منتخب اشعار برائے بیت بازی!

[شمشاد]

اُڑتے اُڑتے آس کا پنچھی دور افق میں ڈوب گیا
روتے روتے بیٹھ گئی آواز کسی شیدائی کی

فریب بھائی “ آواز کس سودائی کی “ ہے۔

 

[الف عین]

اُڑتے اُڑتے آس کا پنچھی دور افق میں ڈوب گیا
روتے روتے بیٹھ گئی آواز کسی شیدائی کی

فریب بھائی “ آواز کس سودائی کی “ ہے۔

بقول مجاز آواز تو قتیل شفائ کی تھی۔
روتے روتے بیٹھ گئ آواز قتیل شفائ کی

 

[الف عین]

کیا ہوا سب خاموش ہیں۔ چلو ی سے میں دئے دیتا ہوں:
یا یوں ہی بجھ رہی ہیں شمعیں
یا شبِ ہجر ٹل چلی ہے

 

[ظفری]

یا تو ہر شخص تذکرہ کرے تیرا
یا کوئی بھی ہم سے گفتگو نہ کرے​

 

[شمشاد]

یہ قرب کیا ہے کہ تُو سامنے ہے اور ہمیں
شمار ابھی سے جدائی کی ساعتیں کرنی
(احمد فراز)

 

[الف عین]

یہ آرزو بھی بڑی چیز ہے مگر ہمدم
وصالِ یار فقط آرزو کی بات نہیں

 

[شمشاد]

نہ ہوا پر نہ ہوا میر کا انداز نصیب
‘ذوق‘ یاروں نے بہت زور غزل میں مارا
(ابراھیم ذوق)

 

[الف عین]

اب تجھ کو کیا بتائیں کہ اپنے ہی شعر میں
محسوس کی ہے تیری شباہت کبھی کبھی

 

[شمشاد]

یاد ہیں وہ حسن و الفت کی نرالی شوخیاں
التماسِ عذر و تمہیدِ شکایت کے مزے
(حسرت موہانی)

 

[حجاب]

یادوں کے حاشیے بہت اہم ہیں حسن
دیمک لگی کتاب کو آہستہ کھولئیے

 

[ظفری]

یونہی گُھٹ گُھٹ کر مر جانا ہمیں منظور تھا لیکن
کسی کم ظرف پر ظاہر نہ کیں مجبوریاں ہم نے​

 

[شمشاد]

یہ انوکھی برہمی ہے کہ نہ بھولے سے لبوں پر
بہ سبیلِ تذکرہ بھی میرے نام تک نہ پہنچے
(یحٰی جسدنوالا)

 

[تیشہ]

یہ تناؤ قدرت نے دو دلوں میں کیوں رکھا
تجھھ کو کج کلاہی دی مجھکو کج ادائی دی ،


ی

 

[شمشاد]

یادیں چلیں، خیال چلا، اشکِ تر چلے
لیکر پیامِ شوق کئی نامہ بر چلے
(ہوش ترمذی)

 

[الف عین]

یادیں چلیں، خیال چلا، اشکِ تر چلے
لیکر پیغامِ شوق کئی نامہ بر چلے
(ہوش ترمذی)

دوسرا مصرعہ درست یوں ہونا چاہئے
لیکر پیامِ شوق کئی نامہ بر چلے
ی سے ابھی یاد نہیں آ رہا۔

 

[شمشاد]

شکریہ اعجاز بھائی تصحیح کرنے کا۔
-----------------------------------------------------------
یہ بھی کیا شامِ ملاقات آئی
لب پہ مشکل سے تیری بات آئی
(ناصر کاظمی)

 

[ظفری]

یہ اور بات ہے کہ دشمن ہوا ہےآج مگر
وہ میرا دوست تھا کل تک اُسے بُرا نہ کہو​

 

[شمشاد]

وہ آئیں گے آج اے بہارِ محبت
ستاروں کے بستر میں کلیاں بچھا دیں
(اختر شیرانی)

 

[ظفری]

نہ تُو جلا ، نہ تیرے گھر کو آگ لگی
ہمیں خبر ہے کہ جن مرحلوں سے ہم گذرے​

 

[شمشاد]

یہ راز ہے میری زندگی کا
پہنے ہوئے ہوں کفن خودی کا
(اصغر گوندوی)