1. اردو محفل سالگرہ پانزدہم

    اردو محفل کی پندرہویں سالگرہ کے موقع پر تمام اردو طبقہ و محفلین کو دلی مبارکباد!

    اعلان ختم کریں

میری زندگي کی پہلی نعت

محمد شمیل قریشی نے 'اِصلاحِ سخن' کی ذیل میں اس موضوع کا آغاز کیا، ‏مئی 22, 2006

  1. محمد شمیل قریشی

    محمد شمیل قریشی محفلین

    مراسلے:
    1,400
    جھنڈا:
    Pakistan
    موڈ:
    Amused
    نعت

    حضور کے واقع معراج پر حضور سے ہم کلامی


    اک عبادت سے تیری معراج ہو گئي
    تجھ کو قربت کے سو سو بہانے ملے

    تجھ سے پہلے درخشاں ستارے تھے جو
    امامت میں تیری دیوانے ملے

    جن علاقوں سے جبراعیل واقف نہ تھے
    آپ حضرت کو وہ آستانے ملے

    انگلیاں داب فطرت بھی حیران تھی
    اس انساں کو کس جا ٹھکانے ملے

    شعور زیست کو بے خود جو کر دے
    بے خودی کے مجھے وہ فسانے ملے

    تیری آمد سے بچیوں کے دف اٹھ گئے
    ان کو تجھ سے ہی نغمے سہانے ملے

    اس جہاں کی زمیں کب سے ویران تھی
    آپ سے ہی ایسے آب و دانے ملے

    بس اسی آس میں روز و شب کٹ گئے
    بادشاہ ہیں جنہیں قیدخانے ملے

    یہ مقاں وہ نہیں جو ہمیشہ رہے
    اس کو ورثے میں فانی زمانے ملے

    سوچ لے دیکھ لیے اپنے دل کو شمیل
    کیا تجھ کو بھی ایسے یارانے ملے

    اک عبادت سے تیری معراج ہو گئي
    تجھ کو قربت کے سو سو بہانے ملے
     
  2. زیک

    زیک محفلین

    مراسلے:
    38,347
    جھنڈا:
    UnitedStates
    موڈ:
    Bookworm
    چونکہ آپ اس کی اصلاح چاہتے ہیں اس لئے میں نے اسے اصلاح والے فورم میں منتقل کر دیا ہے۔
     
  3. الف عین

    الف عین لائبریرین

    مراسلے:
    34,641
    جھنڈا:
    India
    موڈ:
    Psychedelic
    شمیل۔ محفل کے اسراد حاضر ہیں مع اصلاح۔ لیکن پہلے یہ بات کہ جب میں خود مطلب سمجھنے سے قاصر رہتا ہوں تو اصلاح سے پرہیز کرتا ہوں کہ بحر میں لانے کی کوشش میں ممکن ہے کہ میں مطلب کچھ کا کچھ کر دوں۔ اس لئے وہ اشعار چھوڑ دیتا ہوں۔ پیش ہے:

    بحر ہے فاعلن فاعلن فاعلن فاعلن
    یا
    212، 212،212، 212

    اک عبادت سے تیری معراج ہو گئي
    تجھ کو قربت کے سو سو بہانے ملے

    شعر کا مطلب واضح نہیں، دوسرا مصرعہ بحر میں ہے، پہلا نہیں


    تجھ سے پہلے درخشاں ستارے تھے جو
    وہ امامت میں تیری دیوانے ملے

    جن علاقوں سے جبریل واقف نہ تھے
    آپ حضرت کو وہ آستانے ملے

    آج شب ان کو وہ آستانے ملے
    یا
    آپ کو آج وہ آستانے ملے

    انگلیاں داب فطرت بھی حیران تھی
    اس انساں کو کس جا ٹھکانے ملے

    ایک انساں کو کس جا ٹھکانے ملے


    شعور زیست کو بے خود جو کر دے
    بے خودی کے مجھے وہ فسانے ملے

    ہوشِ ہستی کے بھی ہوش اڑ جائیں گے
    بے خودی کے مجھے وہ فسانے ملے

    تیری آمد سے بچیوں کے دف اٹھ گئے
    ان کو تجھ سے ہی نغمے سہانے ملے

    تیری آمد سے دف بچّیوں کے بجے
    ان کو تجھ سے ہی نغمے سہانے ملے

    اس جہاں کی زمیں کب سے ویران تھی
    آپ سے ہی ایسے آب و دانے ملے

    آپ سے ہی اسے آب و دانے ملے


    بس اسی آس میں روز و شب کٹ گئے
    بادشاہ ہیں جنہیں قیدخانے ملے

    مطلب ؟؟؟؟؟؟
    یہ مقاں وہ نہیں جو ہمیشہ رہے
    اس کو ورثے میں فانی زمانے ملے


    یہ مقاں؟؟؟

    سوچ لے دیکھ لیے اپنے دل کو شمیل
    کیا تجھ کو بھی ایسے یارانے ملے

    مطلب واضح تو نہیں، بحر میں کرنے کی کوشش

    سوچ لے دیکھ لے اپنے دل کو شمیل
    تجھ کو ایسے کبھی دوستانے ملے؟
     
    • پسندیدہ پسندیدہ × 1
  4. محمد شمیل قریشی

    محمد شمیل قریشی محفلین

    مراسلے:
    1,400
    جھنڈا:
    Pakistan
    موڈ:
    Amused
    یہ مقاں وہ نہیں جو ہمیشہ رہے
    اس کو ورثے میں فانی زمانے ملے


