نقطہ دار نستعلیق کے مناظر (ان پیج میں اور پرنٹ نکال کر)

ذیشان حیدر

محفلین
السلام علیکم ورحمۃ اللہ وبرکاتہ
نقطہ دار نستعلیق پر ابھی کام ہو رہا ہے میں نے سوچا کہ ساتھیوں سے بھی شیئر کر لوں تاکہ ساتھ کام کرنے والے ساتھیوں کی حوصلہ افزائی بھی ہو جائے۔ امید کرتا ہوں کہ پسند آئے گا۔ والسلام
نقطہ دار نستعلیق کا ان پیج میں منظر
InpageUrduAlphabets.jpg

ان پیج سے لیے گئے پرنٹ کا منظر
UrduAlphabets.jpg
 

نبیل

تکنیکی معاون
ذیشان، آپ نے اپنی ای میل کے روابط پوسٹ کر دیے ہیں۔ یہ یہاں کام نہیں کریں گے۔ ان تصاویر کو کہیں اور اپلوڈ کر کے ان کے روابط یہاں شئیر کر دیں۔
 

نبیل

تکنیکی معاون
شکریہ ذیشان، اب ٹھیک نظر آ رہا ہے۔ اگر ہو سکے تو دو یا تین جوڑ والے ترسیمہ جات کا نمونہ بھی دکھا دیں۔
 

ذیشان حیدر

محفلین
نبیل بھائی ان پر ابھی کام کررہاہوں ایک دو دن میں ایک فائل(فونٹ) تیار ہو جائے گی( انشا ء اللہ تعالیٰ )تو ضرور دکھا دوں گا ۔ میں نے اس پر زور و شور سے کام شروع کررکھا ہے۔ الحمدللہ (اکیلا ہوں کافی وقت طلب کام ہے)
 

دوست

محفلین
سبحان اللہ۔ ایسے ہی نستعلیق کا خواب دیکھا تھا کبھی۔ تحریری نستعلیق۔ یہ نقطہ دار ہے لیکن چلے گا، سادہ بھی ہونا چاہیے۔ نقطوں کے بغیر لیکن خطاطی کے بھی بغیر، سادہ پنسل سے لکھے ہوئے الفاظ۔
 

ذیشان حیدر

محفلین
جی جناب دونوں ہی آپ حضرت کی خدمت میں پیش کر دئیے جائیں گے۔ بلکہ میں چاہتا ہوں کہ جو تصویر میں آپ کو دکھا رہاہوں اس فارمیٹ بھی دستیاب ہو ۔
1.jpg

3.jpg

4.jpg
 

sharfi

محفلین
بھائی ذیشان حیدر صاحب اکیلے ہوتو کیا غم ہے۔
ہمتے مردا مدد خدا۔
کوئی ساتھ ہوچاہے ساتھ نہ ہو، اللہ کا ساتھ کافی ہے۔
آپ کی کاوش کا انتظار رہے گا۔
 

محمدصابر

محفلین
جی جناب دونوں ہی آپ حضرت کی خدمت میں پیش کر دئیے جائیں گے۔ بلکہ میں چاہتا ہوں کہ جو تصویر میں آپ کو دکھا رہاہوں اس فارمیٹ بھی دستیاب ہو ۔
1.jpg

3.jpg

4.jpg

میرے بھائی آپ محنت کر رہے ہیں اللہ تعالی آپ کو جزاء دے بس دہری محنت سے پرہیز کیجئے گا کیونکہ اگر آپ نقطہ دار فونٹ بنا رہے ہیں تو بعد میں آپ کی خواہش ہو گی کہ نقطوں کے بغیر سادہ فونٹ بھی بنے۔جیسے پنسل سے لکھا گیا ہے۔ شاید میں آپ کو یہ بات پہلے بھی اسی فورم پر کہہ چکا ہوں کہ آپ صرف پنسل سے لکھائی جیسا ایک ہی فونٹ بنائیں نقطہ دار افیکٹ کورل یا کسی اور ڈیزاننگ پروگرام میں لگایا جا سکتا ہے۔ اور رہی بات لائنوں کی تو وہ بھی کورل میں لگ سکتی ہیں۔ ویسے بھی قلم کی خطاطی میں قط سے پیمائشیں کی جاتی ہیں اور پنسل میں قط کی پیمائش نہیں ہوتی اس لئے لائنوں کے بارے میں ابھی نہ سوچیں صرف سیدھا سیدھا خط بنائیں۔ اور جیسا کہ تصویر میں نظر آرہا ہے کہ بچوں کو لکھنے کے لئے گرے سکیل میں پرنٹ نکال کر دیا جا سکتا ہے۔
 

