ویلنٹائن ڈے منانے کا اسلامی طریقہ

اپنی ذاتی سگی حاضر سروس بیوی کو پھول یا گلدستہ دینا مباح اور پسندیدہ فعل ہے، بشرطیکہ گوبھی کا پھول نہ ہو۔ اور ایضًا اسی طرح خاتون کا اپنے ذاتی سگے حاضر سروس شوہر کو پھول یا گلدستہ دینا بھی مباح اور پسندیدہ ہے بشرطیکہ اپنے جیب خرچ سے لے کر دیا جائے۔

منہ بولی بیوی اور منہ بولا شوہر اس فہرست سے خارج ہیں، اور ایضًا کسی کی بیوی یا کسی کا شوہر بھی اسی حکم میں آتے ہیں۔ اور وہ خاتون جو بیوی بیوی سی لگتی ہو اور وہ بندہ جو شوہر شوہر سا لگتا ہو، وہ بھی اسی حکم میں ہے۔

سوتیلی بیوی اور سوتیلے شوہر کو پھول دینے کا ارادہ کرنے والوں والیوں سے عرض ہے کہ یہ ارادہ نہ کریں بلکہ حیا کریں۔ سگی پڑوسن اور سگے پڑوسی کے بارے میں بھی یہی جذبات رکھے جائیں تو بات چار دن اور چھپی رہے گی۔

نیز انگوٹھی و منہ میٹھا شدہ منگیتر ایک دوسرے کو گلاب کا پھول پیش کر سکتے ہیں اگر جوتے لگنے کا ڈر نہ ہو۔

البتہ متوقع بیوی یا متوقع شوہر کو پھول دینے کے بارے میں فقہائے سوشل میڈیا کا اختلاف ہے۔ اور یاد رہے کہ علما کا اختلاف باعثِ رحمت ہے۔
 
جناب ہوراں دا آپوں وی ایس تے عملدرآمد دا ارادہ ہے کہ نئیں؟
باقی پر تو عمل سو فیصد ممکن ہے البتہ اس بارے میں ابھی سوچ رہا ہوں کہ علماء کے اختلاف کو باعث رحمت بنایا جائے یا نہیں۔
البتہ متوقع بیوی یا متوقع شوہر کو پھول دینے کے بارے میں فقہائے سوشل میڈیا کا اختلاف ہے۔ اور یاد رہے کہ علما کا اختلاف باعثِ رحمت ہے۔
 

عثمان

محفلین
ویسے مذاق ایک طرف اگر اس معاملے سے جان نہیں چھڑائی جا سکتی تو کم از کم اسے اسلامائز کر کے معاشرے میں ہضم کروایا جاسکتا ہے۔
مثلا اس دن کو ترغیب نکاح اور توثیق نکاح کی حمایت کے لیے استعمال کیا جاسکتا ہے۔ آسان مالی شرائط پر اجتماعی شادیوں کی تقریبات کا بندوبست کیا جاسکتا ہے۔ وغیرہ وغیرہ
 
ویلنٹائن ڈے کہنا غیر اسلامی اور غیر شرعی ہے اسے یوم والنطائین کہا جائے۔ :)
علامات میں سرخ رنگ سے اجتناب کرتے ہوئے سبز رنگ کو ترجیح دی جائے۔ :)

اچھی تجاویز ہیں، اگلے سال انھیں بھی شامل کر لیا جائے گا۔
 
ویسے مذاق ایک طرف اگر اس معاملے سے جان نہیں چھڑائی جا سکتی تو کم از کم اسے اسلامائز کر کے معاشرے میں ہضم کروایا جاسکتا ہے۔
مثلا اس دن کو ترغیب نکاح اور توثیق نکاح کی حمایت کے لیے استعمال کیا جاسکتا ہے۔ آسان مالی شرائط پر اجتماعی شادیوں کی تقریبات کا بندوبست کیا جاسکتا ہے۔ وغیرہ وغیرہ

مزید یہ کہ اگلے ویلنٹائین سے پہلے پہلے والنطائن کے متبادل کے طور پر اپنا کوئی ایسا سینٹ ڈھونڈا جائے جس پر تمام فرقے بخوشی راضی ہوں اور اس کے نام سے اس دن کو منایا جائے۔
 

عثمان

محفلین
CbJyzMDWIAA5ul8.jpg
 

عاطف ملک

محفلین
ہا ہا ہا ہا:biggrin::biggrin:
لگتا ہے آپ سے بھی ڈیوٹی آورز کے دوران لکھوائی گئی ہے یہ تحریر۔۔۔۔۔تبھی مباح اور پسندیدہ قرار دیا ہے آپ نے پھول دینے کے عمل کو :ROFLMAO:
 
ہا ہا ہا ہا:biggrin::biggrin:
لگتا ہے آپ سے بھی ڈیوٹی آورز کے دوران لکھوائی گئی ہے یہ تحریر۔۔۔۔۔تبھی مباح اور پسندیدہ قرار دیا ہے آپ نے پھول دینے کے عمل کو :ROFLMAO:
لے دس۔۔۔۔ صورت دیگراں کے بارے میں آپ کچھ ارشاد فرما دیجیے:battingeyelashes:
 
احباب سے گزارش ہے کہ اس دن کو اسلامئیز کرنے کے لیے مزید ٹھوس تجاویز دیں تاکہ کوئی ایس او پی بنائی جا سکے اور اگلے سال اس کا ٹیسٹ ٹرائل بھی کروایا جا سکے۔:)
 

عثمان

محفلین
احباب سے گزارش ہے کہ اس دن کو اسلامئیز کرنے کے لیے مزید ٹھوس تجاویز دیں تاکہ کوئی ایس او پی بنائی جا سکے اور اگلے سال اس کا ٹیسٹ ٹرائل بھی کروایا جا سکے۔:)
مساجد کے دروازے اس دن شادی شدہ جوڑوں کے لیے کھلے ہوں۔ نکاح اور مفت ضیافت کا اہتمام ہو۔ شکرانے کے نوافل کے ساتھ خصوصی خطبات اور حلقہ جات کا اہتمام ہو۔
 

یاز

محفلین
احباب سے گزارش ہے کہ اس دن کو اسلامئیز کرنے کے لیے مزید ٹھوس تجاویز دیں تاکہ کوئی ایس او پی بنائی جا سکے اور اگلے سال اس کا ٹیسٹ ٹرائل بھی کروایا جا سکے۔:)
اس کا نام یومِ ایجاب و قبول اور حجاب و پھول وغیرہ رکھنے کے بارے میں کیا کہتے ہیں؟
 
Top