محفل کا نیا سکول

[سارہ خان]

لگتا نے سب نے مل کر اجتماعی چھٹی کی ہوئی ہے ۔۔۔
جب اسکول میں پورا سال ایک بھی چھٹی نہیں ملے گی تو پھر ایسا ہی ہوگا ۔۔۔

 

[شمشاد]

جب استانیاں ہی سکول میں نہ آئیں تو شاگردوں کو تو موقع ملنا چاہیے ناں۔

 

[سارہ خان]

کوئی بات نہیں ۔۔ کبھی کبھی ایسے موقعے بھی ملنے چاہییں ۔۔۔

 

[جیہ]

کل کا کام کل کرنا آج آرام کرو،

(قول مس جیہ)

حاضری لگادیں جناب

 

[ظفری]

آج کا کام کل کرو اور کل کا آرام آج کرو ۔ ( اقتباس : کلیات ِ ظفری ) ۔

میری بھی حاضری ہوجائے ۔

 

[شمشاد]

یہ “ اقوال مس جیہ “ اور “ کلیاتِ ظفری “ کہاں مل سکتی ہیں؟

 

[ظفری]

شمشاد بھائی ! ۔۔ بڑی ہی نادر اور نایاب کتابیں ہیں ۔۔۔ ہر جگہ ان کی ترسیل کا کام ذرا مشکل ہی ہے ۔

 

[شمشاد]

کہیں نہ کہیں سے دلا دیں، میں انہیں محفل کی لائبریری کی زینت بنا دوں گا کہ امان میں رہیں۔

(نوٹ : یہ بھارتی فلموں والی زینت امان کی بات نہیں ہو رہی۔)

 

[نوید ملک]

یہ “ اقوال مس جیہ “ اور “ کلیاتِ ظفری “ کہاں مل سکتی ہیں؟

کلیاتِ ظفری تو ظفری پاکستان میں بسوں میں جنتری کے ساتھ فری دیا کرتا تھا اب امریکا جانے کی وجہ سے ترسیل کا کام مشکل ہو گیا

 

[شمشاد]

او ہو پھر تو یہ قدیم نسخہ ہے۔

اب تو پھر عجائب گھر میں رکھنے کے لائق ہو گا۔

تو کیا جنتریاں بیچ بیچ کر ہی امریکا گئے ہیں؟

 

[سارہ خان]

اللہ کو ماننے کے بعد بہترین دانائی انسانوں سے محبت کرنا ہے ( نبی کریم صلی اللہ علیہ وسلم​

)

پرنسپل صاحب ۔۔ میری حاضری لگائی جائے ۔۔۔

 

[شمشاد]

آپ جاتے ہوئے رجسٹر کہاں رکھ گئی تھیں، مجھے تو ملا ہی نہیں۔

 

[سارہ خان]

رجسٹر تو میں جیہ کو دے گئی تھی ۔۔ لیکن رجسٹر کی ایک کاپی تو ہمیشہ رہتی ہے نا آپ کے پاس ۔۔ وہ کہاں گئی ۔۔۔۔

 

[شمشاد]

وہ تو مجھ سے جیہ ادھار مانگ کر لے گئی تھی کہتی تھی کہ کل واپس کر دوں گی۔ لیکن اس کی کل کبھی نہیں آتی۔ پہلے بھی مجھے سے تین سو روپے لے گئی تھی کہتی تھی کل واپس کر دوں گی، آج چھ ماہ ہونے کو آئے ہیں۔

 

[جیہ]

رجسٹرڈ تو پرانے والے محفل کے ساتھ ختم ہوگیا۔ ابھی بازار جاکر نیا رجسٹر لائی ہوں۔ بل پرنسپل صاحب کے سیکٹری کو دے دیا ہے۔

اور میں کسی کی مقروض یا نا دہندہ نہیں۔ وہ 300 روپے تو رجسٹریشن فیس میں میرا کمیشن تھا

 

[شمشاد]

کمشن تو پرانی بات ہے، اس کے بعد جو لیے تھے 500 جن میں سے 200 واپس کر دیئے تھے اور باقی 300 رہ گئے تھے۔

 

[جیہ]

مجھے یاد نہیں

 

[شمشاد]

مجھے یاد نہیں

ہاں اب کیوں یاد ہونے لگا؟ میں یاد کرواتا ہوں اس دن تم نے کہا تھا میں نے بکری خریدنی ہے اور 500 روپے کم ہو گئے ہیں۔ پھر اگلے دن تم نے مجھے اس بکری کی تصویر بھی دکھائی تھی جو تم نے خریدی تھی۔ آیا یاد کہ ابھی بھی نہیں۔

 

[جیہ]

میں اور کیا کہوں، غالب کا کہا لکھ دیتی ہوں

یہ کیا؟ کہ تم کہو اور وہ کہیں کہ“یاد نہیں“

 

[شمشاد]

ہاں اب تو غالب بیچارے کو ہی الزام دو گی حالانکہ اس کے بھی 50 روپے مار کے بیٹھی ہوئی ہو۔ وہ کہہ رہا تھا کہ بکری کی قمیت میں ادھار کر آئی تھیں۔