ناصر کاظمی پھر نئی فصْل کے عنواں چمکے

[طارق شاہ]

غزل ​

ناصرکاظمی ​

​

پھر نئی فصْل کےعنواں چمکے​

ابْر گرجا، گُلِ باراں چمکے​

​

آنکھ جھپکوں تو شرارے برسیں ​

سانس کھینچوں تو رگِ جاں چمکے​

​

کیا بِگڑ جائے گا اے صُبْحِ جمال ​

آج اگر شامِ غرِیباں چمکے​

​

اے فلک بھیج کوئی برقِ خیال ​

کچھ تو شامِ شبِ ہِجراں چمکے​

​

پھر کوئی دل کو دُکھائے ناصر ​

کاش یہ گھر کسی عنواں چمکے ​

​

ناصر کاظمی ​

 

[زبیر مرزا]

واہ جناب بہت خُوب

 

[فلک شیر]

اے فلک بھیج کوئی برقِ خیال
کچھ تو شامِ شبِ ہِجراں چمکے

سبحان اللہ...بہت خوب​

 

[محمد بلال اعظم]

آنکھ جھپکوں تو شرارے برسیں
سانس کھینچوں تو رگِ جاں چمکے
واہ کیا حسبِ حال شعر ہے۔

 

[طارق شاہ]

واہ جناب بہت خُوب

تشکّر جناب اظہار خیال پر!
خوشی ہوئی جو ناصرکاظمی صاحب کے کلام سے منتخبہ غزل آپ کو پسند آئی
بہت خوش رہیں

 

[طارق شاہ]

اے فلک بھیج کوئی برقِ خیال
کچھ تو شامِ شبِ ہِجراں چمکے

سبحان اللہ...بہت خوب​

تشکّر اظہارِ خیال اور دادِ انتخاب پر
مسرّت ہوئی جو غزل آپ کو پسند آئی
بہت شاد رہیں

 

[طارق شاہ]

آنکھ جھپکوں تو شرارے برسیں
سانس کھینچوں تو رگِ جاں چمکے
واہ کیا حسبِ حال شعر ہے۔

تشکّر اظہار خیال پر !
بلال! بالا شعراچھا ہے
اس کا " چمکے" دیگر اشعار کے 'چمکے' سے جداگانہ مفہومِ خوب رکھتا ہے

مجھے مطلع بہت ہی اچھا لگا اس میں نئی غموں کے اندیشوں کو بہ فصل کیا خوب
مُتّصِل عوامل سے چمکایا گیا ہے

بہت خوش رہیں