1. احباب کو اردو ویب کے سالانہ اخراجات کی مد میں تعاون کی دعوت دی جاتی ہے۔ مزید تفصیلات ملاحظہ فرمائیں!

    ہدف: $500
    $453.00
    اعلان ختم کریں

نظر لکھنوی نظم: جنگِ ستمبر 1965ء ٭ نظرؔ لکھنوی

محمد تابش صدیقی نے 'پسندیدہ کلام' کی ذیل میں اس موضوع کا آغاز کیا، ‏ستمبر 6, 2018

  1. محمد تابش صدیقی

    محمد تابش صدیقی منتظم

    مراسلے:
    23,908
    جھنڈا:
    Pakistan
    موڈ:
    Breezy
    وہ موسمِ گرما، وہ شبِ ماہِ ستمبر
    دشمن کے خطرناک عزائم کا وہ منظر
    جب سرحدِ لاہور میں در آئے تھے چھپ کر
    مکار و جفا کار و سیہ کار و ستمگر

    سب بسترِ راحت سے ہم آغوش پڑے تھے
    دن بھر کے تھکے خواب میں مدہوش پڑے تھے
    مہتاب جبیں گھر میں ردا پوش پڑے تھے
    طفلانِ حسیں گود میں خاموش پڑے تھے

    ناگاہ فضا میں تھے جگر دوز دھماکے
    دشمن کے ہوا باز تھے شانوں پہ ہوا کے
    تھے شعلہ فشاں پردۂ تاریک فضا کے
    گھبرا کے اٹھے لوگ مرے شہرِ وفا کے

    بد بختیِ روباہ کہ شیروں کو جگایا
    کج فہمیِ کنجشک کہ بازوں کے جگایا
    زاغوں کی سفاہت کے عقابوں کو جگایا
    کفار نے اللہ کے بندوں کو جگایا

    ہر فوج لے آئے تھے وہ میدانِ وغا میں
    برّی تھی زمیں پر تو فضائی تھی ہوا میں
    توپوں کی گرج بم کے دھماکے تھے فضا میں
    گھیرا تھا مرے شہر کو گردابِ بلا میں

    فی الفور اٹھے دیکھ کے یہ فتنہ طرازی
    یہ پیروِ اسلام یہ اللہ کے غازی
    جنگاہ میں جا پہنچے غلامانِ حجازی
    جا پہنچے لگانے کے لئے جان کی بازی

    جھپٹے صفتِ شیر صفِ دشمنِ دیں پر
    کڑکے صفتِ برق فضاؤں میں زمیں پر
    گرجے صفتِ رعد جگر پاش کہیں پر
    دشمن تھے جہاں کشتوں کے پشتے تھے وہیں پر

    دشمن کی ہر اک ضرب ہر اک وار تھا خالی
    تھے سارے زمیں بوس محل ان کے خیالی
    تھے موت کے چنگل میں تو یہ راہ نکالی
    تھا امن طلب ہم سے اماں کا تھا سوالی

    ہم شورشِ دشمن کے لئے صرصر و طوفاں
    ہم صلح کے خواہاں کے لئے امن بہ داماں
    ہم تابعِ فرمانِ نبیؐ تابعِ قرآں
    یہ شانِ مسلماں ہے یہی شیوۂ ایماں

    آخر کو چھٹیں جنگ کی تاریک گھٹائیں
    ضو پاش ہوئیں نور سے محروم فضائیں
    چلنے لگیں پھر امن کی معصوم ہوائیں
    آنے لگیں ہر سو سے طرب خیز صدائیں

    گلشن نظرؔ اپنا یونہی آباد رہے گا
    بد خواہ جو اس کا ہے وہ برباد رہے گا
    واللہ کہ یہ ملکِ خداداد رہے گا
    آزاد تھا آزاد ہے آزاد رہے گا

    ٭٭٭
    محمد عبد الحمید صدیقی نظرؔ لکھنوی
     
    • پسندیدہ پسندیدہ × 4
    • زبردست زبردست × 3
  2. محمد تابش صدیقی

    محمد تابش صدیقی منتظم

    مراسلے:
    23,908
    جھنڈا:
    Pakistan
    موڈ:
    Breezy
  3. الف نظامی

    الف نظامی لائبریرین

    مراسلے:
    13,929
    جھنڈا:
    Pakistan
    موڈ:
    Cool
    گلشن نظرؔ اپنا یونہی آباد رہے گا
    بد خواہ جو اس کا ہے وہ برباد رہے گا
    واللہ کہ یہ ملکِ خداداد رہے گا
    آزاد تھا آزاد ہے آزاد رہے گا
     
    • دوستانہ دوستانہ × 1
  4. ظہیراحمدظہیر

    ظہیراحمدظہیر محفلین

    مراسلے:
    2,272
    جھنڈا:
    Pakistan
    موڈ:
    Busy
    گلشن نظرؔ اپنا یونہی آباد رہے گا
    بد خواہ جو اس کا ہے وہ برباد رہے گا
    واللہ کہ یہ ملکِ خدا داد رہے گا
    آزاد تھا آزاد ہے آزاد رہے گا

    آمین یارب!
     
    • دوستانہ دوستانہ × 1
    • متفق متفق × 1

اس صفحے کی تشہیر