پابند بحور میں آزاد ہی آزاد سب قافیے :)

[نور وجدان]

وہ دل کی بری نہ بے وفا تھی
وہ مجھ سےجدا کبھی نہیں تھی

وہ ہم نوا دسترس سے باہر
وہ تارا بساط مال ہی تھی

وہ ہی تھی کہ بے نیاز اس سے
جو میری انا کا سائباں تھی

بچھڑنا اسے محال ہی تھا
وہ میرےخیال و عکس میں تھی

وہ رویا کہ بارشوں میں کرتی
وہ رہتی فلک کہ پار ہی تھی

گو وہ ہی فریب روح ٹھہری
سادہ بھی کیا کمال ہی تھی

تنہا جو سفر کٹے جدھر بھی
وہ میرا عشق عین ہی تھی

گل رعنا جہان کا عطر عنبر
تھا اسکا تذکرہ کہ ہر آن

اس کو بھی شکوک نے رلایا
آئینہ کمال ناز ہی تھی

ہوئی کشتہ کہ شیش اندام
وہ سنگوں کی واردات ہوئی

میں پرویں کہوں ہی یا ثریا
وہ تشنہ کتاب دل کی ہی تھی

اس کا ہی طلسم نورؔ کیا ہے
در پیش مہر بھی ماند ہی تھا

نور شیخ÷÷4 مئی 2014

 

[الف عین]

ایک نئی صنف سخن ایجاد کر ڈالی شاید!!

 

[فاتح]

میں تو یہ سوچ رہا ہوں کہ اس ساری عجیب و غریب چیز میں "قافیے"کون سے ہیں

 

[نیرنگ خیال]

میں تو یہ سوچ رہا ہوں کہ اس ساری عجیب و غریب چیز میں "قافیے"کون سے ہیں

جیسا کہ عنوان سے ظاہر کہ سب قافیے آزاد ہیں۔ تو غلام بن کر مصرعوں میں آ کھڑے ہوں کیا؟

 

[سید عاطف علی]

کچھ مصرعے بحر کی حدود کی جائز لچک سے متجاوز بھی لگ رہے ہیں ۔۔۔مثلا" بچھڑنا والا مصرع
کسی جگہ الفاظ کی ترتیب از حد دگرگوں ہوکر مضمون پر رستاخیز بن رہی ہے۔ مثلا۔ میں پرویں کہوں ہی یا ثریا

 

[نیرنگ خیال]

کچھ مصرعے بحر کی حدود کی جائز لچک سے متجاوز بھی لگ رہے ہیں ۔۔۔مثلا" بچھڑنا والا مصرع
کسی جگہ الفاظ کی ترتیب از حد دگرگوں ہوکر مضمون پر رستاخیز بن رہی ہے۔ مثلا۔ میں پرویں کہوں ہی یا ثریا

لیکن انہوں نے اس کو "آپ کی نثری شاعری بحور سے آزاد" میں شامل کیا ہے۔

 

[سید عاطف علی]

لیکن انہوں نے اس کو "آپ کی نثری شاعری بحور سے آزاد" میں شامل کیا ہے۔

مجھے آزاد نہیں لگی اکثر مصرعے اسی بحر کے آس پاس بھٹک رہے ہیں۔آزاد نظم میں بہت تنوع ہو تا ہے بحور و اوزان کے لحاظ سے بھی ۔ میری ذاتی رائے میں ۔

 

[نیرنگ خیال]

مجھے آزاد نہیں لگی اکثر مصرعے اسی بحر کے آس پاس بھٹک رہے ہیں۔آزاد نظم میں بہت تنوع ہو تا ہے بحور و اوزان کے لحاظ سے بھی ۔ میری ذاتی رائے میں ۔

بئی ہم تو ان چیزوں سے دور سے بھی واقف نہیں۔ بس زمرہ دیکھ کر بات کی تھی۔

 

[سید عاطف علی]

