فاتح
لائبریرین
مشہور چمن میں تِری گُل پَیرہَنی ہے
قرباں ترے ہر عضو پہ نازک بدَنی ہے
عریانیِ آشفتہ کہاں جائے پس از مرگ
کُشتہ ہے ترا اور یہی بے کفَنی ہے
سمجھے ہے نہ پروانہ نہ تھانبے ہے زباں شمع
وہ سوختنی ہے تو یہ گردن زدَنی ہے
لیتا ہی نکلتا ہے مرا لختِ جگر اشک
آنسو نہیں گویا کہ یہ ہیرے کی کَنی ہے
بلبل کی کفِ خاک بھی اب ہو گی پریشاں
جامے کا ترے رنگ ستمگر چمَنی ہے
کچھ تو اُبھر اے صورتِ شیریں کہ دکھاؤں
فرہاد کے ذمّے بھی عجب کوہ کَنی ہے
ہوں گرمِ سفر شامِ غریباں سے خوشی ہوں
اے صبحِ وطن تُو تو مجھے بے وطَنی ہے
ہر چند گدا ہوں میں ترے عشق میں لیکن
ان بُوالہَوَسوں میں کوئی مجھ سا بھی غَنی ہے
ہر اشک مرا ہے دُرِ شہوار سے بہتر
ہر لختِ جگر رشکِ عقیقِ یمَنی ہے
بگڑی ہے نپٹ میرؔ طپش اور جگر میں
شاید کہ مرے جی ہی پر اب آن بنی ہے
میر تقی میرؔ
قرباں ترے ہر عضو پہ نازک بدَنی ہے
عریانیِ آشفتہ کہاں جائے پس از مرگ
کُشتہ ہے ترا اور یہی بے کفَنی ہے
سمجھے ہے نہ پروانہ نہ تھانبے ہے زباں شمع
وہ سوختنی ہے تو یہ گردن زدَنی ہے
لیتا ہی نکلتا ہے مرا لختِ جگر اشک
آنسو نہیں گویا کہ یہ ہیرے کی کَنی ہے
بلبل کی کفِ خاک بھی اب ہو گی پریشاں
جامے کا ترے رنگ ستمگر چمَنی ہے
کچھ تو اُبھر اے صورتِ شیریں کہ دکھاؤں
فرہاد کے ذمّے بھی عجب کوہ کَنی ہے
ہوں گرمِ سفر شامِ غریباں سے خوشی ہوں
اے صبحِ وطن تُو تو مجھے بے وطَنی ہے
ہر چند گدا ہوں میں ترے عشق میں لیکن
ان بُوالہَوَسوں میں کوئی مجھ سا بھی غَنی ہے
ہر اشک مرا ہے دُرِ شہوار سے بہتر
ہر لختِ جگر رشکِ عقیقِ یمَنی ہے
بگڑی ہے نپٹ میرؔ طپش اور جگر میں
شاید کہ مرے جی ہی پر اب آن بنی ہے
میر تقی میرؔ
