پسندیدہ محفلین کے آٹو گراف

محترم محفلین ہم ایک زبردست اور منفرد سلسلہ
شروع کر رہے ہیں ،جس کا عنوان ہے
پسندیدہ محفلین کے آٹو گراف
امید ہے کہ یہ سلسلہ آپ سب کو پسند آئے گا ۔
اس لڑی میں آپ ٹیگ کر کے اپنے پسندیدہ محفلین کو آٹو گراف حاصل کرنے کے لیے مدعو کرسکتے ہیں ۔
مدعو کیا گیا پسندیدہ محفلین ٹیگ والے مراسلے کا اقتباس لے کر اپنا آٹو گراف دے سکتا ہے ۔
اردو محفل سے وابستہ پسندیدہ محفلین سے کئی دجوہات کی بنا پر ملاقات ممکن نہیں ہے ،
تو اس سلسلہ کے ذریعہ آپ اپنے پسندیدہ محفلین کے آٹوگراف لے کر اپنی محبت
اور
عقیدت دوستی پسند کا اظہار کرسکتے ہیں ۔
تو آئے سلسلے کا آغاز کرتے ہوئے
ہم اپنے پسندیدہ محفلین کو آٹوگراف دینے کی دعوت پیش کرتے ہیں ۔

​

 

ہمارے اردو محفل کے سب سے پسندیدہ محفلین قبلہ محمد وارث صاحب ہیں ۔ ہم ان کو دعوت پیش کرتے ہیں کہ وہ اس لڑی میں قدم رنجہ فرمائیں اور ہمیں آٹوگراف سے نوازیں ۔

 

مجھے آپ کا ٹیگ نہیں ملا بلکہ آوارہ گردی کرتے ہوئے یہاں تک پہنچ گیا ہوں وگرنہ آپ سمجھتے کہ "صاحب" کو آٹو گراف کا کہا تو مغرور ہو گئے۔

باقی رہا آٹو گراف تو ہم کیا ہماری بساط کیا (یا اوقات کیا)، مرشدی کا ایک شعر آپ کی نذر کر دیتا ہوں:

لیے جاتی ہے کہیں ایک توقع غالب
جادۂ رہ کششِ کافِ کرم ہے ہم کو

 

شفقت فرمانے کا بہت شکریہ قبلہ ،
اللہ کریم آپ کے علم و عمل میں خیر و برکت عطا فرمائیں ۔آمین

 

ہم اپنے استاد محترم جناب الف عین صاحب کی بارگارمیں عاجزانہ درخواست کرتے ہیں کہ وہ اس لڑی میں قدم رنجہ فرمائیں اور ہمیں اپنے یادگاری آٹوگراف سے نوازیں ۔

 

ظہیر احمد ظہیر

 

اس اعزاز کے لیے بہت شکریہ
اپنا ہی ایک پچاس سال پرانا شعر پیش کر رہا ہوں
نہ جانے اوروں کو میں کس طرح کا لگتا ہوں
یہ آرزو ہے کہ باہر سے دیکھ لوں خود کو

 

سبحان اللہ استاد محترم ،
کیا زبردست عمدہ آٹوگراف عطا فرمایا ہے ،
شفقت فرمانے کا شکریہ۔
اللہ کریم آپ کی صحت اور عمر میں خیر و برکت عطا فرمائیں ۔آمین

 

ہم اپنی ہردلعزیز شخصیت محمد تابش صدیقی بھیا سے گزارش کرتے ہیں کہ وہ ہمیں اپنے یادگاری آٹوگراف سے نوازیں ۔

 

یہ ٹیگ غلط ہو گیا غالبا۔
ظہیراحمدظہیر

 

بہت عمدہ اور زبردست نصحیت ،
آپ کی محبت ہے بھیا ،
ہم تو آپ کو دعا ہی دے سکتے ہیں ،آپ قابل قدر علمی شخصیات کے درمیان ہمیں اپنا وجود بہت ہی چھوٹا اور حقیر نظر آتا ہے ۔ہم نہ تو قابل ہیں اور نہ ہی ہماری ایسی قابلیت کہ کسی کو آپ جیسی خوبصورت نصحیت کر سکیں ۔
اللہ کریم آپ اور تمام محفلین کو ہمیشہ اپنی اپنی زندگی میں شاد و آباد فرمائیں ۔آمین

 

سبحان اللہ !!!

 

ہردلعزیز کے بعد شخصیت کا اضافہ کردیں۔

 

ہم دعوت دیتے ہیں سید عمران بھیا کو وہ لڑی میں تشریف لائیں اور ہمیں اپنے یادگاری آٹوگراف سے نوازیں ۔

 

کیا ایسا بہتر نہ ہو گا اگر مدعو محفلیں اپنے ہاتھ سے لکھ کر تصویر اپ لوڈ کرے (اگر آسانی ہو تو)

 

بہت عمدہ تجویز دی ربیع بھائی ،
اور اگر محفلین کے پاس محفوظ کسی بڑی علمی شخصیت یا کوئی یادگاری آٹوگراف محفوظ ہے تو اس کی تصویر بھی پوسٹ کر سکتے ہیں ۔جس سے ہمارے جیسے آٹوگراف کے شوقین کو تسکین ملے گی ۔

 

اسکول کے زمانے میں حکیم سعید صاحب کا ہمدرد کی آٹو گراف بک میں آٹو گراف لیا تھا۔۔۔
اب ڈحونڈنا پڑے گا کہاں ہے وہ بُک۔۔۔
ہے بھی یا نہیں!!!

 

اب پکڑے گئے سید صاحب!!!!