جرمن شہر میونخ میں 13 تا 15 جون منعقدہ شمسی توانائی سے متعلق دنیا کے سب سے بڑا تجارتی میلے انٹر سولر یورپ میں جرمن کمپنی کونرجی بھی شریک تھی، جو عنقریب پاکستان میں ملک کا سب سے بڑا شمسی پلانٹ تعمیر کرنے والی ہے۔
اس پلانٹ کی تعمیر کا کام جرمن شہر ہیمبرگ میں قائم ادارے کونرجی کے سپرد کیا گیا ہے۔ اس ادارے نے حال ہی میں جرمن شہر میونخ میں منعقدہ دنیا کے شمسی توانائی سے متعلق سب سے بڑے تجارتی میلے انٹر سولر میں اپنا سٹال لگا رکھا تھا۔
ادارے کی ترجمان آنچے سٹیفن نے پاکستان میں منصوبے کے حوالے سے تفصیلات بتاتے ہوئے کہا:
’’کونرجی (Conergy) اپنی پارٹنر کمپنی اَین سَنٹ (Ensunt) کے ساتھ مل کر پاکستان کا سب سے بڑا شمسی پلانٹ تعمیر کرے گی۔ یہ پلانٹ توانائی سے متعلق ادارے DPGCL اور حکومت پاکستان کے ایماء پر تعمیر ہو گا۔ پچاس میگا واٹ گنجائش کے حامل اس پلانٹ کے لیے دو لاکھ دَس ہزار شمسی پینلز نصب کیے جائیں گے۔‘‘
یہ پلانٹ جنوبی پنجاب کے علاقے چولستان میں بہاولپور کے قریب تعمیر کیا جائے گا اور اس پر 170 تا 190 ملین ڈالر لاگت آئے گی۔
اس شمسی پلانٹ کی مدد سے سالانہ 78 گیگا واٹ گھنٹے سے زیادہ توانائی پیدا کی جا سکے گی، جس سے تیس ہزار پانچ سو گھروں کی بجلی کی ضروریات پوری ہو سکیں گی۔ کونرجی کی ترجمان سے یہ پوچھا گیا کہ اس پلانٹ کی تعمیر میں کتنا عرصہ لگے گا اور یہ کب تک مکمل ہو جائے گا۔ جواب میں اُنہوں نے بتایا:
’’اِس پلانٹ کی تعمیر کا آغاز غالباً اِس سال کی تیسری سہ ماہی کے اواخر اور چوتھی سہ ماہی کے اوائل میں ہو گا۔ پاکستان کے حالات کو مد نظر رکھتے ہوئے یہ کام کم و بیش اٹھارہ ماہ میں مکمل ہو گا۔‘‘
نبیل
اس پلانٹ کی تعمیر کا کام جرمن شہر ہیمبرگ میں قائم ادارے کونرجی کے سپرد کیا گیا ہے۔ اس ادارے نے حال ہی میں جرمن شہر میونخ میں منعقدہ دنیا کے شمسی توانائی سے متعلق سب سے بڑے تجارتی میلے انٹر سولر میں اپنا سٹال لگا رکھا تھا۔
ادارے کی ترجمان آنچے سٹیفن نے پاکستان میں منصوبے کے حوالے سے تفصیلات بتاتے ہوئے کہا:
’’کونرجی (Conergy) اپنی پارٹنر کمپنی اَین سَنٹ (Ensunt) کے ساتھ مل کر پاکستان کا سب سے بڑا شمسی پلانٹ تعمیر کرے گی۔ یہ پلانٹ توانائی سے متعلق ادارے DPGCL اور حکومت پاکستان کے ایماء پر تعمیر ہو گا۔ پچاس میگا واٹ گنجائش کے حامل اس پلانٹ کے لیے دو لاکھ دَس ہزار شمسی پینلز نصب کیے جائیں گے۔‘‘
یہ پلانٹ جنوبی پنجاب کے علاقے چولستان میں بہاولپور کے قریب تعمیر کیا جائے گا اور اس پر 170 تا 190 ملین ڈالر لاگت آئے گی۔
اس شمسی پلانٹ کی مدد سے سالانہ 78 گیگا واٹ گھنٹے سے زیادہ توانائی پیدا کی جا سکے گی، جس سے تیس ہزار پانچ سو گھروں کی بجلی کی ضروریات پوری ہو سکیں گی۔ کونرجی کی ترجمان سے یہ پوچھا گیا کہ اس پلانٹ کی تعمیر میں کتنا عرصہ لگے گا اور یہ کب تک مکمل ہو جائے گا۔ جواب میں اُنہوں نے بتایا:
’’اِس پلانٹ کی تعمیر کا آغاز غالباً اِس سال کی تیسری سہ ماہی کے اواخر اور چوتھی سہ ماہی کے اوائل میں ہو گا۔ پاکستان کے حالات کو مد نظر رکھتے ہوئے یہ کام کم و بیش اٹھارہ ماہ میں مکمل ہو گا۔‘‘
نبیل
