ورڈپریس کے لیے اردو اوپن پیڈ پلگ ان!

نبیل نے 'اردو سوفٹویر ریلیز' کی ذیل میں اس موضوع کا آغاز کیا، ‏جنوری 27, 2008

  1. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    السلام علیکم،

    میں ورڈپریس کے لیے اردو اوپن پیڈ پلگ ان ریلیز کر دیا ہے۔ میں نے اس سلسلے میں اردو ویب بلاگ پر ایک پوسٹ لکھی ہے۔ میں اسی کو یہاں پیش کر رہا ہوں۔

    ===============================================================================
    میں نے محفل فورم پر ورڈپریس کا اردو پیکج تیار کرنے کا سلسلہ شروع کیا ہوا جس میں مرحلہ وار ورڈپریس کا اردو پیکج تیار کیا جا رہا ہے۔ اس میں اردو اوپن پیڈ پلگ ان بھی شامل کیا جائے گا۔ میں اسے علیحدہ سے بھی ریلیز کر رہا ہوں تاکہ باقی دوست بھی اسے اپنے بلاگ میں استعمال کر سکیں۔

    ورڈپریس کے اردو اوپن پیڈ پلگ کی بدولت آپ کے بلاگ کے فرنٹ اینڈ اور ایڈمن پینل کے متعدد ایڈٹ ایریاز میں اردو ایڈیٹر انٹگریٹ ہو جاتا ہے۔ اس طرح آپ کو اپنے بلاگ کی تھیم ایڈٹ کرنے کی ضرورت باقی نہیں رہتی۔ اس کے ساتھ ساتھ آپ اپنے بلاگ پر بآسانی اردو ایڈیٹر میں پوسٹس لکھ سکتے ہیں اور یہ ایڈیٹر بلاگ پر تبصرہ کرنے والوں کے لیے بھی مہیا ہو جاتا ہے۔ یہ پلگ ان ذیل کے ربط سے ڈاؤنلوڈ کریں:

    ورڈپریس کا اردو اوپن پیڈ پلگ ان

    ڈاؤنلوڈ کرنے کے بعد اسے ان زپ کریں اور wp-openpad فولڈر کو ورڈپریس کے wp-content\plugins فولڈر میں کاپی کر دیں۔ اس کے بعد ورڈپریس کے ایڈمن سیکشن میں جاکر ذیل کی تصویر کے مطابق اس پلگ ان کو ایکٹیویٹ کر دیں۔

    [​IMG]

    اب آپ جب کوئی نئی پوسٹ لکھنا چاہیں گے تو آپ کو ذیل کی تصویر کی طرح صرف عنوان کی فیلڈ میں اردو ایڈیٹر نظر آئے گا جبکہ پوسٹ کی فیلڈ میں یہ ایڈیٹر موجود نہیں ہوگا۔ اس کی وجہ یہ ہے کہ آپ کی یوزر سیٹنگز میں وزی وگ ایڈیٹر سیٹ ہوا ہوا ہے۔

    [​IMG]


    اگر آپ پوسٹ لکھنے کے لیے اردو ایڈیٹر کا استعمال کرنا چاہتے ہیں تو ایڈمن سیکشن میں اپنی یوزر سیٹنگز ایڈٹ کریں اور ذیل کی تصویر کے مطابق وزی وگ ایڈیٹر کا چیک باکس ختم کر دیں۔

    [​IMG]


    اب آپ جب دوبارہ پوسٹ پیج پر جائیں گے تو آپ کو عنوان کی فیلڈ کے ساتھ ساتھ پوسٹ کی فیلڈ میں بھی اردو ایڈیٹر مل جائے گا جیسا کہ ذیل کی تصویر میں دکھایا گیا ہے۔

    [​IMG]

    اردو اوپن پیڈ پلگ ان کی بدولت ورڈپریس کے فرنٹ اینڈ پر بھی تلاش اور تبصروں کے ایڈٹ ایریاز میں اردو ایڈیٹر دستیاب ہوجاتا ہے جیسا کہ ذیل کی تصویر میں دکھایا گیا ہے۔

