میرے پسندیدہ اشعار

[مومن فرحین]

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

پروین شاکر

 

[شمشاد]

اب نہ وہ میں نہ وہ تو ہے نہ وہ ماضی ہے فرازؔ
جیسے دو سائے تمنا کے سرابوں میں ملیں
(احمد فراز)

 

[شمشاد]

آخر دعا کریں بھی تو کس مدعا کے ساتھ
کیسے زمیں کی بات کہیں آسماں سے ہم
(احمد ندیم قاسمی)

 

[شمشاد]

انداز اپنا دیکھتے ہیں آئنے میں وہ
اور یہ بھی دیکھتے ہیں کوئی دیکھتا نہ ہو
(نظام رامپوری)

 

[شمشاد]

کوئی پابند محبت ہی بتا سکتا ہے
ایک دیوانے کا زنجیر سے رشتہ کیا ہے
(فنا نظامی کانپوری)

 

[محمد عبدالرؤوف]

نالہ ہے بلبلِ شوریدہ ترا خام ابھی
اپنے سینے میں اسے اور ذرا تھام ابھی
علامہ اقبال

 

[محمد عبدالرؤوف]

پختہ ہوتی ہے اگر مصلحت اندیش ہو عقل
عشق ہو مصلحت اندیش تو ہے خام ابھی
علامہ محمد اقبال

 

[شمشاد]

دنیائے تصور ہم آباد نہیں کرتے
یاد آتے ہو تم خود ہی ہم یاد نہیں کرتے
(فنا نظامی کانپوری)

 

[محمد عبدالرؤوف]

واعظ شرابِ ناب کو اتنا نہ کوسیے
جنت میں آپ بھی تو پیئیں گے، اگر گئے
فانی بدایونی

 

[شمشاد]

بارش شراب عرش ہے یہ سوچ کر عدمؔ
بارش کے سب حروف کو الٹا کے پی گیا
(عبد الحمید عدم)

 

[محمد عبدالرؤوف]

جب درد اُٹھا تو رو دیئے ہیں
پھر دیر تلک مزا لیا ہے
احمد ندیم قاسمی

 

[محمد عبدالرؤوف]

دل تو لیتے ہو مگر یہ بھی رہے یاد تمہیں
جو ہمارا نہ ہوا کب وہ تمہارا ہو گا

بیخود دہلوی

 

[شمشاد]

آنکھوں سے پلاتے رہو ساغر میں نہ ڈالو
اب ہم سے کوئی جام اٹھایا نہیں جاتا
(عبد الحمید عدم)

 

[مومن فرحین]

آخر دعا کریں بھی تو کس مدعا کے ساتھ
کیسے زمیں کی بات کہیں آسماں سے ہم
(احمد ندیم قاسمی)

میں زمینوں کی مسافر وہ آسمانوں کا ۔
کہاں سے ربط بڑھائیں کہ درمیاں ہے خلا

 

[مومن فرحین]

واعظ شرابِ ناب کو اتنا نہ کوسیے
جنت میں آپ بھی تو پیئیں گے، اگر گئے
فانی بدایونی

واعظ کی زباں پر تو وہ کلمے ہیں کہ گویا
بخشے ہی نہ جائیں گے گناہگار محبت

داغ

 

[مومن فرحین]

عقل عیار ہے سو بھیس بدل لیتی ہے
عشق بے چارہ نہ ملا ہے نہ زاہد نہ حکیم ۔

 

[شمشاد]

ہر نفس عمر گزشتہ کی ہے میت فانیؔ
زندگی نام ہے مر مر کے جئے جانے کا
(فانی بدایونی)

 

[شمشاد]

اک رات وہ گیا تھا جہاں بات روک کے
اب تک رکا ہوا ہوں وہیں رات روک کے
(فرحت احساس)

 

[شمشاد]

خدا کے واسطے اس کو نہ ٹوکو
یہی اک شہر میں قاتل رہا ہے
(مظہر مرزا جان جاناں)

 

[شمشاد]

کب لوٹا ہے بہتا پانی بچھڑا ساجن روٹھا دوست
ہم نے اس کو اپنا جانا جب تک ہاتھ میں داماں تھا
(ابن انشا)