مشکل اور پیچیدہ اشعار کی تشریح

[راغب]

احباب سے گزارش ہے کہ سیماب اکبر آبادی صاحب کے اس شعر کی تشریح فرما دیں ۔۔

دنیا ہے خواب حاصلِ دنیا خیال ہے
انسان خواب دیکھ رہا ہے خیال میں

 

[امجد علی چیمہ]

ایک ذہین خاتون نے جب یہ شعر پڑھا تو ذہین سامعین بہت دیر تک واہ واہ کرتے رہے۔ اب کوئی ذہین بندہ یا بندی مجھ نالائق کو بھی سمجھائے گا کہ آخر مطلب کیا ہے؟ میں تو ایک ہفتے بعد بھی بالکل blank ہوں:-

سکونِ دل سے سامانِ کشودِکار پیدا کر
کہ عقدہ خاطرِ گرداب کا آبِ رواں تک ہے
(اقبال)

 

[علی وقار]

ایک ذہین خاتون نے جب یہ شعر پڑھا تو ذہین سامعین بہت دیر تک واہ واہ کرتے رہے۔ اب کوئی ذہین بندہ یا بندی مجھ نالائق کو بھی سمجھائے گا کہ آخر مطلب کیا ہے؟ میں تو ایک ہفتے بعد بھی بالکل blank ہوں:-

سکونِ دل سے سامانِ کشودِکار پیدا کر
کہ عقدہ خاطرِ گرداب کا آبِ رواں تک ہے
(اقبال)

امجد بھائی جو معنی میری سمجھ میں آتے ہیں، وہ یہ ہیں کہ شاعر دل کے سکون کی جانب توجہ مبذول کروانے کی کوشش میں ہے اور آب رواں یعنی بہتے پانی سے اس کو مماثل ٹھہراتا ہے کہ آب رواں یوں تو بہہ رہا ہوتا ہے مگر وہ پُر سکون ہوتا ہے۔ یہاں کشود کار سے مراد مشکل کا حل ہونا ہے یعنی دل کے سکون سے مشکل کے حل ہونے کا سامان کیا جائے۔ عقدہ گرہ کو کہتے ہیں، گرداب بھنور کو تو اس کا معنی بظاہر یہی ہے کہ بھنور کی گرہ کھل جائے گی تو آب رواں یعنی سکون کی کیفیت طاری ہو جائے گی۔ مفہوم یہی دکھائی دیتا ہے مگر صاحبانِ علم مزید روشنی ڈالیں، یا میری غلطی کی تصحیح فرمائیں تو خوشی ہو گی اور کچھ سیکھنے کو ملے گا۔

 

[امجد علی چیمہ]

امجد بھائی جو معنی میری سمجھ میں آتے ہیں، وہ یہ ہیں کہ شاعر دل کے سکون کی جانب توجہ مبذول کروانے کی کوشش میں ہے اور آب رواں یعنی بہتے پانی سے اس کو مماثل ٹھہراتا ہے کہ آب رواں یوں تو بہہ رہا ہوتا ہے مگر وہ پُر سکون ہوتا ہے۔ یہاں کشود کار سے مراد مشکل کا حل ہونا ہے یعنی دل کے سکون سے مشکل کے حل ہونے کا سامان کیا جائے۔ عقدہ گرہ کو کہتے ہیں، گرداب بھنور کو تو اس کا معنی بظاہر یہی ہے کہ بھنور کی گرہ کھل جائے گی تو آب رواں یعنی سکون کی کیفیت طاری ہو جائے گی۔ مفہوم یہی دکھائی دیتا ہے مگر صاحبانِ علم مزید روشنی ڈالیں، یا میری غلطی کی تصحیح فرمائیں تو خوشی ہو گی اور کچھ سیکھنے کو ملے گا۔

علی وقار صاحب، لگتا ہے آپ کا تعلق بھی اسی ذہین لوگوں کے گروہ سے ہے! سبحان اللہ، تشریح تو بہت اعلیٰ کی ہے آپ نے، اور بہت جلد بھی۔ بہت شکریہ۔

 

[فاخر رضا]

سکونِ دل آبِ رواں کی طرح ہے
جس طرح آبِ رواں گرداب کی گرہ کھول دیتا ہے
اسی طرح سکونِ دل مشکل سے نکال دیتا ہے

اگر تھوڑا اور extend کریں تو کہ سکتے ہیں کہ ذکرِ خدا تمام مشکلات کا حل ہے کیونکہ یہ اطمینانِ قلب کا باعث ہے

