نظم ۔۔۔آنگن۔۔۔از محمد احمدؔ

محمداحمد نے 'آپ کی شاعری (پابندِ بحور شاعری)' کی ذیل میں اس موضوع کا آغاز کیا، ‏جنوری 25, 2021

  1. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    آنگن

    یہ میرا گھر ہے
    یہ میرا کمرہ کہ جس میں بیٹھا
    میں اپنے آنگن کو دیکھتا ہوں
    کشادہ آنگن کہ جس میں مٹی کی سُرخ
    اینٹیں بچھی ہوئی ہیں
    کیاریوں میں سجیلے گُل ہیں
    حسین بیلیں قطار اندر قطار دیوار پر چڑھی ہیں
    بسیط آنگن کے ایک کونے میں اک شجر ہے
    شجر کے پتے ہوا کے ہمراہ جھومتے ہیں
    میں اپنے کمرے سے دیکھتا ہوں
    کہ میرے بچے شجر کے اطراف
    اپنے ہمجولیوں کے ہمراہ گھومتے ہیں
    عجب مُسرت سے اُن کی آنکھیں دمک رہی ہیں
    اور اُن کے چہرے خوشی سے پیہم چمک رہے ہیں
    ہوا میں نکہت ہے اور شجر پر
    پرندے بیٹھے چہک رہے ہیں
    اِک ایسا منظر کہ جس کی ضو سے
    چمک رہا ہے مرا بھی چہرہ
    سکوں کا احساس ہے فزوں تر
    خوشی کا ہر رنگ، ہر تاثر
    ہر ایک پل ہو رہا ہے گہرا
    میں سوچتا ہوں کہ اس مسرت سے بڑھ کے کوئی خوشی نہیں ہے
    جہاں کا سب سے حسین منظر
    یہاں نہیں تو کہیں نہیں ہے

    مگر یکایک!
    مگر یکا یک! یہ سارا منظر ہوا میں تحلیل ہو گیا ہے
    میں اپنے بستر پہ ہوں، کوئی ہے
    جو مجھ کو پیہم پکارتا ہے
    میں دیکھتا ہوں کہ میرے بچے
    مجھے مسلسل ہلا رہے ہیں، جگا رہے ہیں
    میں اُٹھ کے بیٹھا ہوں اپنی آنکھوں کو مل رہا ہوں
    میں دیکھتا ہوں
    میں دیکھتا ہوں کہ اب وہ آنگن نہ وہ شجر ہے
    طیور ہی ہیں نہ تو ہواؤں کی رہگزر ہے
    میں دیکھتا ہوں کہ میرے آنگن پہ چھت پڑی ہے
    کہیں سے آنگن میں ایک دیوار آ گڑی ہے
    میں دیکھتا ہوں، کشادہ آنگن جو تھا کبھی اب
    وہ تِیرہ کمروں میں بٹ گیا ہے
    اُجالوں جیسا تھا خواب میرا جو
    تیرہ بختی سے اَٹ گیا ہے
    میں دیکھتا ہوں کہ میرے بچے
    مجھے جگاتے ہیں ،
    پارک چلنے کا کہہ رہے ہیں
    میں سوچتا ہوں!
    میں سوچتا ہوں کہ اُن کو کیسے بتاؤں آخر
    کہ پارک جو تھا
    وہ زرپرستوں کی حرص کی نذر ہو چکا ہے
    وہاں پہ اب اِک پلازہ تعمیر ہو رہا ہے

    محمد احمد ؔ
     
    • پسندیدہ پسندیدہ × 6
    • زبردست زبردست × 6
  2. محمّد احسن سمیع :راحل:

    محمّد احسن سمیع :راحل: محفلین

    مراسلے:
    1,880
    جھنڈا:
    Pakistan
    موڈ:
    Confused
    زبردست احمد بھائی ۔۔۔ خوب رواں نظم، اور عمدہ منظر کشی ہے ۔۔۔ گنجان شہروں میں رہنے والوں کا المیہ بہترین انداز میں بیان کیا ہے آپ نے۔

    محض اپنی معلومات کے لیے پوچھ رہا ہوں کہ آپ نے پارک کو پرک یا پاک کیوں باندھا ہے؟
     
    • دوستانہ دوستانہ × 2
  3. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بہت شکریہ سمیع بھائی! آپ کا تبصرہ پڑھ کر بہت حوصلہ ملا! حوصلہ افزائی کے لئے بے حد ممنو ن ہوں۔

