے۔‘‘ تب میری عمر ساڑھے پندرہ سال تھی۔
     
    • زبردست زبردست × 2
  3. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    [quote="محمد یعقوب آسی, post: 1555849, member: 3774"]بور ہوں گے بہت لوگ، ناصر علی مرزا صاحب۔
    بہر حال کچھ نہ کچھ حصہ ڈالتا رہوں گا، ان شاء اللہ۔[/quote]
    استاد محترم آسی بھائی
    مجھے اس قسم کی بوریت انتہا سے زیادہ پسند ہے ۔
    التجا ہے کہ مجھے اس خوشی سے محروم نہ کریں ۔۔
    کہیں گھی کے چراغ جلتے ہیں کہیں کڑوے تیل کے ۔۔۔۔
    مسافر تو صرف روشنی سے راہ پاتے ہیں ۔
    بہت دعائیں
     
    • زبردست زبردست × 2
  4. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    استاد محترم آسی بھائی
    مجھے اس قسم کی بوریت انتہا سے زیادہ پسند ہے ۔
    التجا ہے کہ مجھے اس خوشی سے محروم نہ کریں ۔۔
    کہیں گھی کے چراغ جلتے ہیں کہیں کڑوے تیل کے ۔۔۔ ۔
    مسافر تو صرف روشنی سے راہ پاتے ہیں ۔
    بہت دعائیں[/quote]
    آپ کی کڑوے تیل والی بات مجھے اظہار کا ایک راستہ دے گئی، جنابِ نایاب! ممنون ہوں۔
     
    • پسندیدہ پسندیدہ × 2
  5. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    آپ کی کڑوے تیل والی بات مجھے اظہار کا ایک راستہ دے گئی، جنابِ نایاب! ممنون ہوں۔[/quote]
    استاد محترم
    نیت کا حال رب جانے
    عمل پہ دنیا ناقد
    اپنی تو اک خواہش بس
    علم کا سفر آگہی کے چراغ کے روشنی میں جاری رہے ۔
    بہت دعائیں
     
    • زبردست زبردست × 2
  6. فلک شیر

    فلک شیر محفلین

    مراسلے:
    7,462
    جھنڈا:
    Pakistan
    موڈ:
    Shh
    آسی صاحب ! میری تجویز ہے کہ ان مراسلہ جات کو نئی لڑی میں منتقل کیا جائے، تاکہ مستقل تحریر ہو۔
     
    • متفق متفق × 5
  7. ناصر علی مرزا

    ناصر علی مرزا معطل

    مراسلے:
    1,234
    جھنڈا:
    Pakistan
    موڈ:
    Busy
    میں بھی یہی سوچ ہی رہا تھا ،محترم آپ نے عمدہ تجویز دی ہے
    محترم محمد یعقوب آسی صاحب،
    تھوڑی الجھن اور مصروفیت ، پھر خاص تحریریں سوچ بچار اور ارتکاز توجہ مانگتی ہیں، تو ابھی تک آپ کی تحریر صحیح طور پر پڑھ نہیں پایا ہوں، کہ مقصد سیکھنا اور سمجھنا ہے اور سوالات بھی ہیں
     
    • پسندیدہ پسندیدہ × 1
    • دوستانہ دوستانہ × 1
    • متفق متفق × 1
  8. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    میرے بڑے بھائی ابا کی زندگی میں ہی سکول چھوڑ چھاڑ کر فوج میں سپاہی بھرتی ہو گئے تھے۔ میرے رشتے کے بھائی جلو موڑ (لاہور) ہوتے تھے، محکمہ نہر میں بہت چھوٹے درجے کے ملازم تھے۔ انہوں نے اپنے کسی افسر کو کہہ کہلوا کر مجھے وہاں ایک ’’ورک چارج‘‘ یعنی دیہاڑی دارا پروگرام میں نوکری دلا دی۔ یہ 1968 کی بات ہے۔ وہاں مجھے ایک ایسے دفتر میں کام کرنا تھا جس کا کل عملہ میں خود تھا۔ اس کی روداد پھر کبھی سہی۔
     
