یاس نگاہ لطف گر اے ساقیء مے خانہ ہو جائے - یاس یگانہ چنگیزی

کاشفی

محفلین
غزل
(یاس)

نگاہ لطف گر اے ساقیء مے خانہ ہو جائے
میں بن جاؤں شرابِ ناب، دل پیمانہ ہو جائے

دلِ مضطر پہ رحم آتا ہے اور ہوتی ہے وحشت بھی
کہیں رسوا نہ کردے اور خود رسوا نہ ہو جائے

کروں ایجاد وہ رنگِ محبت بزم دنیا میں
طریقِ راہ و رسم قیس اک افسانہ ہو جائے

مری مٹی میں اک برقِ تپاں ہے دیکھ کر چلنا
غبارِ راہ میں فتنہ کوئی برپا نہ ہو جائے

بقدرِ وُسعتِ دل اور دنیا خلق کرتا ہوں
مگر ڈر ہے کہ دل اُس سے بھی بے پروا نہ ہو جائے

مرا جینا ہو جینا یاس مرنا ہو مرا مرنا
اگر یہ زندگی صرفِ رہِ میخانہ ہو جائے
 

فاتح

لائبریرین
کروں ایجاد وہ رنگِ محبت بزم دنیا میں
طریقِ راہ و رسم قیس اک افسانہ ہو جائے
واہ کیا خوبصورت انتخاب ہے۔ شکریہ کاشفی صاحب
 

کاشفی

محفلین
غزل
(یاس یگانہ لکھنوی)
نگاہِ لطف گر اے ساقیء مے خانہ ہوجائے
میں بن جاؤں شرابِ ناب، دل پیمانہ ہو جائے
دلِ مضطر پہ رحم آتا ہے اور ہوتی ہے وحشت بھی
کہیں رسوا نہ کردے اور خود رسوا نہ ہوجائے
کروں ایجاد وہ رنگِ محبت بزمِ دنیا میں
طریقِ راہ و رسم قیس اک افسانہ ہوجائے
مری مٹی میں اک برقِ تپاں ہے دیکھ کر چلنا
غبارِ راہ میں فتنہ کوئی برپا نہ ہوجائے
بقدرِ وُسعتِ دل اور دنیا خلق کرتا ہوں
مگر ڈر ہے کہ دل اُس سے بھی بے پروا نہ ہوجائے
مرا جینا ہو جینا یاس مرنا ہو مرا مرنا
اگر یہ زندگی صرفِ رہِ میخانہ ہو جائے
 
Top