بئی ہم تو ان چیزوں سے دور سے بھی واقف نہیں۔ بس زمرہ دیکھ کر بات کی تھی۔

نیرنگ خیال بھا ئی ۔یہ بحر دراصل ۔مفعول مفاعلن فعولن۔ ہے
اس بحر کی بہترین مثالیں اقبال کی نظم ہمدردی (ٹہنی پہ کسی شجر کی تنہا)۔ اور پنڈت دیا شنکر نسیم کی مایہ ناز مثنوی گلزار نسیم ہے جو اردو شاعری کا ایک عظیم شہ پارہ ہے۔اس میں گل بکاؤلی کا طویل قصہ بیان کیا گیا ہے۔
اس بحر ایک کمپیٹبل شکل -مفعولن فاعلن فعولن- بھی ہے۔اور کچھ اور معمولی درجے کے انحراف بھی قابل قبول ہوتے ہیں۔ جس کی مثالیں مذکورہ منظومات سے مل سکتی ہیں۔

 

[نیرنگ خیال]

نیرنگ خیال بھا ئی ۔یہ بحر دراصل ۔مفعول مفاعلن فعولن۔ ہے
اس بحر کی بہترین مثالیں اقبال کی نظم ہمدردی (ٹہنی پہ کسی شجر کی تنہا)۔ اور پنڈت دیا شنکر نسیم کی مایہ ناز مثنوی گلزار نسیم ہے جو اردو شاعری کا ایک عظیم شہ پارہ ہے۔اس میں گل بکاؤلی کا طویل قصہ بیان کیا گیا ہے۔
اس بحر ایک کمپیٹبل شکل -مفعولن فاعلن فعولن- بھی ہے۔اور کچھ اور معمولی درجے کے انحراف بھی قابل قبول ہوتے ہیں۔ جس کی مثالیں مذکورہ منظومات سے مل سکتی ہیں۔

بہت شکریہ عاطف بھائی۔ آپ نے بہت معروف کلام کے حوالے دیے ہیں۔ جزاک اللہ خیرا۔
اچھا جو پہلا مصرعہ ہے اس میں صرف تھا کی جگہ تھی لگایا گیا ہے۔ کیا اس کو واوین میں نہیں لکھا جانا چاہیے؟

 

[سید عاطف علی]

بہت شکریہ عاطف بھائی۔ آپ نے بہت معروف کلام کے حوالے دیے ہیں۔ جزاک اللہ خیرا۔
اچھا جو پہلا مصرعہ ہے اس میں صرف تھا کی جگہ تھی لگایا گیا ہے۔ کیا اس کو واوین میں نہیں لکھا جانا چاہیے؟

یہ تو لکھنےوالے کا اختیار ہے۔ اگر وہ قاری کی توجہ کو کسی لطیف اشارے سے ٹہوکا دینا چاہے تو کر سکتا ہے۔
یہاں اس بارے میں میں خاموش ہوں۔

 

[فاتح]

جیسا کہ عنوان سے ظاہر کہ سب قافیے آزاد ہیں۔ تو غلام بن کر مصرعوں میں آ کھڑے ہوں کیا؟

قافیہ آزاد ہونے سے کیا مراد ہے؟
آپ کا مطلب ہے کہ میرے مندرجہ بالا جملے میں تمام الفاظ ہم قافیہ یا ہم آزاد قافیہ ہیں؟

 

[نیرنگ خیال]

قافیہ آزاد ہونے سے کیا مراد ہے؟
آپ کا مطلب ہے کہ میرے مندرجہ بالا جملے میں تمام الفاظ ہم قافیہ یا ہم آزاد قافیہ ہیں؟

اب مجھے یہ تو نہیں معلوم کہ "ہم" پہلے آئے گا یا بعد میں۔ لیکن آزاد ضرور ہیں۔

 

[صائمہ شاہ]

