1. اردو ویب کے سالانہ اخراجات کی مد میں فراخدلانہ تعاون پر احباب کا بے حد شکریہ نیز ہدف کی تکمیل پر مبارکباد۔ مزید تفصیلات ملاحظہ فرمائیں!

    $500.00
    اعلان ختم کریں

تاسف معروف اداکار عابد علی انتقال کرگئے

جاسم محمد نے 'تہنیتی پیغامات و دعائیہ کلمات' کی ذیل میں اس موضوع کا آغاز کیا، ‏ستمبر 5, 2019

  1. جاسم محمد

    جاسم محمد محفلین

    مراسلے:
    12,246
    معروف اداکار عابد علی انتقال کرگئے
    ویب ڈیسک 4 گھنٹے پہلے
    [​IMG]
    صدر پاکستان نے1985 میں عابد علی کو پرائڈ آف پارفامنس سے نوازا تھا، فوٹو: فائل

    کراچی: ڈرامہ و فلم انڈسٹری کے معروف اداکار عابد علی 67 برس کی عمر میں انتقال کرگئے۔

    عابد علی جگر کے عارضے میں مبتلا ہونے کی وجہ سے گذشتہ دو ماہ سے کراچی کے نجی اسپتال میں زیر علاج تھے چند روز قبل اُن کی حالت انتہائی تشویشناک ہونے کی وجہ سے اہلخانہ کی جانب سے دعاؤں کی درخواست کی گئی تھی تاہم اب اداکار 67 سال کی عمر میں دنیا فانی سے کوچ کر گئے ہیں۔

    عابد علی کی اہلیہ نے اداکار کے انتقال کی تصدیق کرتے ہوئے کہا کہ عابد علی کا جگر کا عاضہ بگڑ گیا تھا جس کے باعث وہ کئی روز سے وینٹی لیٹر پر تھے لیکن اب وہ ہمارے درمیان نہیں رہے۔

    واضح رہے کہ 29 مارچ 1952 میں کوئٹہ میں پیدا ہونے والے عابد علی نے اپنے فنی کیریئر میں خواہش ، دشت ،دوسرا آسمان ، وارث اورمہندی جیسے مشہور ڈرامے کئے اور متعدد فلموں میں کام کیا جب کہ آخری بار انہوں نے فلم ’ہیر مان جا‘ میں اداکاری کے جوہر دکھائے۔ اداکار کو لا جواب اداکاری اور شعبے میں قابل قدر خدمات انجام دینے پر صدر پاکستان نے1985 میں انہیں پرائڈ آف پارفامنس سے بھی نوازا تھا۔
     
    • غمناک غمناک × 5
  2. محمد امین صدیق

    محمد امین صدیق محفلین

    مراسلے:
    1,384
    موڈ:
    Cheerful
    انا لللہ وانا الیہ راجعون
    خدا مرحوم کو اپنے جوار رحمت میں جگہ دے اور سوگواران کو صبرجمیل عطا فرمائے ۔ آمین
     
    • متفق متفق × 1
    • غمناک غمناک × 1
  3. محمد تابش صدیقی

    محمد تابش صدیقی منتظم

    مراسلے:
    24,021
    جھنڈا:
    Pakistan
    موڈ:
    Breezy
    انا للہ و انا الیہ راجعون
     
    • غمناک غمناک × 1
  4. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,833
    جھنڈا:
    Pakistan
    موڈ:
    Cheerful
    انا للہ و انا الیہ راجعون
     
    • غمناک غمناک × 1
  5. فرقان احمد

    فرقان احمد محفلین

    مراسلے:
    8,780
    انا للہ و انا الیہ راجعون

    مرحوم ورسٹائل آرٹسٹ تھے۔ ڈرامہ 'وارث' اور ڈرامہ 'خواہش' میں اُن کا کردار بالکل الگ نوعیت کا تھا، اور ڈرامہ 'غلام گردش' اور دیگر ڈراموں میں بالکل الگ نوعیت کے کردار ادا کیے۔ بہرصورت، ایک عہد تمام ہوا!
     