    [​IMG]

    اردو اوپن پیڈ پلگ ان کی سیٹنگز میں جا کر مختلف ایڈٹ ایریاز میں اردو ایڈیٹر کو فعال یا غیر فعال کیا جا سکتا ہے جیسے کہ ذیل کی تصویر میں دکھایا گیا ہے۔

    [​IMG]

    اردو اوپن پیڈ پلگ ان ورڈپریس کے تمام ایڈٹ ایریاز کا احاطہ نہیں کرتا ہے۔ اس کی وجہ یہ ہے کہ ورڈپریس سوفٹویر کے hooks تمام ایڈٹ ایریاز کے لیے دستیاب نہیں ہیں۔ میں امید کرتا ہوں کہ اردو اوپن پیڈ کی بدولت ورڈپریس میں اردو ایڈیٹر کا استعمال آسان ہوجائے گا اور اس سے اردو بلاگنگ کو وسعت دینے میں معاونت ملے گی۔ جو دوست ورڈپریس کی تھیمز کے اردو ورژن تیار کرنے پر کام کر رہے ہیں، ان سے گزارش ہے کہ وہ ان تھیمز کی اردو اوپن پیڈ کے ساتھ compatibility کا خیال رکھیں۔
     
    • پسندیدہ پسندیدہ × 5
  2. دوست

    دوست محفلین

    مراسلے:
    12,948
    جھنڈا:
    Germany
    موڈ:
    Fine
    اوپن پیڈ شامل کرنےسے پوسٹ پیج کی آٹو سیو کی سہولت ختم ہوجاتی ہے۔ کلک ٹیگز کا آپشن بھی کام نہیں کرتا۔ ورڈپریس گرنز نامی ایک پلگ ان جو کلک سے سمائلیز شامل کرنے کی سہولت دیتا ہے بھی بے کار ہوجاتا ہے۔ اگرچہ یہ اردو لکھنے کی آسانی کے مقابلے میں کچھ نہیں۔ لیکن صارف کے علم میں یہ ضرور ہونا چاہیے۔
     
    • پسندیدہ پسندیدہ × 1
  3. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    شکریہ شاکر۔ مجھے ان باتوں کا علم نہیں تھا۔ لیکن فی الحال میرے پاس وقت نہیں ہے کہ میں اوپن پیڈ پلگ کی ورڈپریس کمپیٹیبیلیٹی کو درست کرنے پر کام کروں۔ جہاں تک دوسرے پلگ انز کے ساتھ کمپیٹیبلیٹی کا تعلق ہے تو یہ صارف کے اختیار میں ہے کہ وہ کس پلگ کے استعمال کو ترجیح دیتا ہے۔ کسی بھی ڈیویلوپر کے لیے یہ ممکن نہیں ہے کہ وہ تمام تھرڈ پارٹی پلگ انز کے ساتھ کمپیٹیبیلیٹی کا خیال رکھ سکے۔
     
  4. بدتمیز

    بدتمیز محفلین

    مراسلے:
    1,423
    شاکر شائد یہ مسئلہ لینکس پر براؤزر میں ہو مجھے ونڈوز پر فائر فاکس اور انٹرنیٹ ایکسپلورر دونوں‌ براؤزرز میں‌ ایسا کوئی مسئلہ نہیں‌ پیش آیا۔ آٹو سیو، کلک ٹیگز اور ورڈ پریس کے ایموشن والا سب ٹھیک کام کر رہے ہیں۔ ویسے ایموشن والے کا نیا ورژن آیا ہے کیونکہ پہلے والا 3۔2 سے کمپیٹبل نہیں تھا اور دھکے سے چل رہا تھا۔ اس کو ٹرائی کر کے دیکھو۔
     
    • پسندیدہ پسندیدہ × 1
  5. دوست

    دوست محفلین

    مراسلے:
    12,948
    جھنڈا:
    Germany
    موڈ:
    Fine
    شکریہ میں اسے دیکھتا ہوں
    وسلام
     
