درست ہے لیکن آزاد نظم نے پندرہ بیس سالوں میں اپنے آپ کو منوا لیا تھا، سب اس کے قائل ہو گئے تھے۔ نثم پچھلے پندرہ بیس سالوں بلکہ زیادہ عرصے میں وہیں ہے جہاں تھی۔
واقعی اگر اسے نثم کہا جائے تو شاید سارے اختلافات رفع ہوجائیں
ہمارے ایک دوست تھے اس محفل کے، میم میم مغل (مغزل) صاحب، خوبصورت شاعری کرتے ہیں، وہ اسے نثم کہتے تھے اور اس سے شوق بھی فرماتے تھے، صیغہ ماضی اس لیے کہ کافی عرصے سے کراچی میں کہیں کھوئے گئے ہیںواقعی اگر اسے نثم کہا جائے تو شاید سارے اختلافات رفع ہوجائیں
جیسا کے اوپر موسیقی والی مثال دی گئی ہے یہ بات درست ہے کہ شاعری جو لے میں ہو وہی روح کو بھاتی ہے۔ پیر نصیر الدین نصیر صاحب فرماتے ہیں کہ
مجھے یہاں اپنے مرشد کا جملہ یاد آ رہا ہے، کہ "ہادی و مرشد وہ ہے جو زمانے کو ساتھ لے کر چلے نہ زمانے کے پیچھے چل پڑے" زمانے کی ریت روایت بدلنے سے لازم تو نہیں کہ ہر رنگ ڈھنگ ہی بدل دیا جائے۔ ضروری تبدیلی ناگزیر ہوتی ہے- مگر سوشل میڈیا کی بھرمار کے اس دور میں دیکھیں تو مجھے اپنی ذاتی حیثیت میں تو کم از کم شدید کوفت ہوتی ہے جب بے تکی اور آہنگ سے خالی شاعری پڑھنے کو ملتی ہے۔ آپ جہاں کا حوالہ دے رہے ہیں وہاں کے ادب کا حال بھی دیکھ لیجیے(موجودہ دور میں) اور ادب محض فنون تک نہیں رہتا، یہ روحیں سنوارتا ہے۔ اگر بے لاگ (بے لگام) شاعری ہونا شروع ہوگئی تو اساتذہ فن کا مذاق اڑایا جائے گا۔ جو کہ ادب (فن) اور ادب (آداب) کے خلاف ہے۔ جس کے نتائج میں بے راہ روی ہیجان اور مادر پدر آزادی جنم لیتی ہے۔ صوفیاء نے اس خطے میں اچھی شاعری اور موسیقی ہی سے مذہب کو بھی پروان چڑھا اور امن و محبت اور اخلاص کا پیغام بھی عام کیا جوادب و فن کا خاصہ اور مقصد ہے۔ نکتہ یہ ہے اسے ہضم کرنے میں کوئی مضائقہ نہیں لیکن اسے کسی اصول و قاعدے کا پابند تو کریں۔ اس کی سمت متعین کرتے ہوئے اسے کوئی نام تو دیں۔
دیکھیے مجھے کسی کی نثری شاعری کرنے پر کوئی اعتراض نہیں ہے، شوق سے کریں۔ میں اوپر لکھ چکا کہ ہمارے ایک بہت اچھے دوست بھی کرتے ہیں۔ لیکن اگر کوئی میری رائے پوچھے گا تو پھر میں وہی عرض کرونگا جو کر رہا ہوں۔
ہم کیوں یہ سمجھتے ہیں کہ اگر ہم نثری شاعری شروع کر دیں گے، تو افریقہ کا قبائلی اپنے مقامی ساز کی دھن پر ہمارے شاعری گانے لگے گا یا عرب کا بدو حدی خوانی میں ہماری نثری شاعری کے عربی ترجمے گائے گا، ہم کیوں سمجھتے ہیں کہ ہماری نثری شاعری کے ترجمے یورپ کے پب میں بیٹھا کوئی گورا بیئر ہاتھ میں پکڑے کسی ہمنشیں کو سنائے گا؟ یہ ایک ایسی دلیل ہے جو فقط سراب ہے کہ نثری شاعری سے ہماری شاعری عالمی شاعری ہو جائے گی۔
سر اس بالقصد شعر کہنے والے فارمولے پر اگر غور کیا جائے تو ایک انتہائی گستاخانہ سوال ذہن میں اٹھتا ہے کہ "کیا وہ موزوں کلمات خدا سے غیر ارادی طور پر سرزد ہوئے،کیا خدا سے بلا ارادہ بھی کچھ اعمال سر زد ہوتے ہیں "
آپ نے شاید شعر کی اس تعریف کو اور بالخصوص دوسرے جملے میں موجود اس کی وضاحت کو غور سے نہیں پڑھا۔