ذرا سوچیے

 

[فاخر رضا]

پوری غزل ہی تباہی ہے

٭
کہوں کیا آرزوئے بے دلی مُجھ کو کہاں تک ہے
مرے بازار کی رونق ہی سودائے زیاں تک ہے
وہ مے کش ہوں فروغِ مے سے خود گُلزار بن جاؤں
ہوائے گُل فراقِ ساقیِ نا مہرباں تک ہے
چمن افروز ہے صیّاد میری خوش‌نوائی تک
رہی بجلی کی بے تابی، سو میرے آشیاں تک ہے
وہ مُشتِ خاک ہوں، فیضِ پریشانی سے صحرا ہوں
نہ پُوچھو میری وسعت کی، زمیں سے آ سماں تک ہے
جرَس ہوں، نالہ خوابیدہ ہے میرے ہر رگ و پے میں
یہ خاموشی مری وقتِ رحیلِ کارواں تک ہے
سکُونِ دل سے سامانِ کشودِ کار پیدا کر
کہ عقدہ خاطرِ گرداب کا آبِ رواں تک ہے
چمن زارِ محبّت میں خموشی موت ہے بُلبل!
یہاں کی زندگی پابندیِ رسمِ فغاں تک ہے
جوانی ہے تو ذوقِ دید بھی، لُطفِ تمنّا بھی
ہمارے گھر کی آبادی قیامِ میہماں تک ہے
زمانے بھر میں رُسوا ہوں مگر اے وائے نادانی!
سمجھتا ہوں کہ میرا عشق میرے رازداں تک ہے

 

[امجد علی چیمہ]

سکونِ دل آبِ رواں کی طرح ہے
جس طرح آبِ رواں گرداب کی گرہ کھول دیتا ہے
اسی طرح سکونِ دل مشکل سے نکال دیتا ہے

اگر تھوڑا اور extend کریں تو کہ سکتے ہیں کہ ذکرِ خدا تمام مشکلات کا حل ہے کیونکہ یہ اطمینانِ قلب کا باعث ہے

ذرا سوچیے

فاخر رضا صاحب، بہت خوبصورت تشریح! ذہانت والے گروہ میں یقیناً آپ بھی شامل ہیں۔ بہت شکریہ۔

 

[امجد علی چیمہ]

پوری غزل ہی تباہی ہے

٭
کہوں کیا آرزوئے بے دلی مُجھ کو کہاں تک ہے
مرے بازار کی رونق ہی سودائے زیاں تک ہے
وہ مے کش ہوں فروغِ مے سے خود گُلزار بن جاؤں
ہوائے گُل فراقِ ساقیِ نا مہرباں تک ہے
چمن افروز ہے صیّاد میری خوش‌نوائی تک
رہی بجلی کی بے تابی، سو میرے آشیاں تک ہے
وہ مُشتِ خاک ہوں، فیضِ پریشانی سے صحرا ہوں
نہ پُوچھو میری وسعت کی، زمیں سے آ سماں تک ہے
جرَس ہوں، نالہ خوابیدہ ہے میرے ہر رگ و پے میں
یہ خاموشی مری وقتِ رحیلِ کارواں تک ہے
سکُونِ دل سے سامانِ کشودِ کار پیدا کر
کہ عقدہ خاطرِ گرداب کا آبِ رواں تک ہے
چمن زارِ محبّت میں خموشی موت ہے بُلبل!
یہاں کی زندگی پابندیِ رسمِ فغاں تک ہے
جوانی ہے تو ذوقِ دید بھی، لُطفِ تمنّا بھی
ہمارے گھر کی آبادی قیامِ میہماں تک ہے
زمانے بھر میں رُسوا ہوں مگر اے وائے نادانی!
سمجھتا ہوں کہ میرا عشق میرے رازداں تک ہے

شیئر کرنے کے لیے شکریہ۔ یقیناً تباہی ہو گی۔ جو ایک چوتھائی یا پونی غزل میری سمجھ میں (بڑی مشکل سے) آئی ہے، وہ بھی قیامت سے کم نہیں۔ (یعنی غزل قیامت ہے، نہ کہ مشکل)

 

[Misbah Ur Rahman]

جو مری ریاضتِ نیم شب کو سلیم صبح نہ مل سکی
تو پھر اس کے معنی تو یہ ہوئے کہ یہاں خدا کوئی اور ہے
۔۔۔۔۔
کیا کوئی اس شعر کا مطلب بتا سکتاہے