طارق شاہ
محفلین
جگر مُراد آبادی
دِیدۂ یار بھی پُرنم ہے، خُدا خیر کرے
آج کچھ اور ہی عالَم ہے، خُدا خیر کرے
اُس طرف غیرتِ خُورشیدِ جمال، اور اِدھر !
زعمِ خوددارئ شبنم ہے خُدا خیر کرے
دِل ہے پہلُو میں کہ مچلا ہی چلا جاتا ہے
اور خُود سے بھی وہ برہم ہے خُدا خیر کرے
رازِ بیتابئ دِل کُچھ نہیں کُھلتا، لیکن !
کل سے درد آج بہت کم ہے، خُدا خیر کرے
حُسن ہر گام پہ ہے سایہ فگن، دام فگن
عِشق آزادِ دو عالَم ہے خُدا خیر کرے
جگرؔ مراد آبادی