رابطہ

محفلین
جنابِ من ، ذی شان اللہ بڑھائے آپ کی شان!
آپ کے ان حروف کو دیکھنے کے بعد الفاظ نہیں ہیں میرے پاس کہ بیان کروں آپ کی ستائش!
اللہ آپ کا حامی و ناصر ہو! آمین
پنسل نستعلیق اور تحریری نستعلیق کے فانٹ کی تخلیق کا سہرا بھی یقیناً آپ ہی کے سر بندھے گا
 

ناصح

محفلین
ماشاءاللہ آپ کافی محنت کر رہے ہیں
ذیشان بھائی ہمیں یہ فونٹ کب دستیاب ہوگا۔ ہمیں شدت سے انتظارہے
 

ذیشان حیدر

محفلین
السلام علیکم ورحمۃ اللہ وبرکاتہ
نبیل بھائی نے خواہش ظاہر کی تھی کہ دو حرفی یا سہہ حرفی نقطہ دار یا پنسل نستعلیق کے نمونہ جات ظاہر کروں تو جناب حاضر خدمت ہیں دو حرفی نقطہ دار اور پنسل نستعلیق کے نمونہ جات
Urdu1.jpg
]
Urdu2.jpg
 

محمدصابر

محفلین
زیشان حیدر
فونٹ پر آپ کی محنت قابل قدر ہے لیکن آپ شاید علوی یا جمیل نستعلیق کے لیگیچرز کے وسط میں موجود لائن کو پکڑ کر کام کر رہے ہیں۔ جس سے اس فونٹ کے لیگیچرز میں خواہ مخواہ کے خم پیدا ہو رہے ہیں۔ جیسے محفل کا ل اُوپر سے ٹیڑھا ہے ۔ ایک لیگیچر کو محفوظ کرتے وقت اگر آپ تھوڑا سی تدوین مزید کر لیں تو بہتر ہو گا۔ اور لیگیچر کے سرے بھی گول ہوجائے تو کیا ہی بات ہے!
 

ذیشان حیدر

محفلین
السلام علیکم محمد صابر صاحب
جی سرے گول ہی ہوں گے ۔ دراصل اوپر جو خم ہے وہ قلم کا خم ہے اگر ہم ختم کر دیں گے تو کٹے پن والی شکل نہیں بن پائے گی۔ جب خطاط ہاتھ سے لکھتا ہے تو اسی طرح خم دیتا ہے۔ اس پر ہماری کافی بحث ہوئی ہے اور خطاط اور کاتبین حضرات سے بھی مشورہ سے یہ طے ہوا ہے کہ خم دیا جائے ورنہ کٹے پن کی شکل نہیں بن پائے گی ۔
 

محمدصابر

محفلین
میں کاتب یا خطاط دونوں میں سے کچھ نہیں ہوں لیکن میری رائے میں اگر کٹے پین یا قلم کی خطاطی سکھانی ہے تو پھر موجودہ نستعلیق فونٹس آپ کی ضروریات پوری کرتے ہیں۔ لیکن اگر پنسل سے سکھانا ہے تو صرف پنسل کو ذہن میں رکھ کر فونٹ بنائیں اور غیر ضروری خم بھی ختم کردیں۔ باقی یہاں کے ماہر حضرات سے بھی رائے مطلوب ہے۔
 

ذیشان حیدر

محفلین
جی حضرت آپ کے حکم کی تعمیل ہوگی بغیر خم کے بھی فونٹ تشکیل دے دیا جائے گا حضرات جو فونٹ استعمال کرنا چاہیں کرسکیں گے۔ مطلب یہ فونٹس تین اشکال میں دستیاب ہوں گے۔ میں اس بارے میں اپنے ساتھی حضرات سے بات کروں گا کہ تینوں اشکال ایک ساتھ ہی بنا لی جائیں۔
 
زیشان حیدر
فونٹ پر آپ کی محنت قابل قدر ہے لیکن آپ شاید علوی یا جمیل نستعلیق کے لیگیچرز کے وسط میں موجود لائن کو پکڑ کر کام کر رہے ہیں۔ جس سے اس فونٹ کے لیگیچرز میں خواہ مخواہ کے خم پیدا ہو رہے ہیں۔ جیسے محفل کا ل اُوپر سے ٹیڑھا ہے ۔ ایک لیگیچر کو محفوظ کرتے وقت اگر آپ تھوڑا سی تدوین مزید کر لیں تو بہتر ہو گا۔ اور لیگیچر کے سرے بھی گول ہوجائے تو کیا ہی بات ہے!