    • متفق متفق × 3
    • غمناک غمناک × 1
  6. سید عاطف علی

    سید عاطف علی محفلین

    مراسلے:
    7,243
    جھنڈا:
    SaudiArabia
    موڈ:
    Cheerful
    انا للہ وانا الیہ راجعون
     
    • غمناک غمناک × 1
  7. اے خان

    اے خان محفلین

    مراسلے:
    4,400
    جھنڈا:
    Pakistan
    موڈ:
    Innocent
    انا للہ و انا الیہ راجعون
     
    • غمناک غمناک × 1
  8. آورکزئی

    آورکزئی محفلین

    مراسلے:
    210
    اس خبر کی ترتید تو نہیں ہوئی نا۔۔ کل ایک ٹویٹ دیکھ رہا تھا جس میں اس کی بیٹی نے ترتید کی تھی
     
    • غمناک غمناک × 1
  9. محمد عدنان اکبری نقیبی

    محمد عدنان اکبری نقیبی محفلین

    مراسلے:
    17,833
    جھنڈا:
    Pakistan
    موڈ:
    Cheerful
  10. محمد خلیل الرحمٰن

    محمد خلیل الرحمٰن مدیر

    مراسلے:
    7,596
    جھنڈا:
    Pakistan
    موڈ:
    Festive
    انا للہ و انا الیہ راجعون
     
    • غمناک غمناک × 1
  11. فرقان احمد

    فرقان احمد محفلین

    مراسلے:
    8,780
    اس میں کوئی شک نہیں کہ خواہش عابد علی کے کیرئیر کے اہم ترین ڈراموں میں سے ایک تھا۔

    بی بی سی کا خراج تحسین!

    عابد علی: بسنتی کا خوشی محمد رخصت ہوا


    خواہش کے سیٹ پر بسنتی کو خوشی محمد نے یہ تک بتایا کہ’ لال بتی جل رہی ہو تو سمجھو کیمرہ تم پر ہے۔'

    سیمی راحیل سے ان کے ساتھی اداکار عابد علی کے رخصت ہونے کی تعزیت کرو تو وہ کہتی ہیں وہ میرا دوست ہی نہیں استاد بھی تھا۔

    ’خواہش' پاکستان ٹیلی ویژن کے ان ہی دنوں کے ڈراموں میں سے ایک ہے جب آٹھ بجے گلیاں سونی ہو جاتی تھیں اور پورا خاندان ٹی وی سیٹ کے آگے براجمان ہوتا تھا۔

    اصغر ندیم سید کے لکھے ہوئے اس ڈرامے میں ٹرک ڈرائیور خوشی محمد گڑوی والی پکھی واس بسنتی پر مرتا تھا اور ناظرین ان دو کرداروں کی ہر ادا پر فدا تھے۔ خوشی محمد بسنتی سے کہتا ’تو گانا چھوڑ دے' اور بسنتی اترا کر جواب دیتی ’تو ڈرائیوری چھوڑ دے گا جو میں کہوں؟‘

    کوئٹہ میں پلے بڑھے عابد علی نے سڑک چھاپ دیہاتی ٹرک ڈرائیور کو اس کے مخصوص ہندکو لب و لہجے کے ساتھ کمال نبھایا۔ ان کے برجستہ ’جُل او جُل' اور ’وئے پاغلا' میں وہی ٹرک اڈے والی چائے کی کڑک تھی جس کا مزہ اردو ڈرامے کا ہر شائق آج بھی لیتا ہے۔

    ’خواہش' میں خوشی محمد کی بسنتی، اداکارہ سیمی راحیل اصل زندگی میں ان کی دوست رہیں اور خود کو اداکاری میں ان کی شاگرد بھی مانتی ہیں۔ عابد علی کی رخصت ہونے کے بعد انھیں یاد کرتے ہوئے کہتی ہیں کہ ’عابد علی ایک اداکار نہیں، ایک فنکار تھا۔ بے حد ذہین، حساس اور کام سے لگاؤ رکھنے والا۔ ایک دھیما اور خوش مزاج انسان۔‘