  6. الف نظامی

    الف نظامی لائبریرین

    مراسلے:
    13,779
    جھنڈا:
    Pakistan
    موڈ:
    Cool
    بہت خوب! اردو بلاگروں کے لیے مزید سہولت۔
     
  7. محمد عویدص عطاری

    محمد عویدص عطاری محفلین

    مراسلے:
    1,086
  8. ماوراء

    ماوراء محفلین

    مراسلے:
    16,399
    ایکسپلورر اور فائر فاکس دونوں میں یہ مسئلہ ہے۔
     
  9. عارف انجم

    عارف انجم محفلین

    مراسلے:
    143
    جھنڈا:
    Pakistan
    اوپن پیڈ پلگ ان میں ایک مسئلہ یہ ہے کہ اردو سے انگریزی میں زبان سوئچ نہیں ہوتی۔ میں بدتمیز اور ماورا کے بلاگ پر دیکھ چکا ہوں۔
    کچھ اضافی سہولتیں بھی ہونی چاہئے تھیں۔ مثلا تبصرے والے خانے کے نیچے اگر ہم آن اسکرین کی بورڈ شامل نہ کرنا چاہئے تو اس کا آپشن ہونا چاہئے۔ اس کے علاوہ ٹیکسٹ باکس یا ٹیکسٹ ایریا کے ساتھ جو ریڈو بٹن آجاتے ہیں اردو اور انگلش کے انہیں ہٹانے کا آپشن بھی ہوتا تو اچھا تھا۔

    پلگ ان بہرحال بہت اچھا اور انٹرنیٹ پر اردو کی ترقی میں ایک اہم سنگ میل ہے۔ نبیل اور آپ کو مبارک ہو۔
     
  10. عارف انجم

    عارف انجم محفلین

    مراسلے:
    143
    جھنڈا:
    Pakistan
    یہ میں‌ نے اردو بلاگ پر پوسٹ کیا تھا۔ بعد میں‌ جائزے پر معلوم ہوا کہ کی بورڈ کے ذریعے تو زبان سوئچ ہو رہی ہے۔ ریڈیو بٹن سے نہیں۔
     
  11. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    شکریہ راحیل۔ میں نے بلاگ پر آپ کا تبصرہ پڑھ لیا تھا۔ میں اس مسئلے کو حل کرنے پر توجہ دوں گا۔
     
  12. حبیب علی

    حبیب علی محفلین

    مراسلے:
    14
    شکریہ Thank you
     
  13. عارف انجم

    عارف انجم محفلین

    مراسلے:
    143
    جھنڈا:
    Pakistan
    نبیل اوپن پیڈ پلگ ان کے بارے میں‌ کچھ اور معلوم ہوا ہے

    میں نے اپنے ذاتی کمپیوٹر پر xampp انسٹال کر رکھا ہے، پلیٹ فارم ونڈوز ایکس پی ہے۔ اس پر میں نے ورڈ پریس ڈالا اور اوپن پیڈ پلگ ان کی جانچ کی۔ یہاں ریڈیو بٹن کی مدد سے زبان سوئچ ہو رہی تھی۔ لیکن میرے بلاگ پر ورڈ پریس کا وہی ورژن انسٹال ہے اور اس پر مسئلہ آرہا ہے۔ زبان سوئچ نہ ہونا پلگ ان کا مسئلہ نہیں‌ لگتا۔

    اس کے علاوہ اوپن پیڈ کی موجودگی میں‌ ajax کمنٹ پوسٹنگ بھی کام نہیں‌ کرتی۔ یہ بھی پلگ ان کا مسئلہ نہیں ۔ میں نے مینوئل طریقے سے اوپن پیڈ کو کمنٹس کے ساتھ شامل کیا تو بھی نتیجہ وہی تھا یعنی ajax پوسٹنگ نہیں‌ ہو رہی تھی۔ غالباَ‌ جاوا اسکرپٹ کے ٹیگز کی وجہ سے گڑ بڑ ہو رہی ہے۔

