پسند کے لفظ پر شاعری

[ناعمہ عزیز]

چھین لیتا ہے میری آبلہ پائی کا قرار،
کون کانٹوں کو میری راہ سے ہٹا دیتاہے!

 

[نیلم]

وہ کیسے لوگ تھے یا رب جنہوں نے پا لیا تجھکو
ہمیں تو ہو گیا دشوار اک انسان کا ملنا

 

[ناعمہ عزیز]

کتابوں سے دلیل دوں یا خود کو سامنے رکھوں!
وہ ہم سے پوچھ بیٹھے ہیں محبت کس کو کہتےہیں؟

 

[شمشاد]

اَب کے ہم بچھڑے تو شاید کبھی خوابوں میں ملیں
جس طرح سُوکھے ہوئے پھول کتابوں میں ملیں
(فراز)

 

[ناعمہ عزیز]

احساس کے انداز بدل جاتے ہیں ورنہ
آنچل بھی اُسی تار سے بنتا ہے کفن بھی

 

[شمشاد]

سبز مدھم روشنی میں سرخ آنچل کی دھنک
سرد کمرے میں مچلی گرم سانسوں کی مہک
(پروین شاکر)

 

[ناعمہ عزیز]

تو بچا بچا کے نا رکھ اسے تیرا آئینہ ہے وہ آئینہ،
کہ شکستہ ہو تو عزیز تر ہے نگاہِ آئینہ ساز میں۔
(علامہ اقبال)

 

[ناعمہ عزیز]

دل کی بساط کیا تھی نگاہِ جمال میں
اک آئینہ تھا ٹوٹ گیا دیکھ بھال میں۔


نوٹ۔ یہ شاید بابا بلھےشاہ کا ہے۔

 

[پپو]

جی ہاں بلھے شاہ کا ہی ہے اردو ترجمہ کیساتھ

 

[راجہ صاحب]

دل کی بساط کیا تھی نگاہِ جمال میں
اک آئینہ تھا ٹوٹ گیا دیکھ بھال میں۔


نوٹ۔ یہ شاید بابا بلھےشاہ کا ہے۔

زخم نے داد نہ دی تنگئ دل کی یارب
تیر بھی سینۂ بسمل سے پَرافشاں نکلا

 

[شمشاد]

یارب! مرے سکوت کو نغمہ سرائی دے
زخمِ ہُنر کو حوصلہ لب کشائی دے
(پروین شاکر)

 

[راجہ صاحب]

بچھڑ بھی جائے مگر مجھ سے بدگمان بھی رہے
یہ حوصلہ ہی کہاں میرے بدگمان کا ہے

محسن نقوی

 

[شمشاد]

تُو باوفا، تُو مہرباں، ہم اور تجھ سے بدگماں؟
ہم نے تو پوچھا تھا ذرا، یہ وصف کیوں ٹھہرا تیرا
(ابن انشاء)

 

[راجہ صاحب]

ہم باوفا تھے اس لئے نظروں سے گر گئے
شاید تمھیں تلاش کسی بے وفا کی تھی

نامعلوم

 

[شمشاد]

قربت کے بعد اور بھی قربت کی ہے تلاش
دل مطمئں نہیں تیرے آنے کے بعد بھی
(عدیم ہاشمی)

 

[راجہ صاحب]

یوں تو لاکھوں حسین صورت ہیں
دل دھڑکتا ہےِصرف تیرے لئے

احمد فواد

 

[شمشاد]

مدت ہوئی اک حادثہ ء عشق کو لیکن
اب تک ہے ترے دل کے دھڑکنے کی صدا یاد
(جگر مراد آبادی)

 

[راجہ صاحب]

ہوئیں زرد پھُولوں کی بستیاں مگر اس میں خطا کہاں
تجھے لوگ دل سے دُعائیں دیں یہی تیرے فن کا کمال ہے

نامعلوم

 

[تانیہ]

دل ہجر کے درد سے بوجھل ہے، اب آن ملو تو بہتر ہے
اس بات سے ہمکو کیا مطلب، یہ کیسے ہو، یہ کیونکر ہو

 

[شمشاد]

اِک ہِجر جو ہم کو لاحق ہے تا دیر اسے دہرائیں کیا
وہ زہر جو دِل میں اتار لیا پھر اس کے ناز اُٹھائیں کیا
(اطہر نفیس)