    • پسندیدہ پسندیدہ × 1
    • زبردست زبردست × 1
    • معلوماتی معلوماتی × 1
  9. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    جو مزاجِ ’’یاران‘‘ میں آئے۔
    مطلوبہ تاگے نام میں تجویز کر دیتا ہوں۔ ’’سر پھرے کی سر گزشت‘‘
    آپ دونوں میں سے کوئی صاحب تاگا کھول کر یہاں سے منتخب مندرجات وہاں منتقل کر دیں۔
    یہ کام مجھے آتا نہیں ہے۔
     
    • پسندیدہ پسندیدہ × 1
    • زبردست زبردست × 1
  10. تلمیذ

    تلمیذ لائبریرین

    مراسلے:
    3,914
    موڈ:
    Cool
    نہیں جناب، میں اس عنوان سے قطعآ متفق نہیں ہوں۔ اس عاجز کے ناقص خیال کے مطابق آپ جیسے اہل علم اور گوناگوں تجربات کی حامل ایک بھرپور زندگی جینے والی قابل احترام شخصیت کے لئے یہ عنوان ہرگز شایان شان نہیں ہے۔
    عنوان تجویز کرنے والوں کی خدمت میں گذارش ہے کہ کسی دوسرے عمدہ سے عنوان کے تحت تاگہ (لڑی) کا آاغاز کیا جائے۔
    شکریہ۔
     
    • متفق متفق × 2
  11. فلک شیر

    فلک شیر محفلین

    مراسلے:
    7,462
    جھنڈا:
    Pakistan
    موڈ:
    Shh
    "کنعان نامہ" کیسا رہے گا؟
    تلمیذ سر، آپ کچھ تجویز کریں ۔
    "ایامِ یعقوب " بھی ہو سکتا ہے۔
    "نالہ یعقوب "
     
    آخری تدوین: ‏جون 3, 2014
    • پسندیدہ پسندیدہ × 1
  12. تلمیذ

    تلمیذ لائبریرین

    مراسلے:
    3,914
    موڈ:
    Cool
    آخری عنوان دل کو لگتا ہے۔
     
    • دوستانہ دوستانہ × 1
  13. فلک شیر

    فلک شیر محفلین

    مراسلے:
    7,462
    جھنڈا:
    Pakistan
    موڈ:
    Shh
    سر، توجہ فرمائیں
     
  14. جاسمن

    جاسمن مدیر

    مراسلے:
    15,038
    جھنڈا:
    Pakistan
    موڈ:
    Fine
    سارے نام ہی اچھے لگ رہے ہیں۔ کبھی کوئ اچھا لگتا ہے کبھی کوئی۔ نالۂ یعقوب بھی اچھا ہے۔
     
    آخری تدوین: ‏جون 3, 2014
    • پسندیدہ پسندیدہ × 1
  15. محمد یعقوب آسی

    محمد یعقوب آسی محفلین

    مراسلے:
    6,858
    جھنڈا:
    Pakistan
    موڈ:
    Buzzed
    نالہ نہیں صاحب۔ ۔۔۔۔۔۔ میں تو دوستوں کا شکریہ ادا نہیں کر پا رہا، اللہ کا شکر کیا ادا کر پاؤں گا!
    سرپھرے کی سرگزشت کے لئے اجازت ہو تو جواز پیش کروں۔
    ہمارے یہاں سرپھرا اپنے رسمی لغوی معانی سے قطعی مختلف معانی میں معروف ہے۔ فی زمانہ سچ بولنے سے بڑا پاگل پن اور کیا ہو گا۔ تو جو سچ بولتا ہے، وہ سرپھرا ہی تو ہے۔
    دوسرے اس عنوان میں ایک کشش ہے، ایک غیر محسوس سی مقناطیسیت اس کو کہہ لیجئے۔ اس میں ادب کا لمس پایا جاتا ہے: مثلآ ۔۔۔ ’’آوارہ گرد کی ڈائری‘‘ معروف سفرنامہ ہے۔
    تیسرے یہ کہ زندگی رونا دھونا ہی تو نہیں، وہ علامہ صاحب کی نظم ۔۔ شبے زور نالید ابرِ بہار۔۔!

