پسند کے لفظ پر شاعری

[عاطف بٹ]

اک فرصتِ گناہ ملی وہ بھی چار دن
دیکھے ہیں ہم نے حوصلے پروردگار کے
(فیض)

 

[احمد علی]

عمرِدراز مانگ کر لائے تھے چار دن
دو آرزو میں کٹ گئے دو انتظار میں

 

[عاطف بٹ]

یہ آرزو بھی بڑی بات ہے مگر ہمدم
وصالِ یار فقط آرزو کی بات نہیں
(فیض)

 

[احمد علی]

وہ فراق اور وہ وصال کہاں​

وہ شب و روز و ماہ و سال کہاں​

 

[عاطف بٹ]

بھانویں ہجر تے بھانویں وصال ہووے، وکھو وکھ دونہاں دیاں لذتاں نیں
میرے سوہنیا جا ہزار واری ،آ جا پیاریا تے لکھ وار آجا
(غالب براستہ صوفی تبسم )

 

[شمشاد]

شمع کی لو تھی کہ وہ توُ تھا مگر ہجر کی رات
دیر تک روتا رہا کوئی سرہانے میرے
(فراز)

 

[عاطف بٹ]

سرہانے میر کے آہستہ بولو
ابھی ٹک روتے روتے سو گیا ہے
(میر)

 

[شمشاد]

چلے تو کٹ ہی جائے گا سفر آہستہ آہستہ ​

ہم اُن کے پاس جاتے ہیں مگر آہِستہ آہستہ
(مصطفی زیدی)

 

[عاطف بٹ]

سفر ہے شرط مسافر نواز بہتیرے
ہزار ہا شجرِ سایہ دار راہ میں ہے
(آتش)

 

[شمشاد]

ٹھہر گئے ہیں سرِراہ خاک اڑانے کو ​

مسافروں کو نہ چھیڑ اے ہوائے صحرائی
(ناصر کاظمی)

 

[عاطف بٹ]

منہ پہ رکھ دامنِ گل روئیں گے مُرغانِ چمن
ہر روِش خاک اڑائے گی صبا میرے بعد
(میر)

 

[شمشاد]

راہ میں یونہی چلتے چلتے ان کا دامن تھام لیا تھا​

ہم ان سے کچھ مانگنا چاہیں، ہم سے تو یہ سوچا بھی نہ جائے
(ابن انشاء)

 

[عاطف بٹ]

دامن پہ کوئی چھینٹ، نہ خنجر پہ کوئی داغ
تم قتل کرو ہو کہ کرامات کرو ہو

 

[شمشاد]

کیوں مرے قتل سے انکار یہ کیوں ​

اسقدر ہے تمہیں دشوار یہ کیا
(داغ دہلوی)

 

[عاطف بٹ]

کی مرے قتل کے بعد اس نے جفا سے توبہ
ہائے اس زود پشیماں کا پشیماں ہونا
(غالب)

 

[احمد علی]

قتلِ حُسین اصل میں مرگِ یزید ہے
اسلام زندہ ہوتا ہے ہر کربلہ کے بعد

 

[معاویہ وقاص]

اک قیامت کی خراشیں میرے چہرے پہ سجیں
اک محشر میرے اندر سے اٹھا تیرے بعد

محسن نقوی

 

[احمد علی]

چہرے پہ مرے زُلف کو پھیلاؤ کسی دن
کیا روز گرجتے ہو برس جاؤکسی دن

 

[عمر سیف]

کرو پھر سے کوئی وعدہ، کبھی نہ پھر بچھڑنے کا
تمہیں کیا فرق پڑتا ہے ، چلو پھر سے مُکر جانا !!

 

[محمد ساجد]

فرشتہ کہنے سے میری تحقیر ہوتی ہے
میں مسجودِ ملائک ہوں مجھے انساں رہنے دو
(علامہ)

واقعی علامہ اقبال کا شعر ہے ؟ تصدیق چاہئے