    سیمی راحیل نے کیرئیر میں سب سے زیادہ کام عابد علی کے ساتھ ہی کیا۔ کچھ یادیں بانٹتے ہوئے سیمی راحیل نے بتایا ’ہوا پہ رقص' کی شوٹنگ کے دوران اکثر وہ چھپڑ کے نیچے چارپائیاں ڈال کر سوئے۔ اور کس طرح ڈرامہ ’دوریاں' کی شوٹنگ کے دوران ایک سین کے لیے عابد علی نےانھیں تھپڑ مارنا تھا لیکن دونوں کی ہنسی پھوٹ پڑتی۔‘

    ریڈیو پاکستان سے کیرئیر کے آغاز کے بعد عابد علی نے سنہ 1973 میں پی ٹی وی کے ڈرامے جھوک سیال میں سب سے پہلے اداکاری کی اور اس کے بعد سرکاری اور نجی چینلز کے لیے درجنوں ڈرامے کیے۔ وارث، دشت، پنجرہ، آنگن، مہندی جیسے ڈرامے جس جس نے دیکھے، انھیں یاد رکھا۔

    ہم ٹی وی کے پیریڈ پلے آنگن کے لکھاری مصطفی آفریدی جو خود عابد علی کے مداح ہیں، کہتے ہیں کہ عابد علی، قوی خان کا مداح تھا اور کہتا تھا کہ قوی خان کے سامنے کام کرتے آج بھی ڈرتا ہوں۔ انھوں نے ریکارڈنگ کا ایک قصہ یوں بتایا کہ عابد علی میں سادگی اس قدر تھی کہ ایک سیٹ کے لیے آرائشی سامان خود اپنے گھر سے لے آئے۔

    عابد علی نے اداکاری کے ساتھ ہدائیتکاری بھی کی اور کئی فلموں میں بھی کام کیا۔ ان کی آخری فلم ’ہیر مان جا' میں ان کی ساتھی اداکارہ حریم فاروق کو وہ ایک خاموش انسان کے طور پر یاد ہیں۔ حریم کہتی ہیں وہ چپ چپ ضرور تھے لیکن ان کی حس ظرافت بلا کی تھی۔

    ’وہ سیٹ پر اپنے ماضی کی باتیں کرتے اور ہر بات میں ہمارے لیے سیکھنے کے کئی کئی پہلو ہوتے۔'

    اداکارہ عتیقہ اوڈھو نے بی بی سی سے بات کرتے ہوئے کہا کہ بحیثیت ہدائیتکار اور پیش کار انھوں نے فن کا نیا باب کھولا۔ وہ کہتی ہیں کہ وہ پہلے ہدائیتکار ہیں جنھوں نے ڈرامے میں کہانی اور موسیقی کی بُنت پر کام کیا اور چھوٹی سکرین پر میوزیکل متعارف کروایا۔ ڈرامہ’دشت' اسی کی مثال ہے۔

    عابد علی اس ہفتے علالت کے بعد دنیا کو خیرباد کہہ گئے۔ لیکن فنکار کے جانے کے بعد فن زندہ رہتا ہے۔ جسے ان کے ساتھی، ناظرین اور ناقدین آج بھی دلجوئی سے یاد کر رہے ہیں۔

    سیمی راحیل کہتی ہیں وہ عموماً ذاتی زندگی کے بکھیڑوں پر بات نہیں کرتے تھے۔

    عابد علی، سیمی راحیل سے اپنا آپ چھپا بھی لیتا، لیکن خوشی محمد اپنے آپ میں گھل رہا تھا۔ یہ بسنتی سے چھپا کیسے رہ سکتا تھا۔

    ’پی ٹی وی پر کیے ان کے ساتھ آخری ڈرامے ’سحر' میں میں نے دیکھ لیا تھا کہ وہ خاموش ہو گیا ہے، جیسے اب وہ یہاں سے جانا چاہتا ہو۔'

    پھر خوشی محمد چلا گیا۔ لیکن بسنتی کی گڑوی میں اس کا کڑک چائے جیسا لہجہ اب کھنک بن کر رہتا ہے۔

