میرے پسندیدہ اشعار

[شمشاد]

اپنے ماتھے کی شکن تم سے مٹائی نہ گئی
اپنی تقدیر کے بل ہم سے نکالے نہ گئے
جلیل مانک پوری

 

[مومن فرحین]

زندگی سے یہی گلا ہے مجھے
تو بہت دیر سے ملا ہے مجھے

 

[شمشاد]

اس گلے کو گلہ نہیں کہتے
[URL='https://www.rekhta.org/ghazals/aarzuu-hai-vafaa-kare-koii-dagh-dehlvi-ghazals?lang=ur']گر مزے کا گلا کرے کوئی[/URL]
داغؔ دہلوی​

 

[شمشاد]

میں پھر افسانۂ غم چھیڑتا ہوں
ذرا تم پھر کہو جھوٹے کہیں کے
(محشر عنایتی)

 

[امامہ ارشاد]

اس آخری نظر میں عجب درد تھا منیر
اس کے جانے کا رنج مجھے عمر بھر رہا

 

[شمشاد]

چلے تو پاؤں کے نیچے کچل گئی کوئی شے
نشے کی جھونک میں دیکھا نہیں کہ دنیا ہے
(شہاب جعفری)

 

[شمشاد]

بھلا ہوا کہ کوئی اور مل گیا تم سا
وگرنہ ہم بھی کسی دن تمہیں بھلا دیتے
خلیل الرحمن اعظمی

 

[شمشاد]

داغ دنیا نے دیے زخم زمانے سے ملے
ہم کو تحفے یہ تمہیں دوست بنانے سے ملے
کیف بھوپالی

 

[شمشاد]

ہم تو تمام عمر تری ہی ادا رہے
یہ کیا ہوا کہ پھر بھی ہمیں بے وفا رہے
جمیل ملک

 

[شمشاد]

ایک آنسو نے ڈبویا مجھ کو ان کی بزم میں
بوند بھر پانی سے ساری آبرو پانی ہوئی
شیخ ابراہیم ذوقؔ​

 

[عمر سیف]

میں عکس کیسے اتاروں کہ تیرے چہرے پر
حیا کے رنگ ہیں تصویر میں نہیں آتے

مجید اختر

 

[شمشاد]

کافر ہوں گر میں نام بھی کعبے کا لوں کبھی
وہ سنگ دل صنم جو کبھو مجھ سے رام ہو
(ولی اللہ محب)

 

[عمر سیف]

دھنک کے رنگ بھی ہیں مجھ پہ مہرباں لیکن
مجھے نواز کوئی رنگ میرے نام کا تو

کبیر اطہر

 

[شمشاد]

کیوں راتوں کا جاگیے کر کے اس کو یاد
پتھر دل پر کب اثر کرتی ہے فریاد
(اے ڈی راہی)

 

[مومن فرحین]

زندگی یُوں تھی کہ جینے کا بہانہ تُو تھا
ہم فقط زیبِ حکایت تھے، فسانہ تُو تھا
ہم نے جس جس کو بھی چاہا ترے ہجراں میں، وہ لوگ
آتے جاتے ہوئے موسم تھے، زمانہ تُو تھا


فراز

 

[شمشاد]

اور بھی دکھ ہیں زمانے میں محبت کے سوا
راحتیں اور بھی ہیں وصل کی راحت کے سوا
(فیض احمد فیض)

 

[شمشاد]

تم مخاطب بھی ہو قریب بھی ہو
تم کو دیکھیں کہ تم سے بات کریں
(فراق گھورکپوری)

 

[شمشاد]

تم میرے لیے اب کوئی الزام نہ ڈھونڈو
چاہا تھا تمہیں اک یہی الزام بہت ہے
ساحر لدھیانوی

 

[شمشاد]

میری چاہت پہ نہ الزام لگاؤ لوگو
کچھ سمجھ کر ہی اٹھاتا ہے کوئی بار گراں
شاہین

 

[شمشاد]

یار پر الزام کیسا اے دل خانہ خراب
جو کیا تجھ سے تری قسمت نے اس نے کیا کیا
لالہ مادھو رام جوہر