    میں نے اس میں زمین کا زکر کیا ہے ، جس کو اللہ نے ورثے میں فانی زمانے دیے ہیں ۔
     
  5. محمد شمیل قریشی

    محمد شمیل قریشی محفلین

    مراسلے:
    1,400
    جھنڈا:
    Pakistan
    موڈ:
    Amused
    بس اسی آس میں روز و شب کٹ گئے
    بادشاہ ہیں جنہیں قیدخانے ملے


    حضور کا قول ہے کہ یہ دنیا ایک مومن کے لے ایک قید خانہ ہے ۔ اور ایک کافر اس کو ایک دنیاوی مزے کے لیے استعمال کرتا ہے ۔ تو اس شعر میں میں نے اس خواہش کا اظہار کیا ہے کہ روز قیامت میں صحیح مانوں میں بادشاہ وہ لوگ ہیں جنہوں نے یہ زندگی ایک قیدخانے کی طرح بسر کر دی ۔ کاش کے میں بھی اس زندگی ہو ایک قید خانے سے بڑھ کر عزت نہ دوں ۔
     
  6. محمد شمیل قریشی

    محمد شمیل قریشی محفلین

    مراسلے:
    1,400
    جھنڈا:
    Pakistan
    موڈ:
    Amused
    اک عبادت سے تیری معراج ہو گئي
    تجھ کو قربت کے سو سو بہانے ملے


    اس شعر میں ، میں حضور سے مخاتب ہوتا ہوں اور ان سے کہتا ہوں کہ آپ واقع معراج میں کئی دفہ عبادت کو مسلمانوں پر کم کرنے کے سلسلے میں اللہ سے ملاقات کرنے کا شرف حاصل ہوا ۔
     
  7. دوست

    دوست محفلین

    مراسلے:
    13,056
    جھنڈا:
    Germany
    موڈ:
    Fine
    ماشاء اللہ۔
    بہت اچھی نعت لکھی آپ نے۔
    میرا یہاں آپ کی اصلاح کے لیے لکھنے کا کوئی حق تو نہیں بنتا تاہم واقعاتی اعتبار سے مجھے آپ سے کچھ اختلاف ہے۔
    رسول کریم صلی اللہ علیہ وسلم کا معراج میں نمازوں کا تحفہ لے کر آنا اور (غالبًا) چوتھے آسمان پر حضرت موسٰی ع کا ان سے ہم کلام ہو کے نمازیں کم کروانے پر اصرار۔مجھے اس واقعے سے اختلاف ہے۔ خواجہ شمس الدین عظیمی کی ایک تحریر پڑھی تھی جس میں انھوں‌ نے اسے اسرائیلیات قرار دیا تھا۔ان کے الفاظ کچھ اس طرح تھے:
    “اللہ مجھ پر اور میری اولاد پر رحم کرے مگر میرے خیال میں یہ رسول کریم ص کی شان میں ایک گستاخی ہے ایک نبی جو چوتھے آسمان کے باسی ہیں محمد رسول اللہ صلی اللہ علیہ وسلم جو مقام محمود کے حامل ہیں، انھیں نمازیں کم کروانے کا مشورہ دیتے ہیں اور اس طرح ایک بار نہیں کئی بار ہوتا ہے میری دانست میں یہ اسرائیلیات ہیں۔“
    اللہ مجھ پر اور میے ماں باپ پر اپنا رحم و کرم کرے میری دانست میں بھی یہ اسرائیلیات ہیں بھلا میرے رسول کریم صلی اللہ علیہ وسلم جن کی اتنی اونچی شان وہ اپنے سے رتبے میں چھوٹے نبی ع سے ڈکٹیشن لیں۔
    نوٹ: اگر آپ کو میری بات سے اتفاق نہ ہو تو میں اس سلسلے میں آپ کو دلائل وغیرہ سے قائل کرنے سے معذرت خواہ ہوں کہ یہ دل کے معاملے ہیں اور میرا دل نہیں مانتا کہ۔۔۔۔۔۔
     
  8. قیصرانی

    قیصرانی لائبریرین

    مراسلے:
    45,875
    جھنڈا:
    Finland
    موڈ:
    Festive
    جزاک اللہ۔ بہت عمدہ کاوش ہے جناب بھیا جی۔جاری رکھیں۔ ابھی ابتدائے سفر ہے۔
    بےبی ہاتھی
     
  9. تیشہ

    تیشہ محفلین

    مراسلے:
    21,892
    ہاں واقعی میں بہت اچھی ہے ،
     
  10. الف عین

    الف عین لائبریرین

    مراسلے:
    34,641
    جھنڈا:
    India
    موڈ:
    Psychedelic
    شمیل۔ تم نے مطالب بیان تو کئے ہیں لیکن کیا واقعی کوئی بھی قاری بغیر تم سے پوچھے مطلب نکال سکتا ہے ۔ وہی جو تمھارے ذہن میں تھے۔ بہر حال فرصت میں دیکھتا ہوں کہ تمھارا مطلب کچھ الفاظ بدل کر ادا ہو جائے
     
    • پسندیدہ پسندیدہ × 1
  11. محمد شمیل قریشی

    محمد شمیل قریشی محفلین

    مراسلے:
    1,400
    جھنڈا:
    Pakistan
    موڈ:
    Amused
    اعجاز صاحب : جی ضرور ۔ مجھے آپ کی اصلاح کا انتظار رہے گا ۔
     

اس صفحے کی تشہیر