منتخب اشعار برائے بیت بازی!

[شمشاد]

رہا گردشوں میں ہر دم میرے عشق کا ستارہ
کبھی ڈگمگائی کشتی کبھی کھو گیا کنارہ

 

[الف نظامی]

ہے مرے باغِ سخن کے لیے تو بادِ بہار
میرے بیتاب تخیل کو دیا تو نے قرار

 

[ماوراء]

رات یوں دل میں تیری کھوئی ہوئی یاد آئی
جیسے ویرانے میں چپکے سے بہار آئی

 

[فریب]

یہ مقتضائے رابطہءِ حُسن و عشق تھا
ہم بدگماں اِدھر، وہ اُدھر بدگماں رہے

 

[شمشاد]

یاد کیا دستِ ہنر ہے کہ سنوارتا گیا میں
اسکو سوچا تو اُسے یاد ہی کرتا گیا میں
(پیرزادہ قاسم)

 

[افتخار راجہ]

نہ جانے مقدر کے سمندر میں کس کو کیا ملے
کسی کو فقط سیپ ملےکسی کو گوہر ہویدا ملے

 

[الف عین]

یہ کشت غم ہے خدایا پری بھری رکھنا
جہاں بھی جائے نظر، سبز ہی نظر آئے

 

[MANSOOR REYAAN]

یا رب ہجوم درد کو دے اور وسعتیں
دامن تو کیا ابھی میری آنکھیں بھی نم نہیں
۔۔۔ ن۔۔۔۔

 

[شمشاد]

نہیں رہی اب جنوں کی زنجیر پر وہ پہلی اجارہ داری
گرفت کرتے ہیں کرنے والے خرد پہ دیوانہ پن سے پہلے
(فیض احمد فیض)

 

[الف نظامی]

یہ زائرانِ حریمِ مغرب ہزار رہبر بنیں ہمارے
ہمیں بھلا ان سے واسطہ کیا جو تجھ سے ناآشنا رہے ہیں

 

[شمشاد]

نازکی اس کے لب کی کیا کئیے
پنکھڑی اک گلاب کی سی ہے
(میر)

 

[تیشہ]

نفع تو خیر، محبت میں تجھے کیا ہوگا؟
بس خسارے ہی کا امکان تجھے سوچنا ہے ،

 

[فریب]

یہ مسائلِ تصوف ! یہ ترا بیان غالب
تجھے ہم ولی سمجھتے جو نہ بادہ خوار ہوتا

 

[شمشاد]

بوچھی صاحبہ آپکو حرف ‘ی‘ سے شعر دینا تھا مگر آپ نے ‘ن‘ سے شعر دیا ہے -

آنگن میں گھنے پیڑ کے نیچے تیری یادیں
میلہ سا لگا دیتی ہیں ، اچھا نہیں کرتیں

 

[فریب]

نہ تھا کچھ تو خدا تھا، کچھ نہ ہوتا تو خدا ہوتا
ڈبویا مجھ کو ہونے نے، نہ ہوتے میں تو کیا ہوتا

 

[شمشاد]

جناب دوسرا مصرا گڑبڑ ہے -

اندھیرے میں تھے جب تلک زمانہ سازگار تھا
چراغ کیا جلا دیا ، ہوا ہی اور ہو گئی

 

[تیشہ]

یہ کیکٹس کہ جیسے مسافر ہوں دور کے
یہ ریگ زار زیرِقدیم ، رات اور چاند ،
کہنے کو تیرے پاس، نہ سننے کی مجھکو تاب
چپ چاپ کنجِ ِگل میں ہیں ہم، رات اور چاند،

‘د،

 

[شمشاد]

داغ دنیا نے دیئے، زخم زمانے سے ملے
ہم کو یہ تحفے تمہیں دوست بنانے سے ملے
(کیف بھوپالی)

 

[شمشاد]

کیا بات ہے اس تھریڈ پر کوئی آ ہی نہیں رہا۔

یارو کسی قاتل سے کبھی پیار نہ مانگو
اپنے ہی گلے کے لیئے تلوار نہ مانگو

گِر جاو گےاپنے مسیحا کی نظر سے
مر کر بھی علاجِ دلِ بیمار نہ مانگو
(قتیل شفائی)

 

[تیشہ]

و‘

وہ اور دل فریب سا، پیارہ سا ہوگیا
اسکا حال جب سے ہمارا سا ہوگیا
نزدیک تھا تو جیسے دریچے کا چاند تھا
وہ دور کیا ہوا کہ ستارہ سا ہوگیا ،