بات محض قصد کی نہیں ہے بلکہ خاص شعر گوئی کے قصد کا مذکور ہے۔ ورنہ قصد تو ہر کام میں کسی نہ کسی صورت میں موجود ہے۔ اللہ تعالیٰ نے قرآنِ حکیم کو شاعری کے ارادے سے ہرگز نازل نہیں فرمایا۔ مگر شعرا جب شعر کہتے ہیں تو ان کی نیت شاعری ہی کی ہوتی ہے۔
ہمیں تو آپ کی جلدبازیاں زیادہ خطرناک معلوم ہو رہی ہیں۔
اللہ تعالیٰ نے قرآنِ حکیم کو شاعری کے ارادے سے ہرگز نازل نہیں فرمایا[/QUOTE
اس پر کچھ بحث شمس الرحمن فاروقی نے اپنی کتاب " آہنگ اور عروض" میں کی ہے لیکن کسی حتمی نتیجے تک نہیں پہنچ سکا۔ یوں بھی شمس الرحمن کا ذہنی توازن درست معلوم نہیں ہوتا کہ وہ اس عہد میں شعرِ شور انگیز کے نام سے 4 ضخیم جلدین میر کی تفہیم پر مرتب کرتا ہے جبکہ میر کے شعری محاورے کو یکسر مسترد کیا جا چکا ہے
- جہاں تک شعر گوئی کے ارادے کی بات ہے تو اس ضمن میں جوش ملیح آبادی نے کا اشارہ بیحد لطیف ہے کہ "میں نے کوئی شعر ارادتاََ نہیں کہا "
کیا ہم جوش کے کلام کو شاعری ماننے سے انکار کر سکتے ہیں ؟ اگر ہاں تو پھر میں آپ سے متفق ہوں
فاروقی صاحب کی مذکورہ کتاب میں اس بارے میں چند جملے ضرور موجود ہیں، لیکن کوئی باقاعدہ بحث نہیں ہے۔ جو جملے فاروقی صاحب نے لکھے ہیں، وہ آپ پہلے ہی paraphrase کر چکے ہیں۔
راحیل فاروق نے ایک اور لڑی میں کافی سنجیدگی سے میراور غالب کو مسترد کیا تھا (جس پر بات ہونی چاہیے تھی)، لیکن بظاہر ایسا لگتا ہے آپ میر کو مسترد کرنے میں اُتنے سنجیدہ نہیں ہیں۔یوں بھی شمس الرحمن کا ذہنی توازن درست معلوم نہیں ہوتا کہ وہ اس عہد میں شعرِ شور انگیز کے نام سے 4 ضخیم جلدین میر کی تفہیم پر مرتب کرتا ہے جبکہ میر کے شعری محاورے کو یکسر مسترد کیا جا چکا ہے
اس لڑی کی ایک عجیب بات یہ ہے کہ اس میں دورانِ گفتگو بہت ساری assertions کی گئی ہیں، جن کو کافی حد تک مِن و عَن تسلیم کر کیا گیا ہے۔ ممکن ہے آپ درست کہہ رہے ہوں، لیکن میں جاننا چاہوں گا کہ آپ کن بڑے نقادوں اور نامور شعراء کی بات کررہے ہیں۔
محترم طالب سحر! آپ نے بہت اچھے انداز میں اس مکالمے کو آگے بڑھانے کی کوشش کی ہے جو بجائے خود قابل ستائش ہے۔ آپ درج ذیل شعراء کو نامور شعراء یا نقادوں میں شامل نہ فرمائیں تو الگ معاملہ ہے تاہم آپ کے حکم پر سردست یہ ابتدائی فہرست حاضر ہے۔ شعراء میں احمد ہمیش، قمر جمیل، انیس ناگی، رئیس فروغ، آذر حفیظ، ثروت حسین، عذرا عباس، حفیظ صدیقی، نسرین انجم بھٹی، شائستہ حبیب، افتخار عارف، سعادت سعید، تبسم کاشمیری، اقبال فہیم جوزی، مبارک احمد، فاطمہ حسن، کشور ناہید، عارف عبدالمتین، صفیہ ادیب، عباس اطہر شامل ہیں جب کہ نقادوں کی فہرست میں بھی زیادہ تر ان اصحاب کے نام ہی آتے ہیں تاہم اہم نقادوں میں انیس ناگی، سرمد صہبائی، مخدوم منور،سجاد باقر رضوی،قمر جمیل، فخر الحق نوری، نصیر احمد نصیر اور عارف عبدالمتین شامل ہیں۔ واضح رہے کہ یہ وہ نام ہیں جو اس وقت میرے ذہن میں ہیں اور بہت ممکن ہے کہ اس فہرست میں کئی اہم نام درج ہونے سے رہ گئے ہوں۔ سلامت رہیں!
