ویب ڈیویلپمنٹ ورڈ پریس ایڈمن ایڈیٹر کی ڈائریکشن اور فونٹ میں تبدیلی کا طریقہ

فخرنوید نے 'ویب پروگرامنگ' کی ذیل میں اس موضوع کا آغاز کیا، ‏جولائی 5, 2011

  1. فخرنوید

    فخرنوید محفلین

    مراسلے:
    3,211
    جھنڈا:
    Pakistan
    موڈ:
    Angelic
    اردو زبان کی انٹرنیٹ پر آمد کے بعد بہت سے لوگوں نے اس کے لئے کام کیا ہے۔ بہت سے لوگ ای بکس بنانے میں مصروف ہیں تو بہت سے لوگ مختلف سی ایم ایس کو اردو میں ترجمہ کر رہے ہیں۔ جس رفتار سے کام جاری ہے۔ امید ہے کہ اردو زبان بہت جلد انٹرنیٹ کی صفحے اول کی زبان میں مقام حاصل کر لے گی۔ اردو زبان کے مختلف فونٹس سٹائل کی آمد کے ساتھ ویب ڈیزائننگ و بلاگنگ کے جسم میں جیسے نئی روح پھونک دی گئی ہے۔
    [​IMG]
    زیادہ تر بلاگرز اس وقت ورڈ پریس استعمال کر رہے ہیں۔ شروع میں اردو محفل والوں نے ورڈ پریس کے لئے ایک عدد اردو ویب پیڈ بنایا ہوا تھا۔ جس کو پلگ ان کے طور پر ورڈ پریس پر انسٹال کر کے ورڈ پریس میں اردو لکھی جا سکتی تھی۔ لیکن جوں جوں ورڈ پریس کی نئی اپ ڈیٹس آئی ہیں تو اس پلگ ان نے کام کرنا چھوڑ دیا ہے۔

    اردو لکھتے ہوئے ویزول اور ایچ ٹی ایم ایل ایڈیٹر میں اردو کا فونٹ مناسب نہیں جس کی وجہ سے اردو لکھنے میں دشواری ہوتی ہے تو اس کے ساتھ ساتھ پروف ریڈنگ میں بھی مسئلہ آتا ہے۔جیسا کہ اوپر تصویر میں دکھایا گیا ہے۔

    تو جناب آج ہم ورڈ پریس کے ایڈیٹر میں اردو فونٹ کو شامل کرتے ہیں اور ساتھ ہی اس ایڈیٹر کو رائیٹ ٹو لیفٹ کر لیتے ہیں۔ تاکہ اردو ٹائپ کرنے میں اور پڑھنے میں آسانی رہے۔

    اس کے لئے سب سے پہلے ہم ایف ٹی پی کے زریعے اپنے ورڈ پریس سی ایم ایس کی درج ذیل ڈائریکٹری میں جائیں گے۔

    wp-includes/js/tinymce/themes/advanced/skins/wp_theme

    اور اس ڈائریکٹری میں موجود فائل content.css کو ہم ڈاون لوڈ کر لیں گے۔
    [​IMG]
    اس کے بعد ڈاون لوڈ کی ہوئی فائل کو ہم کسی ایڈیٹر مثلاً نوٹ پیڈ یا کسی سی ایس ایس ایڈیٹر سافٹ وئیر کی مدد سے اوپن کر لیں گے۔

    تو وہاں آپ کو اس طرح کا کوڈ نظر آئے گا جیسا کہ تصویر میں تصویر دکھایا گیا ہے۔
    کوڈ:
    body.mceContentBody {
            font: 13px/19px Georgia, "Times New Roman", "Bitstream Charter", Times, serif;
            padding: 0.6em;
            margin: 0;
    }
    [​IMG]
    اس کوڈ میں ہم دو طرح کی تبدیلیاں کریں گے سب سے پہلے تو ہم ایڈیٹر کی ڈائریکشن کی رائیٹ ٹو لیفٹ کریں گے اس کے لئے یہ کوڈ ڈالیں گے۔

    direction:rtl

    اس کے بعد اس سے اگلی لائن میں ہم مرضی کے اردو یونیکوڈ فونٹ کو شامل کر دیں گے۔

    font: 15px/19px “Jameel Noori Nastaleeq”, “Alvi Nastaleeq”, Urdu Naskh Asiatype, tahoma

    جیسا کہ اس نیچے والی تصویر میں نظر آرہا ہے۔

    [​IMG]



    اس عمل کو مکمل کرنے کے بعد فائل کو محفوظ کر لیں اور فائل کو دوبارہ اس کی جگہ پر اپ لوڈ کر دیں۔ اور اب جب آپ ایڈیٹر کھولیں گے اور ٹائپ کریں گے تو آپ کے ایڈیٹر کی ڈائریکشن رائیٹ ٹو لیفٹ ہو گی اور اس کے ساتھ فونٹ بھی آپ کی پسند ہو گا۔

    [​IMG]

    سورس: ورڈ پریس ایڈمن ایڈیٹر کی ڈائریکشن اور فونٹ میں تبدیلی کا طریقہ
     
    • پسندیدہ پسندیدہ × 7
  2. باذوق

    باذوق محفلین

    مراسلے:
    1,093
    بہت اچھی ٹپ ہے۔ شکریہ۔
    لیکن اگر ورڈپریس سائیٹ "بائی ڈائرکشنل" ہو تو پھر مشکل پیش آئے گی۔ ایسی صورت میں براہ راست body.mceContentBody میں تبدیلی بہتر نہیں ہوگی۔
     
    • پسندیدہ پسندیدہ × 1

اس صفحے کی تشہیر