    اور یہ راحیل کون ہیں؟
     
  14. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    دراصل فورم پر ایک راحیل انجم صاحب بھی ہوتے ہیں، اسی وجہ سے مغالطہ ہو گیا تھا۔ اس کے لیے معذرت۔

    دراصل میں نے یہ پلگ ان کافی عرصہ قبل پہلے لکھا تھا، لیکن اسے ریلیز حال ہی میں کیا ہے۔ اس لیے میں اس پلگ ان کو ایجیکس کے ساتھ ہم آہنگ نہیں کر سکا ہوں۔ اس کام کے لیے کچھ وقت درکار ہوگا جوکہ فی الحال میرے پاس نہیں ہے۔ فی الوقت یہ یوزر کے اختیار میں ہے کہ وہ اردو ایڈیٹر کی سہولت چاہتا ہے یا دوسری سہولیات۔
     
  15. بدتمیز

    بدتمیز محفلین

    مراسلے:
    1,423
    ایک دفعہ پھر عجیب بات ہے۔ میں ہر بلاگ پر ریڈیو بٹن سے سوئچ کر سکتا ہوں اور کی بورڈ سے بھی۔ آپ سب نے کچھ اور بھی کر رکھا ہے جو میں‌نے نہیں کیا جیسے سب نے تھیم کو اردو لوکلائز کیا ہوا ہے۔ کوئی انگلش تھیم لگا کر اس پر دیکھیں۔
     
  16. جےعسج

    جےعسج محفلین

    مراسلے:
    1
    لینکس

    لینکس کی لوکیلیزیشن کے سلسسے میں کون کام کر رہا ہے۔
     
  17. دوست

    دوست محفلین

    مراسلے:
    12,948
    جھنڈا:
    Germany
    موڈ:
    Fine
    بھائی فی الحال تو کوئی کام نہیں‌ کررہا۔ لیکن کرنے کا ارادہ ہے۔ ایکس ایف سی کا اردو ترجمہ ہمارے ایک معزز رکن محمد علی مکی کرچکے ہیں۔ کے ڈی ای اور گنوم پر بھی کام کا ارادہ ہے۔ مسئلہ رضا کاروں‌ کا ہے۔ ہم ٹیم نہیں‌ بنا پائے ابھی تک جو ٹیم ہو یا شاید ابھی ہم میں اوپن سورس کے لیے کام کرنے کی سپرٹ‌ نہیں بن سکی۔
     
  18. باسم

    باسم محفلین

    مراسلے:
    1,767
    جھنڈا:
    Pakistan
    موڈ:
    Festive
    تھیمز کی اردو اوپن پیڈ کے ساتھ compatibility کا خیال رکھنے سے کیا مراد ہے؟
     
  19. نبیل

    نبیل محفلین

    مراسلے:
    16,612
    جھنڈا:
    Germany
    موڈ:
    Depressed
    اس سے مراد یہ ہے کہ یہ چیک کر لیا جائے کہ آیا اس تھیم میں اوپن پیڈ پلگ ان صحیح کام کر رہا ہے یا نہیں۔ اس پلگ ان کے ریلیز ہونے سے پہلے ورڈپریس کی تھیم میں اوپن پیڈ کو مینولی انٹگریٹ کرنا پڑتا تھا۔ اب اس کی ضرورت نہیں رہی ہے۔
     
    • پسندیدہ پسندیدہ × 1
  20. عثمان

    عثمان محفلین

    مراسلے:
    9,627
    موڈ:
    Cheerful
    اردو پیڈ باقی ہر جگہ تو ٹھیک کام کرتا ہے لیکن نئے پوسٹ لکھنے میں ایک چھوٹا سا مسئلہ ہے۔ وہ یہ کہ وہاں ٹائب کرتے وقت کرسر بہت سست روی سے آگے بڑھتا ہے۔ جس وجہ لکھنے میں کچھ کُوفت محسوس ہوتی ہے۔
    کیا یہ شکائت اور لوگوں کو بھی ہے؟ اور کیا اس کا علاج سامنے آیا ہے؟
     
    • پسندیدہ پسندیدہ × 1

اس صفحے کی تشہیر