    چلئے میں ایک متبادل نام پیش کرتا ہوں ۔۔۔۔۔۔۔۔۔۔ ’’غواصِ شوق‘‘ ۔ میرا ایک شعر سن لیجئے۔
    درد کے دریا میں غوطہ زن ہوا غواصِ شَوق
    موج خود کشتی بنی گرداب چپو کر دیے

    بہت آداب
     
    آخری تدوین: ‏جون 3, 2014
    • پسندیدہ پسندیدہ × 3
    • دوستانہ دوستانہ × 1
  16. رانا

    رانا محفلین

    مراسلے:
    2,832
    جھنڈا:
    Pakistan
    موڈ:
    Cheerful
    چلیں بہرحال آپکی مرضی ہے۔ لیکن قرآن شریف کی تعلیم یہ ہے کہ کسی کو اسی نام سے پکارا جائے جو اس نے اپنے لئے رکھا ہو۔ حضرت مرزا غلام احمد قادیانی علیہ السلام نے اپنی جماعت کا نام آنحضور صلی اللہ علیہ وسلم کے مباک نام "احمد" کی نسبت سے احمدی رکھا تھا۔ اسی نسبت سے ہم احمدی کہلاتے ہیں۔ آگے جس کا جو دل کرے ہم کسی کو کچھ کہہ تو نہیں سکتے۔ یہ بھی صرف آپ کی معلومات کے لئے مراسلہ لکھا ہے کہ ہمارا نام احمدی حضرت مرزا صاحب کی نسبت سے نہیں بلکہ آنحضور صلی اللہ علیہ وسلم کی نسبت سے ہے۔
     
    • معلوماتی معلوماتی × 1
  17. تلمیذ

    تلمیذ لائبریرین

    مراسلے:
    3,914
    موڈ:
    Cool
    فلک شیر, نایاب,
    نیرنگ خیال, جاسمن,
     
    • پسندیدہ پسندیدہ × 1
    • زبردست زبردست × 1
    • معلوماتی معلوماتی × 1
    • دوستانہ دوستانہ × 1
  18. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    محترم تلمیذ بھائی
    میرا ووٹ " سرپھرے کی سرگزشت " عنوان کے لیئے ہے ۔۔۔
    حق و سچ کی صدائیں بلند کرنے والے ہی اصل میں " سر پھرے " ہوتے ہیں ۔
    بہت دعائیں
     
    • پسندیدہ پسندیدہ × 3
    • متفق متفق × 1
  19. ناصر علی مرزا

    ناصر علی مرزا معطل

    مراسلے:
    1,234
    جھنڈا:
    Pakistan
    موڈ:
    Busy
    معذرت میں متفق نہیں ہوں، حق و سچ کی صدائیں بلند کرنے والے ہی اصل میں باشعور اور دانشور ہوتے ہیں
    آپ کی نیت پہ شک نہیں کیا ، بلکہ انداز بیان پر اعتراض ہے
     
    • معلوماتی معلوماتی × 1
  20. نایاب

    نایاب لائبریرین

    مراسلے:
    13,421
    جھنڈا:
    Pakistan
    موڈ:
    Goofy
    ایسوں کو " پاگل دیوانہ مجنون " کے بھی خطابات سے نوازا جاتا ہے میرے محترم بھائی
    باشعور اور دانشور " مصلحت " کو اپنا رہنما بناتے ہیں ۔ جبکہ سر پھرے حق وسچ کی صدا لگا دار قبول کرنے کو تیار رہتے ہیں ۔
    کس کی مثال دیں گے جس نے " حق و سچ " کی صدا لگائی ہو اور " عوام " سے باشعور و دانشور کا خطاب پایا ہو ۔۔۔۔۔۔۔؟
    بہت دعائیں
     
    • پسندیدہ پسندیدہ × 1

اس صفحے کی تشہیر