میں تو یہ سوچ رہا ہوں کہ اس ساری عجیب و غریب چیز میں "قافیے"کون سے ہیں

حیرت ہے محسن نقوی نے بھی یہی سب لکھا تھا مگر حدود و قیود کے ساتھ


وہ دل کا برا نہ بے وفا تھا
بس مجھ سے یونہی بچھڑ گیا تھا
لفظوں کی حدوں سے ماوراء تھا
اب کس سے کہوں وہ شخص کیا تھا
وہ میری غزل کا آئینہ تھا
ہر شخص یہ بات جانتا تھا
ہر سمت اُسی کا تذکرہ تھا
ہر دل میں وہ جیسے بس رہا تھا
میں اُس کی انا کا آسرا تھا
وہ مجھ سے کبھی نہ روٹھتا تھا
میں دھوپ کے بن میں جل رہا تھا
وہ سایہء ابر بن گیا تھا
میں بانجھ رتوں کا آشنا تھا
وہ موسمِ گُل کا ذائقہ تھا
اک بار بچھڑ کے جب ملا تھا
وہ مجھ سے لپٹ کے رو پڑا تھا
کیا کچھ نہ اُسے کہا گیا تھا
اُس نے تو لبوں کو سی لیا تھا
وہ چاند کا ہمسفر تھا شائد
راتوں کو تمام جاگتا تھا
ہونٹوں میں گُلوں کی نرم خوشبو
باتوں میں تو شہد گھولتا تھا
کہنے کو جدا تھا مجھ سے لیکن
وہ میری رگوں میں گونجتا تھا
اُس نے جو کہا کیا وہ دل نے
انکار کا کس میں حوصلہ تھا
یوں دل میں تھی یاد اُس کی جیسے
مسجد میں چراغ جل رہا تھا
مت پوچھ حجاب کے قرینے
وہ مجھ سے بھی کم ہی کُھل سکا تھا
اُس دن مرا دل بھی تھا پریشاں
وہ بھی میرے دل سے کچھ خفا تھا
میں بھی تھا ڈرا ہوا سا لیکن
رنگ اُس کا بھی کچھ اُڑا اُڑا تھا
اک خوف سا ہجر کی رتوں کا
دونوں پہ محیط ہو چلا تھا
اک راہ سے میں بھی تھا گریزاں
اک موڑ پہ وہ بھی رک گیا تھا
اک پل میں جھپک گئیں جو آنکھیں
منظر ہی نظر میں دوسرا تھا
سوچا تو ٹھہر گئے زمانے
دیکھا تو وہ دور جا چکا تھا
قدموں سے زمیں سرک گئی تھی
سورج کا بھی رنگ سانولا تھا
چلتے ہوئے لوگ رُک گئے تھے
ٹھہرا ہو شہر گھومتا تھا
سہمے ہوئے پیڑ کانپتے تھے
پتّوں میں ہراس رینگتا تھا
رکھتا تھا میں جس میں خواب اپنے
وہ کانچ کا گھر چٹخ گیا تھا
ہم دونوں کا دکھ تھا ایک جیسا
احساس مگر جدا جدا تھا
کل شب وہ ملا تھا دوستوں
کہتے ہیں اداس لگ رہا تھا
محسن یہ غزل کہہ رہی ہے
شائد ترا دل دُکھا ہوا تھا۔

 

[سید عاطف علی]

صائمہ شاہ صاحبہ ۔مقطع کا پہلا مصرع کچھ ٹھیک نہیں لگ رہا شاید کوئی معمولی کتابت کی غلطی ہو۔

 

[ابن سعید]

صائمہ شاہ صاحبہ ۔مقطع کا پہلا مصرع کچھ ٹھیک نہیں لگ رہا شاید کوئی معمولی کتابت کی غلطی ہو۔

کیوں بھئی، کیا غزل مؤنث نہیں؟

 

[صائمہ شاہ]

صائمہ شاہ صاحبہ ۔مقطع کا پہلا مصرع کچھ ٹھیک نہیں لگ رہا شاید کوئی معمولی کتابت کی غلطی ہو۔

عین ممکن ہے مجھے تو مطلع کی مماثلت پر حیرت ہوئی باقی غزل دیکھنے کی ضرورت نہیں رہی

 

[سید عاطف علی]

کیوں بھئی، کیا غزل مؤنث نہیں؟

ابن سعید بھائی۔ میری مراد وزن اور بحر سے تھی۔شاید مصرع اسطرح ہو ۔
محسن یہ غزل بھی کہہ رہی ہے۔وغیرہ

 

[صائمہ شاہ]

ابن سعید بھائی۔ میری مراد وزن اور بحر سے تھی۔شاید مصرع اسطرح ہو ۔
محسن یہ غزل بھی کہہ رہی ہے۔وغیرہ

مجھے عروض پر دسترس نہیں اس لئیے تکنیکی باتوں پر راے دینے سے قاصر ہوں مگر آپ کا لکھا ہوا ٹھیک لگ رہا ہے

 

[فاتح]

اب مجھے یہ تو نہیں معلوم کہ "ہم" پہلے آئے گا یا بعد میں۔ لیکن آزاد ضرور ہیں۔

دراصل اس میں قافیے ہیں ہی نہیں