    ÷÷÷÷÷
    کوئٹہ میں پلے بڑھے عابد علی نے سڑک چھاپ دیہاتی ٹرک ڈرائیور کو اس کے مخصوص ہندکو لب و لہجے کے ساتھ کمال نبھایا۔
    (اس آرٹیکل میں شاید یہ واحد اختلافی پہلو ہے؛ غالباً خواہش ڈرامہ میں اختیار کردہ لہجہ چکوال میں رہنے بسنے والوں کا ہے، یہ چکوالی لہجہ ہندکو سے مماثلت رکھتا ہے البتہ خالصتاً ہندکو معلوم نہیں ہوتی ہے؛ تاہم تائید تو محترم عبدالقیوم چوہدری صاحب ہی فرمائیں گے! مگر عابد علی مرحوم نے جس طرح یہ لہجہ اپنایا ہے، وہ مقامی چکوالی باشندے معلوم ہوتے تھے اور یہی ان کی اداکاری کا اصل کمال تھا۔)
     
    آخری تدوین: ‏ستمبر 8, 2019
    • غمناک غمناک × 2
    • پسندیدہ پسندیدہ × 1
  12. دوست

    دوست محفلین

    مراسلے:
    12,973
    جھنڈا:
    Germany
    موڈ:
    Fine
    رب سائیں مغفرت فرمائے۔
     
    • غمناک غمناک × 1
  13. مریم افتخار

    مریم افتخار مدیر

    مراسلے:
    4,514
    جھنڈا:
    Pakistan
    موڈ:
    Festive
    انا للہ و انا الیہ راجعون
     
    • غمناک غمناک × 1
  14. عبدالقیوم چوہدری

    عبدالقیوم چوہدری محفلین

    مراسلے:
    17,100
    جھنڈا:
    Pakistan
    موڈ:
    Relaxed
    معذرت چاہوں گا کہ میں نے ڈرامہ نہیں دیکھ رکھا۔ کوئی کلپ وغیرہ مل جائے تو شاید سمجھ پاؤں۔ شکریہ
     
    • معلوماتی معلوماتی × 1
    • دوستانہ دوستانہ × 1
  15. فرقان احمد

    فرقان احمد محفلین

    مراسلے:
    8,780
     
    • پسندیدہ پسندیدہ × 1
    • معلوماتی معلوماتی × 1
  16. عبدالقیوم چوہدری

    عبدالقیوم چوہدری محفلین

    مراسلے:
    17,100
    جھنڈا:
    Pakistan
    موڈ:
    Relaxed
    ہندکو کے دو معروف لہجے ہیں۔ ایک جو اندرون پشاور میں بولا جاتا ہے اور ایک ہزارہ (ایبٹ اباد، مانسہرہ اور ہری پور) میں۔

    مرحوم اداکار ہزارہ والے لہجے کےکچھ الفاظ استعمال کر رہے تھے اور یہ ہندکو ہی کہلائے گا۔
     
    • معلوماتی معلوماتی × 1
  17. جاسمن

    جاسمن مدیر

    مراسلے:
    12,315
    جھنڈا:
    Pakistan
    موڈ:
    Fine
    انا للہ وانا الیہ راجعون۔
    اللہ مغفرت فرمائے۔ جنت الفردوس میں جگہ دے۔ ان کی قبر کو روشن، ہوادار، کشادہ اور ٹھنڈا کرے۔ اس میں جنت کی کھڑکیاں کھول دے۔ لواحقین کو صبرِ جمیل عطا فرمائے اور مرحوم کے لیے صدقہ جاریہ بنا دے۔ آمین!
     
    • دوستانہ دوستانہ × 1
    • متفق متفق × 1
  18. ظہیراحمدظہیر

    ظہیراحمدظہیر محفلین

    مراسلے:
    2,392
    جھنڈا:
    Pakistan
    موڈ:
    Busy
    انا للہ و انا الیہ راجعون ۔
     

اس صفحے کی تشہیر