    پہلی بار آپ کا نام لیا ہے ۔ اب تک سمجھ نہ آیا کہ آپ کو احسن کہوں، سمیع کہوں یا راحل کہوں؟ :)

    جہاں تک بات ہے park کی ۔ تو میں نے اسے کم و بیش پاک کے قریب قریب باندھا ہے۔ شاید اس لئے کہ میں اس کی ادائیگی اسی طرح کرتا ہوں۔
    دراصل برطانوی انگریزی میں اس قسم کا r کم و بیش خاموش سا ہوتا ہے۔ اور اسکی بہت خفیف سے آواز ہوتی ہے۔ جیسے
    learn
    start
    cart
    وغیرہ میں۔
    کچھ تفصیل آپ یہاں دیکھ سکتے ہیں ۔
     
    • معلوماتی معلوماتی × 2
  4. محمّد احسن سمیع :راحل:

    محمّد احسن سمیع :راحل: محفلین

    مراسلے:
    1,880
    جھنڈا:
    Pakistan
    موڈ:
    Confused
    بہت سال پہلے، شاید یونیورسٹی کا تیسرا سال تھا، میں ایک طلبہ مشاعرے میں شریک تھا جس کی نظامت جناب ضیاءالحق قاسمی مرحوم کر رہے تھے۔ میری باری آئی تو انہوں نے نام پکار کہ اب آئیں گے محمد احسن سمیع راحلؔ۔ میں اسٹیج پر پہنچا تو فرمانے لگے کہ چاروں آگئے ہیں یا ابھی کوئی باقی ہے :)
    ویسے میرا نام تو احسن ہے، سمیع میرے والد صاحب ہیں ۔۔۔ لیکن اسکول سے لے کر دفتر تک زیادہ تر نے سمیع کہہ کر ہی مخاطف کیا ہے۔ سوڈان پہنچا تو بالکل ہی الگ واقعہ ہوا کہ ہر کوئی مجھے محمد کہہ کر بلاتا تھا ۔۔۔ کہ عرب میں نام رکھنے کی ترتیب ہمارے یہاں سے کافی مختلف ہے :)
     
    • دوستانہ دوستانہ × 2
    • پر مزاح پر مزاح × 1
  5. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    :):)

    آپ کا نام دیکھ کر اولین خیال ہمیں بھی اسی قسم کا آیا تھا۔
    درست! یعنی ہمیں احسن بھائی کہنا چاہیے تھا! :)
     
    • دوستانہ دوستانہ × 1
  6. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    ہائے اللہ!
    اتنی پیاری۔۔ اتنی خوبصووووورت نظم ۔
    اس قدر خوبصووووورت منظر کشی!
    میں نے ایسی نظم پہلے نہیں پڑھی۔ اس قدر بڑے مسئلہ کو نظم میں بیان کرنا اور وہ بھی اتنے خوبصورت انداز میں۔
    زبردست پہ ڈھیروں زبریں۔
    داد کے لیے الفاظ نہیں ہیں۔
     
    • دوستانہ دوستانہ × 2
    • پسندیدہ پسندیدہ × 1
  7. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    ٹیگ کیوں نہیں کیا؟
    بہت بری بات ہے۔
    شاباش نہیں ملے گی اب۔:)
     
    • دوستانہ دوستانہ × 1
    • پر مزاح پر مزاح × 1
  8. جاسمن

    جاسمن مدیر

    مراسلے:
    15,013
    جھنڈا:
    Pakistan
    موڈ:
    Fine
    جو بھی اچھی نظم پڑھتی ہوں، مجھے لگتا ہے یہ میں نے کہی ہے۔
    بس یہ بھی میری کہی ہوئی ہے۔:)
     
    • پسندیدہ پسندیدہ × 2
    • پر مزاح پر مزاح × 1
    • متفق متفق × 1
  9. محمد تابش صدیقی

    محمد تابش صدیقی منتظم

    مراسلے:
    26,360
    جھنڈا:
    Pakistan
    موڈ:
    Breezy
    لاجواب احمد بھائی۔
    بہت عمدہ نظم
     
