میرے والد صاحب سید خورشید علی ضیاء عزیزی جے پوری کی ایک غزل احباب کے لیے۔ضیائے خورشید سے انتخاب۔احساں بدوش اک مجھے انجان کر گیا

[سید عاطف علی]

میرے والد صاحب سید خورشید علی ضیاء عزیزی جے پوری کی ایک غزل احباب کے لیے۔ضیائے خورشید سے انتخاب۔
افسوس کہ مکمل غزل میسر نہ آ سکی۔


احساں بدوش اک مجھے انجان کر گیا
آئینہ ءِ نگاہ کو حیران کر گیا

میں شہرِ دوستی ہوں مرے دوستو مجھے
آباد کر گیا کوئی ویران کر گیا

دل کی جراحتیں جو کبھی مندمل ہوئیں
وہ مبتلائے حسرت و ارمان کر گیا

سید خورشید علی ضیاء عزیزی جے پوری

 

[سید عاطف علی]

محمد خلیل الرحمٰن ، فرحت کیانی ، محمد اسامہ سَرسَری ، محمداحمد ، شیزان ، الف عین

 

[محمداحمد]

واہ!

بہت خوب کلام ہے عاطف بھائی!

ماشاءاللہ۔

 

[ابن رضا]

واہ بہت خوب

 

[محمد اسامہ سَرسَری]

خوب صورت کلام۔

 

[arifkarim]

اچھا کلام ہے۔

 

[ادب دوست]

بہت اچھے اشعار ہیں ، پوری غزل ؟

 

[سید عاطف علی]

بہت اچھے اشعار ہیں ، پوری غزل ؟

شکریہ ادب دوست بھائی ۔ پوری غزل محفوظ نہ رہ سکی۔ جیسے بہت سا دوسرا بھی کلام جے پور سے پاکستان آتے ہوئے ہی محفوظ نہ رہا تھا۔

 

[ادب دوست]

اوہ ،۔۔۔ ہجرت میں بہت سوں کا بہت کچھ گیا ۔۔ خیر۔ !
کچھ اور کلام اگر محفوظ ہے تو ضرور شامل کریں، انداز مجھے بہت اچھا لگا۔

 

[سید عاطف علی]

میرے والد صاحب سید خورشید علی ضیاء عزیزی جے پوری ۔
ادب دوست بھیا مندرجہ بالا ٹیگ کے ذریعے منتخب اور میسر کلام محفل کے انہی مختلف دھاگوں میں چسپاں کر چکا ہوں اور کرتا رہتا ہوں ۔