پاجامے کا ڈورا

شمشاد

لائبریرین
ایک مشاعرے میں ہر شاعر کھڑے ہو کر اپنا کلام سنا رہا تھا۔ فراق صاحب کی باری آئی تو وہ بیٹھے رہے اور مائیک ان کے سامنے لا کر رکھ دیا گیا۔ مجمع سے ایک شور بلند ہوا “کھڑے ہو کر پڑھیے---- کھڑے ہو کر پڑھیے۔“

جو شور ذرا تھما تو فراق صاحب نے بہت معصومیت کے ساتھ مائیک پر اعلان کیا “میرے پاجامے کا ڈورا ٹوٹا ہوا ہے۔(ایک قہقہہ پڑا) کیا آپ اب بھی بضد ہیں کہ میں کھڑے ہو کر پڑھوں؟“
مشاعرہ قہقہوں میں ڈوب گیا۔
 

عندلیب

محفلین
بہت خوب شمشاد بھائی ۔
شمشاد بھائی ہمارے یہاں ڈورے کو "ناڑا" کہا جاتا ہے ۔
سعودی عرب میں بھی ناڑا لفظ کافی سننے کو ملا ہے ۔
 

شمشاد

لائبریرین
ہمارے ہاں بھی پنجابی میں ناڑا ہی کہتے ہیں، اردو میں ازار بند لیکن یہ شعراء بڑے لوگ ہیں اور بڑے لوگوں کی بڑی باتیں ہوتی ہیں۔
 

یوسف-2

محفلین
ہماری عادت ’کمر بند‘ کہنے کی ہے، اپنے اپنے علاقے کا لفظ ہے۔

"کمر بند" کے ذکر پر یاد آیا ۔ دوران طالب علمی مجھے "خالص اردو" بولنے اور لکھنے کا بڑا شوق تھا۔ ایک عید پر پتلون کے لئے "بیلٹ" خریدنے بازار پہنچا اور "بہت سوچ بچار" کے بعد اس کا اردو متبادل "کمر بند" کو استعمال کرتے ہوئے کئی دکانوں سے پوچھا۔ "کمر بند" ہے؟ ہر جگہ نفی میں جواب ملا تو مجھے شبہ ہوا کہ کہیں یارلوگوں کو میرا "مدعا" سمجھنے میں "مغالطہ" تو نہیں ہورہا۔ اگلی دکان پر "بیلٹ" مانگا تو فورا" مل گیا۔ :grin:
 

شمشاد

لائبریرین
انہیں کم بند سمجھ میں نہیں آیا اگر ازار بند کہہ دیتے تو نجانے کیا ہوتا۔

ایک دفعہ phd پی ایچ ڈی (pajama holding device) کہہ کر مانگا ہوتا تو بھی مل جانا تھا۔
 

mfdarvesh

محفلین
ایک بات مجھے بھی کوئی سمجھائے کہ ناڑا ڈالنے والے اوزار کو اردو میں کیا کہتے ہیں، ہمارے ہاں تو اس کو "ناڑہ پاوڑی" کہتے ہیں
 

محمداحمد

لائبریرین
ہاہاہاہا،

بہت خوب شمشاد بھائی۔۔۔۔!

اور تبصرے کرنے والوں کے لیے بھی سندِ تحسین کہ اُن سب نے بھی خوب کمر کس کے تبصرے کئے ہیں۔ :grin:
 

شمشاد

لائبریرین
ناڑہ پاؤڑی نہیں ناڑو پاونی یعنی کہ ناڑہ پاون والی، اب اردو میں کیا کہتے ہیں، یہ نہیں معلوم۔
 

حماد

محفلین
ہمارے ہاں اسے "سلائی " کہتے ہیں . (جو ازار بند ڈالنے کیلئے ہوتی ہے )

چھوٹا بڑا، نہ کم نہ مجھولا ازار بند
ہے اس پری کا سب سے امولا ازار بند
دھوکے میں ہاتھ لگ گیا میرا نظیر تو
لیڈی یہ بولی جا، میرا دھو لا ازار بند

(نظیر اکبر آبادی )
 

mfdarvesh

محفلین
ناڑہ پاؤڑی نہیں ناڑو پاونی یعنی کہ ناڑہ پاون والی، اب اردو میں کیا کہتے ہیں، یہ نہیں معلوم۔

پنجابی میں تو پاؤڑی ہی کہتے ہیں یہ پاونی اردو میں ہوتا ہوگا
جس طرح رانا صاحب بھی کہتے ہیں، رانا پنجابی میں کچھ اور ہی ہوتا ہے
 
Top