    • دوستانہ دوستانہ × 1
  10. ظہیراحمدظہیر

    ظہیراحمدظہیر محفلین

    مراسلے:
    3,746
    جھنڈا:
    Pakistan
    موڈ:
    Busy
    واہ! بہت اعلیٰ ، بہت خوب احمد بھائی !
    اچھی نظم ہے ، اچھی بنت ہے ۔ بہت داد آپ کے لئے۔

    آپ کی یہ نظم پڑھ کر ایک پرانی غزل کا شعر یاد آگیا ۔

    وسعتیں دیتا ہے کتنی مرے چھوٹے گھر کو
    دل میں آباد ہے اب تک جو خیالی آنگن
     
    • پسندیدہ پسندیدہ × 3
    • زبردست زبردست × 3
  11. محمّد احسن سمیع :راحل:

    محمّد احسن سمیع :راحل: محفلین

    مراسلے:
    1,880
    جھنڈا:
    Pakistan
    موڈ:
    Confused
    آہا!!!! اسے کہتے ہیں کوزے میں دریا بند کرنا!
    زبردست
     
    • دوستانہ دوستانہ × 2
    • متفق متفق × 1
  12. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بہت بہت شکریہ!

    اس قدر حوصلہ افزائی سے سیروں خون بڑھ گیا ہمارا۔ :)
    اپنی تحریروں میں میری کوشش ہوتی ہے کہ کسی کو ٹیگ نہ کروں مبادا احباب کو زبردستی داد دینی پڑے۔ :)

    ہمارا بھی یہی حا ل ہے اور ہم بھی جگہ جگہ غالب کا یہ مصرع چپکاتے رہتے ہیں۔

    میں نے یہ جانا کہ گویا یہ بھی میرے دل میں تھا

    :)
     
    • پسندیدہ پسندیدہ × 1
    • دوستانہ دوستانہ × 1
  13. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بہت شکریہ تابش بھائی!

    آپ کی حوصلہ افزائی ہمیشہ مشعلِ راہ کا کام کرتی ہے۔
     
  14. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    بہت بہت شکریہ ظہیر بھائی!

    آپ کی طرف سے ملنے والی داد کسی نعمت سے کم نہیں! :)
     
    • دوستانہ دوستانہ × 1
    • متفق متفق × 1
  15. محمداحمد

    محمداحمد لائبریرین

    مراسلے:
    23,101
    جھنڈا:
    Pakistan
    موڈ:
    Amazed
    کیا کہنے ! لاجواب!
     
    • دوستانہ دوستانہ × 1
  16. سیما علی

    سیما علی لائبریرین

    مراسلے:
    16,815
    جھنڈا:
    Pakistan
    موڈ:
    Cool
    بہت اعلیٰ !
    ڈھیر ساری دعائیں سلامت رہیے !!!!
     
    • دوستانہ دوستانہ × 1
  17. مقدس

    مقدس لائبریرین

    مراسلے:
    29,062
    جھنڈا:
    England
    موڈ:
    Tired
    احمد بھیا آپ نے باز نہیں آنا :nottalking:
     
    • دوستانہ دوستانہ × 2
  18. سیما علی

    سیما علی لائبریرین

    مراسلے:
    16,815
    جھنڈا:
    Pakistan
    موڈ:
    Cool
    :):):):)
    مقدس بٹیا کیسی ہیں اور کہاں مصروف؟؟؟؟؟
     
  19. مقدس

    مقدس لائبریرین

    مراسلے:
    29,062
    جھنڈا:
    England
    موڈ:
    Tired
    الحمداللہ اپیا میں ٹھیک ہوں، آپ کیسی ہیں
    آجکل بس جاب اور گھرداری میں مصروفیت چل رہی تو یہاں ٹائم نہیں دے پاتی
     
    • دوستانہ دوستانہ × 1
  20. سیما علی

    سیما علی لائبریرین

    مراسلے:
    16,815
    جھنڈا:
    Pakistan
    موڈ:
    Cool
    جیتی رہیے بہت ساری دعائیں !!!!
    جاب اور گھر داری تو ہے بٹیا First Priority :in-love::in-love::in-love::in-love::in-love:
     
    • متفق متفق × 1

اس صفحے کی تشہیر