استاد دامن پنجابی نامہ

[غدیر زھرا]

مینوں کئیاں نے آکھیا کئی واری​

توں لینا پنجابی دا ناں چھڈ دے

گود جدھی وچ پل کے جوان ہویوں
اوہ ماں چھڈ دے تے گراں چھڈ دے

مینوں انج لگدا لوکی آکھدے نیں
اوہ پترا اپنی ماں چھڈ دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایتھے بولی پنجابی ای بولی جاے گی
اردو وچ کتاباں وچ ٹھن دی رہے گی
ایہدا پُت ہاں ایہدے توں دُدھ منگدا
میری بھکھ ایہدی چھاتی تن دی رہے گی
ایہدے لکھ حریف پئے ہون پیدا
دن بدن ایہدی شکل بن دی رہے گی
اوہدوں تیک پنجابی تے نہیں مر دی
جدوں تیک پنجابن کوئی جن دی رہے گی
ایہدے لکھ حریف پئے ہون پیدا
دن بدن اسدی شکل بن دی رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میں پنجابی پنجاب دا رہن والا
سدا خیر پنجابی دی منگ دا ہاں
موتی کسے سہاگن دی نتھ دا ہاں
ٹکرا کسے پنجابن دی ونگ دا ہاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جدوں کدے پنجابی دی گل کرناں پھاں پھاں کردا پھوں پھوں آوندا
توں پنجابی پنجابی کیہ لائی ہوئی اے چاں چاں کردا چوں چوں آوندا
اوہ بولدا بولدا ٹری جاندا خبرے میرے بُلھاں نوں سیوں آوندا
ایہہ گل اے ماں تے پتراں دی کوئی تیسرا ایہدے وچ کیوں آوندا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اردو دا میں دوکھی ناہیں
تے دشمن نہیں انگریزی دا
پُچھدے او میرے دل دی بولی
ہاں جی ہاں، پنجابی اے

بُلھا ملیا ایسے وچوں
ایسے وچوں وارث وی
دھاراں ملیاں ایسے وچوں
میری ماں پنجابی اے

ایہدے بول کناں وچ پیندے
دل میرے دے وچ نیں رہندے
تپدیاں ہوئیاں ریتاں اُتے
اک ٹھنڈی چھاں پنجابی اے

ایہدے دُدھاں دے وچ مکھنی
مکھناں وچ گھیو دی چکھنی
ڈب کھڑبی ددھل جئی
اک ساڈی گاں پنجابی اے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(استاد دامن)​

 

[کاظمی بابا]

ودھیا !

 

[جاسمن]

بوہت ای ودھیا!
غدیر زھرا!ایتھے تسی پنجابی اکھر آلے ہور شعر تے نظماں،غزلاں وی شامل کردے روو۔ اک لڑی خالص پنجابی دی بن جاووے گی۔ مینوں بڑی چاہ سی ایسی شاعری دے اِک جا کٹھا ہون دی۔
بوہت شکریہ

 

[غدیر زھرا]

ودھیا !

شکریہ سر

 

[غدیر زھرا]

بوہت ای ودھیا!
غدیر زھرا!ایتھے تسی پنجابی اکھر آلے ہور شعر تے نظماں،غزلاں وی شامل کردے روو۔ اک لڑی خالص پنجابی دی بن جاووے گی۔ مینوں بڑی چاہ سی ایسی شاعری دے اِک جا کٹھا ہون دی۔
بوہت شکریہ

تہاڈے پسند کرن دا بہت شکریہ بہنا اے لڑی اصل وچ صرف استاد دامن دی پنجابی زبان بارے شاعری واسطے مخصوص اے میں ان شاء اللہ ہور لڑیاں وچ پنجابی شاعری ونڈا گی

 

[کاظمی بابا]

شکریہ سر

سر کیا ہوتا ہے بٹیا جی ؟
بھائی یا انکل کہیں تو ہمیں خوشی ہو گی۔

 

[غدیر زھرا]

سر کیا ہوتا ہے بٹیا جی ؟
بھائی یا انکل کہیں تو ہمیں خوشی ہو گی۔

جیسے آپ کہیں بھیا سر احتراماَ کہا تھا

 

[کاظمی بابا]

جیسے آپ کہیں بھیا سر احتراماَ کہا تھا

اللہ ہمیشہ خوش رکھے ہماری بٹیا کو۔

 

[غدیر زھرا]

اللہ ہمیشہ خوش رکھے ہماری بٹیا کو۔

جزاک اللہ

 

[یوسف سلطان]

بہت ودھیا جی کمال کری چھوڑیا جے

 

[غدیر زھرا]

بہت ودھیا جی کمال کری چھوڑیا جے

بہت شکریہ