میرے پسندیدہ اشعار

[مومن فرحین]

شفق دھنک مہتاب گھٹائیں تارے نغمے بجلی پھول
اس دامن میں کیا کیا کچھ ہے دامن ہاتھ میں آئے تو

عندلیب شادانی

 

[شمشاد]

نہ اس کے دامن سے میں ہی الجھا نہ میرے دامن سے یہ ہی اٹکی
ہوا سے میرا بگاڑ کیا ہے جو شمع تربت بجھا رہی ہے
(مضطر خیرآبادی)​

 

[شمشاد]

مجھ سے کیا ہو سکا وفا کے سوا
مجھ کو ملتا بھی کیا سزا کے سوا
(حفیظ جالندھری)

 

[شمشاد]

اک عمر چاہیئے کہ گوارا ہو نیش عشق
رکھی ہے آج لذت زخم جگر کہاں
(الطاف حسین حالی)

 

[مومن فرحین]

کھلا یہ راز بھی برسوں کی خاکساری میں
کہ عشق خاک نہ کر دے تو عشق خاک ہوا

 

[شمشاد]

پہنتے خاک ہیں خاک اوڑھتے بچھاتے ہیں
ہماری رائے بھی لی جائے خوش لباسی پر
(نعمان شوق)​

 

[شمشاد]

کون سی جا ہے جہاں جلوۂ معشوق نہیں
شوق دیدار اگر ہے تو نظر پیدا کر
(امیر مینائی)

 

[شمشاد]

ہزاروں کام محبت میں ہیں مزے کے داغؔ
جو لوگ کچھ نہیں کرتے کمال کرتے ہیں
(داغؔ دہلوی)

 

[شمشاد]

کام اب کوئی نہ آئے گا بس اک دل کے سوا
راستے بند ہیں سب کوچۂ قاتل کے سوا
(علی سردار جعفری)

 

[شمشاد]

گلا بھی تجھ سے بہت ہے مگر محبت بھی
وہ بات اپنی جگہ ہے یہ بات اپنی جگہ
(باصر سلطان کاظمی)

 

[شمشاد]

ہزار شمع فروزاں ہو روشنی کے لیے
نظر نہیں تو اندھیرا ہے آدمی کے لیے
(نشور واحدی)

 

[مومن فرحین]

دوست بھی ہوتے ہیں محفل بھی جمی رہتی ہے
تو نہیں ہوتا تو ہر شے میں کمی رہتی ہے

احمد فراز

 

[شمشاد]

تیرے جلووں نے مجھے گھیر لیا ہے اے دوست
اب تو تنہائی کے لمحے بھی حسیں لگتے ہیں
(سیماب اکبرآبادی)

 

[نشاط انصاری]

تم میرے پاس ہوتے ہو گویا
جب کوئی دوسرا نہیں ہوتا

مومن خاں مومن

 

[امامہ ارشاد]

کسی سے رابطے اتنے شدید ہو گئے ہیں
کہ ہم لڑے بھی نہیں اور شہید ہو گئے ہیں
کھبی جو وقت ملے تو ان کے پاس بیٹھا کر
جو لوگ عشق میں بابا فرید ہو گئے ہیں

 

[شمشاد]

کروں گا کیا جو محبت میں ہو گیا ناکام
مجھے تو اور کوئی کام بھی نہیں آتا
(غلام محمد قاصر)

 

[شمشاد]

جھک کر سلام کرنے میں کیا حرج ہے مگر
سر اتنا مت جھکاؤ کہ دستار گر پڑے
اقبال عظیم

 

[شمشاد]

اک بار اس نے مجھ کو دیکھا تھا مسکرا کر
اتنی تو ہے حقیقت باقی کہانیاں ہیں
میلہ رام وفاؔ

 

[شمشاد]

بس اک جھجک ہے یہی حال دل سنانے میں
کہ تیرا ذکر بھی آئے گا اس فسانے میں
کیفی اعظمی

 

[شمشاد]

نہیں نہیں ہمیں اب تیری جستجو بھی نہیں
تجھے بھی بھول گئے ہم تری خوشی کے لئے
زہرا نگاہ