السلام علیکم ورحمۃ اللہ وبرکاتہ
صابر بھائی! آپ نے اردو کے ‘‘الف’’ اور پنسل کے ‘‘لام’’ کے خم کی طرف توجہ دلائی ہے کہ مذکورہ خم تحریر کی خوب صورتی کو بگاڑ رہا ہے اور اگر یہ خم ختم ہوجائے تو تحریر میں مزید نکھار پیدا ہوجائے۔
اس سلسلہ میں عرض ہے کہ ہم پنسل فونٹ نستعلیق خط کو ہی بنیاد بناکر تشکیل دے رہے ہیں جس میں یہ خم بہت اہمیت رکھتا ہے۔ علاوہ ازیں کام شروع کرنے سے پہلے ہم نے کاتبوں کی تحاریر کا بھی بغور مطالعہ کیا اور یہ خط بنانے سے پہلے کئی کاتبین سے پنسل سے تحریر لکھوائی، (انہوں نے پنسل سے بھی تحریر لکھتے ہوئے ہراس جگہ جہاں خم آنا چاہیے تھا، خم دیا) احقر خود بھی کتابت کے اسراز ورموز سے تھوڑی بہت واقفیت رکھتا ہے اور اس سلسلہ میں کئی ماہر اساتذہ کی خدمت میں زانوئے تلمذ تہہ کیے ہیں اور ان سے کافی اصلاح بھی لی ہے۔ تیسرے یہ کہ پنسل فونٹ بنانے سے پہلے ہم نے محترم جناب شاکر القادری صاحب سے بھی پنسل فونٹ بنانے میں درپیش مشکلات اور کئی اشکالات کا تذکرہ کیا تھا اور دیگر اُمور کے ساتھ ساتھ اس خم پر بھی کافی گفتگو ہوئی تھی، ان کا بھی یہی فرمانا تھا کہ خم برقرار رہنا چاہیے۔ جہاں تک الف اور لام کے خم کا نظروں کو اچھا نہ لگنے کا سوال ہے تو اس کی دو تین وجوہات ہیں۔ پہلی بات تو یہ کہ یہاں صرف دو الفاظ پیش کیے گئے ہیں جن میں خم بہت واضح طور پر محسوس ہورہا ہے، جب اس فونٹ میں پورا پیرا گراف دیکھیں گے تب یہ محسوس نہیں ہوگا۔ دوسرے یہ کہ یہ الفاظ محفل کے اراکین کے ملاحظہ کی خاطر بہت بڑے کرکے دکھائے گئے ہیں جبکہ پنسل یا نقطہ دار فونٹ ایک خاص پوائنٹ تک ہی بڑے لکھے جاتے ہیں جہاں وہ ضرورت سے زیادہ بڑے ہوئے، وہیں اس کی خوب صورتی مرجاتی ہے۔ جب یہ فونٹ مکمل شکل میں فراہم کیا جائے گا اور اس فونٹ میں پورے پورے جملے اور پیرا گراف لکھے جائیں گے اور اس کا سائز بھی ایک خاص حد تک بڑا ہوگا (مثلاً 18 سے 20 پوائنٹ تک) تب یہ خم چھپ جائے گا بلکہ یہ تحریر میں مزید خوب صورتی کا سبب بنے گا۔ جہاں تک سروں کے گول ہونے کی بات ہے، وہ انشاء اللہ ضرور گول ہوں گے۔ بس تھوڑا سا انتظار فرمائیں، انشاء اللہ جلد ہی یہ فونٹ آپ کے ہاتھوں سوری کمپیوٹر میں ہوگا۔
آپ تمام احباب سے درخواست ہے کہ ہمارے لیے دعا فرمائیں کہ اللہ رب العزت ہمیں اس کام کو پایہ تکمیل تک پہنچانے کی ہمت عطا فرمائیں اور اس کام میں درپیش مشکلات کو اپنے فضل وکرم سے دور فرمائیں۔ آمین
 
Top